1
Mapu echi Riosi iwikala nili kie naki rejimala kie nirami.
2
hemi a machi mapu ali ketasi cho bichiwami nili, yemi ko ikami nili echi niwarami bichiwa uchuli ke tasi omerami raicha, a pe chuwe yemi pe ketasi norli ola echi jitra.
3
echi jiti nije naki yemi machibompa ke wesi nopi raicha echi Onoruami Iwikala animea:" Jesusi chati olami ju." ke wesi omera je ania:" Jesusi ko ju echi onorua mi," chopi animea Onoruami Iwikala.
4
jipi ko niru ne sinu nira omerkoami, nalina ne bilepi Onoruami Iwikala.
5
ne wika niru mapu ni nuleli nawisanla, nalina pe bilepi ju echi Riosi ko.
6
ne wika namuti niru nochala, nalina Riosiko pe karka omera.
7
jipi ko a karka ruwirtami nima re echi Riosi Iwikala a karka riwimea re.
8
a jareko iyarami ju echi Riosi Iwikala echi raichali jitra ali jare ko aka machi`wuami, ali jare ko echi machi`wuami echi bilepi Iwikala jitra.
9
jareko, iyarami ju echi bichiloami echi bilepi Iwikala jitra, oche jareko, ku sawekoami echi bilepi Iwikala jitra.
10
ali jareko iyarami ju echi omerkoami, ali jare ko echi jala machi`huami. jare ko iyarami ju echi inelkoami mapu Jara me jala Riosi Iwikala aka yena, ali jareko iyarami ju echi omerkoami, ali jare ko echi kala machi´wami jare ko iyarami ju echi inelkoami mapu jare me kala Riosi iwikala aka yena, ali jareko iyarami ju echi raichalkoami, ali uche jare ko, a ku yumea mapu bile yaicha iliya.
11
ali echi bilepi Iwikala ko nocha karka echi yuwa, iya ibil nira, nopi rika echi naki.
12
Mapu bile ropokala bilepi ju wika namuti niwa ali echi ko karka echi ropokala niwala ju, echi riko rika ju echi Kristo.
13
Pe bilepi Iwikala jitra pakorami ju pe bilepi ropokala, nisa juriosi o griegos, nisa ka chapiruami Ali jare jala niubtami, Ali karka iyalti echi bajinla echi bilepi Iwikala.
14
Echi ropokala ko ketasi pi bilepi ju.
15
ali ju wikabe anisa: "mapu nije keni sikala ju, nije ketasi bi`iri ju echi ropokala jitra," ketasi pe echi jitra ju echi ropokala.
16
Echi nakala anisa: " churikar keni busila ju, ketasi ni bi`iri ju echi ropokala, " ketasi pe echi jitra ju pe echi ropokala iniala.
17
ali karka ropokala busila nisa ka, ¿komi asimea echi namkoami? ali karka ropokala nisa ka bilepi nakala, ¿ komi asimea echi sakuami?
18
Ali Riosi ko binoy muchuli echi ropokala nopi rika echi naki.
19
Ali karka pe bilepi ropokala nisa ka, ¿kumi asimea echi ropokala?
20
Jipi ko niru wika yua uchua mi, nalina pe bilepi ropokala ju.
21
Echi busila kie je anema echi sikala: " nije ketasi mi newale muje jitra." ketasi echi mo`ola je ane omera echi ronola: "nije mi newa`le."
22
Ali ko siwira nira ju mapu ropoka kare kie jiwerami minabi ju we newalerami.
23
nopi jare uchua echi ropokalachi tamuje ko jela pe ke chukarami juti, tamuje ko iya ne bacha chukumea, nopi echi ke machirtami ju pe minapi a la ju.
24
Jipiko echi tamuje yua uchua ketasi nawale jala nateami nima, echi ma jala nateami ju, Riosi a napabuli echi yua uchuami, ali echi ko iyali bacha uchuma nopi chobiji a rika re.
25
echi ko niwali echirika a napabuli pachana ropokalachi, echi ropokala ko jala tibuma re pe aboni nira.
26
Mapali bile yua chukuami risu inilsa, karka nopi yua uchuami ju ayenacho risu inila. Mapali bile jala kaniltami yarami ju, ne sinemika jala kanila.
27
Jipi yemi echi kristo ropokala ju ali echi yua uchua mi ju ne ibili nira.
28
Riosi ruyeli echi nochami Jesusi yua, okoa ko nawesami, baisa ko binerami, ali juva ko echi wabe owami, juba ko echi omerkoami ku sawea, Ali nopi iya echi kuirami, nopi ola echi nochami nopi jala ruye, ali nopi niwa ne wika raichali.
29
¿karka echi ju machiami Jesusi yua? ¿karka ju nawesami? ¿karka ju binerami? ¿karka ju wabe omerami?
30
¿karka yemi niwa echi sawekoami? ¿karka echi raicha wika raichali? ¿karka echi ko ku ruami ju mapu bile raicha?
31
ne iweri oloka asi echi echi Riosi mi omerli yama. ali nije mi ruirma bile buwe ne jala.