¹ Binebo're mapu rika nije Bine' re nopi rika nije binerami jú Jesukristo nira'a. ² Ali nijeko nawiji mapuriga iyemi tamiti nira' a natam karka suwaba ty. Nije nawaji nopuriga iyemi chopika we gara echiriga bitelama nopuriga nije wiyali iyemi. ³ Jipiko nijeko naki napuriga yemi a machisa mapuriga Kristo ko Bile rijoi mooli ju karka rijoi jiti napi riga Bile rijoi ju Bile muki mo' ola ali Riosi ko Kristo mo' ola ju. ⁴ Pi chuke bile rijoi echi Onoruami yuwa raichasa ali Riosi Raichali Raichami inisa binoi mo' ola chulubi kie koowapa. ⁵ Ali pi chuke bile binoi molola muki raichasa Onoruami yuwa echi mo´ola echirika nisa sikirutame. ⁶ Napii riga Bile muki ke chulubikame nisa binoy mo' ola binoyko sikimere kupa kuchi. Ali ke riwelami nisa bile muki sikiya echi kupaka o la karka ke biri ripisa kupa echi mo' olichi. ⁷ Ali Bile Rijoi ko kie tasi nima re echi mo'ola chulubika napú rika echirika a niwarame ju Binoi Riosi nili ju. Ali echi mukiko Bile Rijoi nili ju. ⁸ Ali echi rijoi ke pi ke echi muki ineka niwarame ju. ⁹ Ali pi ke cho rijoi niwarami nili mokiti. Ali echi pi echiriga a mukiko niwaraminili echi rijoi jiti. ¹⁰ Ali echi mukiko nisare bile inertame ichirika machimeampa a la ko binoi mo' ola echirika Riosi pi o nula. ¹¹ Ali nopiriga Binoi walula ti ko, echi mukiko ke biri siniú rira ju rijoi yuwa, tapi rijoi a sinu´u nira muki yuwa. Karka namuti Riosi niwaraju. ¹² Ali echi muki ko inaro rijoi yuá. Ali ko Rijoi ko Ayenacho muki iyuwa inaro. Ali ko karka suwaba echi Riosi yua ju, Binoy niwari tamuje. ¹³ Ineka nokisi aboni nira'a: kara ara jú echi muki raichasa Onoruami yuwa kie churubika mo'oli? ¹⁴ Ali echi bi karka nopi iri ajawi kawichi ke riwiri a emi bile rijoi nisa iweli kupa ke ala ju echiriga. ¹⁵ Ali echi jawami je nai kawichi kie la echirika riwiri yemi ali echi bile muki iweli kupeami nisa wabe bayomi ju ali echi mukiko echirika abi win ati mapurika bayoami. ¹⁶ Ali jare kie ola bichinisa kie na raichali. Jiti tamujeko kie bili cho niwi cho bile Raichali tapi chiko jena´í reobachi Riosi galila. ¹⁷ Nopi ir nije chania,a re, nije ke nawajimare. Ali napi ali emi napawisa que ni ala nira,a ju, pe we charika ju nalini. ¹⁸ ali ayenacho niruimara rojuakame temi nira´a mapu ali echi ayena inirami ju ala machirutame nimare yemi. ¹⁹ Ali ayenacho nirulmare rojuakuame yemi nira,a, mapu ali echi ayena inirami ju ala machirutame nimare emi ti. ²⁰ Mapu ali emi napawisa, kie bile kowami nira, a ju waluwala Jesusi echi kowami. ²¹ Mapa ali yemi kosa, ali pe ibili nira´a nisa kowami juba jare nisare echinili bile we lowame bile ko wabe rikuwami iyenami. ²² ¿Emi ke biri iniwa kowami pirelachi tapi bajiwame? ¿ke kalerami nira´a yemi echi Riosi Raichali. kie kaleka noka echi ke biri iniwame? ¿Nije ko chu anime re iyemi yuwa? ¿Nije piri animea re yemi yuwa? ¿Nije ko nawajinmere? ¡Nije kie nawajimare jena jiti! ²³ Chorikare nije nareli binoy waluwala jiti nopi rika ayenacho simirlin yemi yuwa, waluwala Jesukristo, echali rokoko chapiruami nili lo binoi ko pani chapili komee kuwa cho jarewa. ²⁴ Ma jabako ma natetara iyasa, binoy ko karka nachuti ali je anili: "Je nako nije sapala ju. Mapuriga yemi nila jú. Echirika olasi mapurika tami jiti anayika. ²⁵ Ali sinea´cho echirika binoi chapika Bajili ali makosako je anili: "Je na ko ni kuluwame nira´a nimare ma echirika a la katiwarame nira´a nimare nije ala´la jiti Ali ma chulubi niraka echirika alaka bajisa re mapurika tami jiti natika. ²⁶ "Ali na'ali chulubi kosati jena pani ali bajisa yemi nawesasa're mukuli mapu ali Binoi ku nawasa. ²⁷ Ali bire nopi rika kosa pani ali bajisa bajikuame waluawala ti pichuke nira´a binoi chokila jú sapala ali echi ala'alati Jesusi. ²⁸ Nakisi Cho bile rijoi binesa binoi niraka bacha ali je nali ko nakisi kome pani ali bajisa echi bajikuame. ²⁹ Ali chika ka,a ali baji tapi rukeka binoy sapala koowa ali bajisa satikartame binoi nira,a. ³⁰ Ali wikabe iemi kie jiwerami ali nayuwame ali jaré iemi kuchuwa uchuwi. ³¹ Ali tamuje echirika nakisa aboni nira´a aboni kie risua olarami nimare. ³² Mapu ali risua olarami nisati echi wuluala Jesusi niboreti ala ra,amarami ali echirika ke ni risua, olarami nibo karka jena kawichi piremi. ³³ Ali echiriga nije rijimara mapu ali napawisasat kopo Rua buyesa re bile ali chubile. ³⁴ Ali bile olowami nisa kosare binoy bitelchi mapu ali napawisa kie katigartami nima. Ali mulipi nira´a karonti ali emi osali, mapali ma´a nue ku nawa ku kolorma´re.