¹ Jatyë Jesus, Dios wyä'äts poj yëkwinmäjyë jats nyëkxt näxwin'wä'ats'ätum, nits jam wyinmä'any y'ixët mëjku'ujy. ² Ku ijty y'äyujëkyextë wixtekjyëw, wixtekxtsxuj nits yujpyäjtë. ³ Nits winmäny ixpë nyimijnë jats nëëmxë pën Dios'uunk mits,päwänyëtsäj jats tsäpka'aky wympit. ⁴ Jesus y'atsojëmpijtë nits nyëmxë: Jäy wyat jap ity kujääytyëjkjääy ka'atsäpka'aky täjukyët jayë ja'a ja'yë mati äyuujk Dios y'äwäk'äm pitsëm. ⁵ Nits mëjku'ujy pyäwäjë wäätskäjpjotm nits myëtpäjtë tsaptëkjup ämnaxy. ⁶ Nits nyëmxë, pën mDios unkëmtämits, kuputnäxjyä, jäywyet jap y'ity pyäkaxpë ja tyumpë (Angeles) Jats m'ixitët jats kati mteky tsatsxë kutsäkëxmjyä'ät. ⁷ Jesus nyëmxë, jaywyët näjnyäj y'ity Katie wintsën Dios xwinmä'äny ixy. ⁸ Jats jatukyäjë mëkujy pyäwäk ojmyë kopkunukukm nits tuky ixë tukëyë näxwiiny mäwä'äjt myëj äjtën nitänë. ⁹ Nits nyëmxe tukëyë ëts mitsxä'ätkëm oykyëxt pënxwinkux tana'apy ëts mits pën xwëntsëjk'eepyëj ëts näynyäj. ¹⁰ Nits Jesus nëmxë,jnëkx jäkam witity mits mëjku'ujy tikëx kujäywyët ja'pity, jawintsën Dios jamëts wintsëjkënmo'op, jaats mits jäyëmtujnëp. ¹¹ Najts ojts mëjku'ujy nyikeekyë nits nyimijnëtë tumpëtëjk (angeles) nits ojts tyunxëtë. ¹² Ku Jesus tmäto'ojy jats të Juan yëkmätsnë nits jam wyimpity Galilea. ¹³ Tsxo'ony Nazaret nits nyikxy tsënawyë Capernaum, mati myu'awinkon eepy Galilea myä'äxnyëj, Zabulón mëët Neftalí yitjotm. ¹⁴ Jäkëxnäjyäjty jats näj tyuñet tso'om matyäkpë Isaias ojts ya'any. ¹⁵ Zabulón y'itjo;ojty më'ët Neftalí y'itjo'ojty, mati tu'u nëkxp mä'äxynyëjotm, mäjmënëj Jordan jam jäkam Galilea nyäxwinëtjä'äy. ¹⁶ Jä'ay matii y'ijty tsëna'apy äkotsxëtujy tëtsa'at'ixtë mëj äjäjk. Matits ojts tsxënë okpëj yä'a apitjotm janikëxmtstëj äj'äj kpyuutë'ëky. ¹⁷ Ja jumëjt ojts Jesus kyä'ämäy äxäjy, nits wyan äxäjy winmäyëmpitë, winkonëpja Dios kyutujk. ¹⁸ Ku'y'ijty jam tyu'yo'oy Galilea myä'äx nyë wä'äm, nits ojts yëk'ixpä'ätë tukjä'äyja'ijytë, Simón matixë ëw Pedro më'ët y'utsx Andres, ku jam'ijty xu'umytniyupatëtëj mä'äxynyëjotm, äkx mätstëp ja'a y'ijty. ¹⁹ Jesus nyëmxë, nämintë, pätso' ontëk 'ëts, nits ëts miits ntukjät tsojä'äy xwä'ämukte. ²⁰ Nits ojts jatyë kyäjyxyumy jäkam t'okyuupkëxnë nits tpänëkxtë. ²¹ Tso'omnëm y'ijty Jesus nits ojts t'ixpä'äty nimatsk matitu'ukjä'äytyë Jacobo myäjnk Zebedeo, mëët y'utxy Juan. Jam y'ijty barca jotm mëtë tye'ety Zebedeo: kyäjxyumy jamy'ijty yëk'ä'oyëy'ooktëp, nits yëkwätsotë. ²² Nits jatyë txe'ety t'oktamunikajk'eenyë barca nits tpänëkxtë. ²³ Nits Jesus ojts Galilea wyiti'ity nits ojts jam yëk'ixpeky mäyo'oymyuktäjk, oymyääky tkapxtmätyä'äkj, mati mimp mäj kutujk täj nits ojts jääy aku'ukm tukëyë pä'ämjä'äy tyëktsokëxy tukëye jä'äy mati y'ijts änëmpëjkënmyëët. ²⁴ Jats tukëyë ayuujk ojts wyäkxtäkëxy jam Siria tsojätyumy nits jä'äy tyäänëkx'äjtë tukëyë mäti ijty änëmpëjkën myë'ëtë mati, myëktäknäxnëtë, mati kyä'oywyë tä'ijtëtëp mati wyinmä'äny jotypy, pä'äm myë'ët, më'ët xuxjä'äytye. Ja'ats Jesus ojts tyëktsokexy. ²⁵ Kawinëmpyë jä'äy pyäwitityë mati pätso'ojnë jap galilea, Decapolis, Jerusalen, Judea, mëëtimatí Jordán myujäkam'eepy.