¹ Jam tu'ukxë'ëwën Juan el bautista myiín a'wayu'ukj náskäpxë Judea tyetsitj jotm ye'ni. ² Winmayëmpijtë, tikex ku të wyinkony oyätän ma'aty tsa'apjotm. ³ Tikex kuja kexm jots nikäpx ja aka'apxpë Isaias, ku wyanye "a'wayu'ukj ma'aty wa'atsoopj teets it jotm, ye'ekjnioyëtë wintsen nyë tyü,yekj tewte mnëm, tu'u. ⁴ Juan ity twitë jätsu'u ak, jats po'o tinsum natya tinwinnyë we ja jity je'ekpx mu'u me'et jömty pya'akj. ⁵ Nits Jerusalén, tukëyë Judea jats tukëyë kääpkj ma'aty në Jordan nyiwitity jity yawitsëjätyëtë. ⁶ Ja jity nyëpëttë ma'am Jordán nye'e,ku ity tyako'ony tka'apxna'axta. ⁷ Kuts ja jots tiix nima'aynyex jixpe'ekytye'ekj (fariseos) me'et kate'eyäwëwyë (saduceos) nyi atya jats tyëknë'ëpätj, nits jots ja ye'ekj nëmëtë mitstë tsu'utspë tsa'any nyaskëxe'etë, ¿peen mits temnëmxëtë jats skukëktët ja jotja'an ma'aty minwampj? ⁸ Ye'ektemëtë te'em ma'aty joy winmayempitëm. ⁹ Jats kë xwinmastät nawyanëtat tu'ukj anitu'ukj "ëtst me'et Abraham tsó'om ëtsen te'ety. Ixa'am mits ne'emë ku Dios tyu'mpë janá jats Abraham junkj tyekj putëkj ma'am ixa'a tsa'a. ¹⁰ Te'ena ja po'otpë pu'ux ye'ekpëm ma'am epj xo'o a'ats. Na'atsë tukëyë xo'o ma'aty of katëm ëpy ye'ekj po'otjëkpë jats ye'ekj jë'ëen. yu'upe pe'ty. ¹¹ Ëts miits ixa'am nyeknepe'etpye nëe kexm jats mits winmayë'ëmpity pëns ëts xpamimpë ixokj, me'ekj më awxëëwje niké ets jats niké ëts xpa'at etya jats kye'ekj pakone'et je nikx nyekne'epetytyete Dios wyats po'onjen kexm jats me'et jë'ën. ¹² Ja ya'akaptwats ja'm ja tkejëm'ë jats winka'apkext pux ma'am të na'axyëkjyuum pity jats naynya ko'onjekj mo'okj ma'am kyo'onjëkjtakj ja'ts tyëkjtoyty penx kiepy jëën jopy ma'aty nijuna kaokpë. ¹³ Nits Jesus myiny Galilea jats nyikx ma'am ne'e Jordán jats jam Juan ye'ek nepääte'etj. ¹⁴ Jats Juan ity tyayeti atu'ukj oky, jats ya'ani "Ëts xäpatyëpy mits yexa xe'ekne'epety" jats ¿ëts mits xniminy? ¹⁵ Jesus yatsoë jats nyemxë kupëëkjna, tikex ku oyna jats ën kuytyunën tukëyë tyeyjatpë. Nits Juan tye'ek jatsna. ¹⁶ Kuts jots nyëëpëëty jätyë Jesus pyintsemy ne'e jotm, jats jots tsa'apwiin yawa'atx, jats tix Dios wya'atspo'o kyita'aky na tso'om tu'ukj pakj jats tyanaxkitaka. ¹⁷ Nits jots ma'atoy tu'uk ayu'ukj jam tsa'apjootm jats yeani "ixaätjë ëts kunu'uky junkj, taotkutjtakpexpye jëts txëë.