¹ Ku të wiënë nyëx jë pokxën xëëw jëts ku ity xënytiaknë jë mutuuk xëëw jë samanë María Magdalena mëëtj ja tuuk María mintë ixpë ma ookjp jut jëm. ² Nits mëknëx uxj miiny jëkëx ku wintsën ity iangel kitakpj tsapjotm jëts ko jiaty nits jëty tjëkëëy jë tsa jëts jëm ots txënë ixtaaky. ³ Jëts na ity kiëx ntsom witsukën jëts witj poopnex tsom tsap'oopykyën. ⁴ Jets ix itpëtëëkj tsëkë yikwipipnëxëtë nits tiankëxtë ntsom jaay io kiën. ⁵ Nits ángel twinkunëkx aty jë toxtiëkj nits tnëmjaay kati mtsëkëtj nijawëëp äts ku miits x'ixtay jë Jesús mati ots kriuspety. ⁶ Kets ya pën të jë jiuky pieky na nixkëm je wiany. Mintë nits x'ixtët mait tiity jë wintsën miay. ⁷ Nekxtë atëtsnë nits xnëmëtj tiumpëtëëkj, të jë jiuky pieky ookjp akukypj. Ixtë, ku miits mwintuwëk'ëty Galilea. Jëmts miits x'ixtët. Ixtë, të äts miits nwanëtë. ⁸ Atëtspëky je toxtyëk tnikëktj je ookpj jut tsëkëetyp jëtë nits jotkuktaktëp jë nainya nits putjpnëx txontj t'aswanwanëtë jë tiumpëtëëkj. ⁹ Atsuukj ots Jesús tmänawiatytë nits "yës mioyëtë" jets toxtiëkj twinkumin ety nits tiekyëx tmokxtë jets tmäpëktaktë. ¹⁰ Nits Jesús nyëmxëtë "kati mtsëkëtë nëkxtë nits xwanëtët äts nmukukjtëëkj jets wën tnëkxtë Galilea jëmts äts x'ixtët". ¹¹ Kots ity toxtiëkj te nyäkxtë, jëts jëty nituukën ixitptëëkj nyëkxtë jëm mä kapjootm nits ots teety nyiwintsën twankëxëtë tukëyë matijet wiene te tyiunyë. ¹² Kots je teety yoymiukëxtë mëëtë majaaytiëkj nits tkëpx iëty tijety wiënë te tiunyë, nits tmoyte maynyëx meen jë ix'itpëtëëkj. ¹³ Nits yiknëmjëty na mwuantët, koots ko ääts ity nmatë nits Jesús tiumpëtëëkj minté nits ots tmëëtstë jë nyikëx. ¹⁴ Kots yatj tjanijawëtj jë yikutukpj ääts jë maknëx nëmëpj jets naamjë nats miits mataktët. ¹⁵ Nits je ix'itpëtëëkj tmatstë jë meeny jets na tuntë ntsoom yikpawantë. Nats yaat aaw ayuuk ots wiakxkex jem judíos akukm. Nats nyëkxity ixam paatj. ¹⁶ Jets nimaktuuk tiumpëtëëkj nyëkxtë Galilea, jëm kopj këxm mati wiënë të Jesús wianxëtë. ¹⁷ Kots jëte tixtë jëts tmapëktaktë, jemts nitukën matiw t'katëyiaweety. ¹⁸ Jesús nyiminëtë nits nyëmxëtë të ats tukëyë kutuukj myikj moytiënyë mati tsapjotypj määtj mati naxkëx. ¹⁹ Jëkëxts mnëkxtët, nits xyik jattët tiumpëtëëkj tukëyë naax kaapj. Xyik nëëpët'tët niteety xëëw këxm je iunkj nits je Dios wiats jawën këxm. ²⁰ Xtaawantët jëts tmumatotët tukëyë mati miits të ntapawantë, nits x'ixtët, ko itpj äts miits nmëtë (jawom jawom) "konëm yats naxwinetj jiup këxtj" (naam jë) (AMÉN)