¹ Ixam, jë wats po'o yë waatsnex yä'äny ku wiënë jekniöm tu'uk jäty jaay tmastutnät jä jentxjawën nits tamato naxnöt ka oy po määt kiaoywy ixpäkön. ² Kia oytän kexm matu äntöp. Jets käm winmany ajaytiuknä tsjë. ³ Jetë kä t'ukupäknöt amäsatën hits kä t'ukupäknt kayën ukën mati Dios të tpemy tkoy jets tyikniwatt yës kujuyenkäxm ma jentxawewy mati të mint jets tnijawätwiant tëyiats. ⁴ Je ku tukäy mati Dios tpemy tkoy oytsje, jets niti matiw kujuyenkäxm ka yik kuentpökp. ⁵ Ku je yik köyeky Dios iayu'uk k'äxm määt nukxtakäxm ka yikikuentpökp. ⁶ Ku mits x'ikëx'kt yaat mujuk tëëk winkuky, jets m'itjt Jesucristo iöy tiumpj. Ku je wienë mäkjmoyë je aawj ayu'uk mati jentxyjawënkëxm mät oy jxpäkën mati të xpanikxj. ⁷ Katim xkuent'pekyj matia' ky mati niko latsotëp maja'ay tioxtyëky. Mity oy, xtuntajkt ye oy ja'ay atën. ⁸ Ku yë nikäxmäty njatuntakën ketxyë nän tiuny, jets yë oy jiay ats yëts tunkäxpj tukäyë. Jets miët je wantaky ma yats juky ats mät jukyatj mati mimp. ⁹ Yat aaw ayu'uk tieywyë yë patatëpj jets yik kuent pëkt puky këpxy. Je këxm ts n'atyen n'okeny jets ntunyen mäknexy. ¹⁰ Je käx ku n'mët atyën matakën juky Dios këxmj, mati tyikmatakpy tukëy ja'ay, jets je matiw tëyjawetiëpj. ¹¹ Nas kapxë nits awan yatj. ¹² Kexkupökt nits pön mkamä ixit ku mits m'aunakj. Nakwimpitj ixpëtj jentxjawën ayu'uk këxm mjaay atën, mtsokën, jentxyjawën jets watsjatën. ¹³ Koonëm äts nwimpitjt, jem m'napiëk takët naskapx eewy, kapxjotmä äny jets mik ixpëkt. ¹⁴ Ke xkaixtjt je mäkat mati jem määtj, mati ots mikmoy akapxënkëxm koots mkë, nixayët maja'ay tiëjk. ¹⁵ Ix'it yat tukëy, jem m'itjit'ty jets mits mwinpëtën nyikëxjëkt ma tukëy ja'ay. ¹⁶ Nayixitëm këm jets yë ixpëkën. Panökx yat tukëy. Ku naxtunt mnakmiatakëp mits këm mëët pön pön m'amatonaxëp.