¹ Ya'at kapxtaky oynyexyë ëts teyawen: penjem pen tsyopy ets, nimë tyuntj oy tyunkj ë tsy'koy. ² Tikexëm, ke yekjkaoyixtetj, ma'aty nimë, tuukj ë meta mekstsenet, toxtyekj, na ë jayyatj tutaky naxkexy, wats ets ja'ay tekjmotj. Ets meta'at tsonken, ets taawants. ³ Ke ë atsokt tukwant mukpeenëe ets tsyoptutj, we e tsyokye tikatx, oyjaay ayyat, et tuctakj ke naynya tatsokj më'ëny. ⁴ Yee nimëë wepatatapy et oy tyekjkentum yekjkutuktj et naynyame uktette myumatowat ets wyintseatëjtj. ⁵ Peen tu'utj ya'aytyetj ya'ay ke et tso ixa tyokoty yeekkutuktj, ¿tso ixa ë tixit ë Dios yë'ën tyetj? ⁶ Ke pyatety ets nime tyunt kuontsoë tëyawanemi natsë ke nimë njakwinpittetj, ets kë takony opty kyaty tsom mëkay. ⁷ Naynya pyatetya et meetet oy matyeaky epj tety wimp'j mam yoyyity, ets ke tyaty ma'am kyapa'atye ets eps kyatj man kyaoyuya y'uuy.. ⁸ Naynyame, tuwekpë tekjmë, naxkexyayatatj ke mëk"s win kyapstatj yetë ket uktet mukpë në. Ke naxtsoketj meaty kaoy. ⁹ Yë patjatätap ets tyëatëp me'et yaawan ma'aty te yektaniixata tixitat wyats winmany. ¹⁰ Awin yukyatj nyeknioyatät nits tsë ëp tyumtëk tikex ku ë ke kaoy tyunwantë. ¹¹ Toxtyektë naynyama pyat etyame tutakj nyapyetakatatj. Ke ë nyiwanpettetj. Watkex yayatatj ets tey ma'am tyunte. ¹² Tuwekpëte tu'uk ë met amëks tsenatet tyoxtyekj. Xon ë yuktekj yeektuyo'oy meet tyekj. ¹³ Nitukye pën pen te oy tyuyotye we patatapj ë kem watsatan ets mënex enxawan ayaawan kexm me'et Cristo Jesus. ¹⁴ Yat ets mits ayatyep jats aixpy ets mits nikx ix. ¹⁵ Pen tanepy ets, ixa etsenjay etsxniawatat tsoixa yaayatatj mäami yukj Dios yentyekj ma'aty teyat mekj yeek ipy. ¹⁶ Kë yëe tsoixa tsipatj ye teyatam ma'aty nyikexitë mëney tey ix yaawam kexm, Dios tyumpe tekj ots ixe, yeknikepx tu'ukkapj atutkapj, naxwin Ja'ay tye'ayawate ets nikx mam oyatën.