¹ Pëmpën tyëy'aw'eepy ku Jesus Cristo ja Dios këxmtsa tëj kyajxëëky. Pëmpën niteety tsokypy, tsokypytsaa wyanë näynyäj mati'i niteetykëxm të kyajxëky. ² Najts ëënijaw'eyën jätsntsojkyëmja Dios y'unk tëjk ku dios najntsojkyën jats nmumätoyën tso pyäwä'an ya'any. ³ Yë'etsojkën Dios päjt'äjtëp, jats kojn'ejkjäyën pyäwä'än, kupyä'än katsatxujxë. ⁴ Tukëyë mati Dios këxmkajxëkp myumätakypytsa'a mati'i yäj näxwi'iny, ëën jantsxyäwën yëëts tukëyë myumätaky mati'i yäj näxwi'iny. ⁵ ¿Pën ja mati kyäyëkmätaky ya näxwiiny? Pën tëjtëy'äwë ku Jesus Dios unkja. ⁶ Yä'ätsaa Jesucristo mati kë myin nëj këxm jats nëjpykyëxm ka nëkëxmtëj jayën mxin, nëkëxm jats nëjpkëxm näjtsa'a. ⁷ Tuwëëkwinja matii xtuknyäw'ëyëm. ⁸ Dios wä'äts poj inëj, nëjpy yë'ë nituwë'ëk nyäwinjäwajtëptsxëë. ⁹ Pën kuwntëpëjkjäyëm tsojyä'ätyëjkjä'äy myätyäktë, jats Dios nyikäpxp nimëjkëxmtsa'a, yätsa'a dios myatyäkyeepy kutëyuunk tnikapx. ¹⁰ Nitukëyë pëntëjtëyjyäwë Dios uunk, jamtsa'a tmët'eenyë tso këmnyanyimatyäkëtët,, tukëyë pën Dios kyatëyjyäw'eepy ëmpëtpëktäknë tikëx kuka'atëjäwëtë tsoj Dios tëj tjänikapx y'unk. ¹¹ Yä'ätsa'a myätyäky'eepy, ku Dios xmoyënyäyën juk'ajt matixëmëkëm, yä'at juky'äjt y'unkëxmtsa'ity. ¹² Pënjam Dios y'unk myëtëjanyëp jamtsa'a juky'ajt tmë'ët'enyë pënts Dios y'unk kyamët'eepy ka'atsa juky'ajt tijtmëtë. ^{14 13} Akëx ëtsmitsxën'ájyëtë jats xnijäwët kumiits jam xmë'ët'enyë juky'ajt matixëmëkëxm, kumiits Dios unk xyëkëxm tëj xtëyjäwëtë. v Yëtsä'ä tëyjyäw'äjt mati ëënmëët'eyëm jakëxm pëntitsxejkënkëxm n'ämätoyëm, myätowtsa. ¹⁵ Tëjnijäwënyäyën kuxmätoyëmja, pentits ëën'ämätoyëm nijäw'eyëm enja kujam nmëtënyäyën pëntytëj n'ämatoyën. ¹⁶ Pënjam nitukën myukujkt'ixj tunymatikä'oy, jatsk'a y'ok'ämë, nukxtä'äkpsta'a Diostsa mojëp juky'äjt ja'a ëtsnäjntijpy kujatuntë mati ka'oy jats ka'a yojkën'amë jamja tu'uk täkoony mati okën'ämjanëp katsa'a y'okpäjt'ajtënyë jats nikunukxtä'akt. ¹⁷ Tukëyë kä'oytyu'un täkonytsa'a, jamtsa'a täko'ony matika okën'ämë. ¹⁸ Nijäw'ëyëm ja pëntëj Dioskëxm kyaxtikatsx katsa ka'oy y'okjuky'enyë, ja jä'äy mati Dios këxm kyaxtikatsxtë, maka'oy, Dios ja kojnjëkëp najts kya'oywyé káyëktsa'atsx'ätët. ¹⁹ Nijäw ëyëm ku ëën Dios më'ët ëën'ijtnäyën jats yäj näxwiny kyiäywyëtsa'a këjëm'ajtëp. ²⁰ Tëj ëënijäw'ëyën ku Dios unktëjmyiny jatstëj xmoyën winjäw'ëëny, jats najnijaw'ëyëm pën ja'a tëy'äjt'eepy y'unk Jesucristo këxm matii tëy'ajt eepy, jamts ëën ijtyën, ja'a Dios tëy'äjt'eepy näy jats juky'äjt'eepy mati xëmëkëxm. ²¹ U'unktëjtë nyäy'ixitëtë mäyäj äwo'onäx.