¹ Mukuktëkjtë, katyxteyawetë tukëye a'jawën, jawin jë ixtët pën Dios mëëtjë, tikëx ku kawinëmpyë kaoy matyëakpë të pyitsemnë yaa naxwinkëx. ² Ya'at këxm miits xnijawätët Dios jyaawën tukëye a'awën ma'aty ixkäpy ku Jesucristo te myin naxwinkex nikëxmëët yëtsëë Dios myëtityp, ³ jats tukëyë pënpën kyaixkëpy Jesus këtsë Dios më'ëtity. Yëtsë ja'awen ma'aty anticristo ja, ku mits tëx ma'atoy ë mimpj, jats enë ë naxwinkex. ⁴ Dios mits mëtjipy, tsokën unkjtä, të ë xmumëtaktë, tikëx ma'aty mits mtaita'atëëp nimëë ë ke ya naxwinkëx. ⁵ Yëë naxwinkextye yee, tikëx ma'aty ya naxwinkex yëts kyapxtäpj jats naxwinetj jä'äy myatoyë. ⁶ Dios ën meetityem. Pën Dios jixepy xmatoyemtsëë. Pen Dios kyameetipy ketsë xmatoyën. Natsë ixëyën të'ëy a'awa'an me'et kaoy a'awä'än. ⁷ Mukukjtejktë, wan tu'ukanitukj tsokën me'eteyeen, tikex ku tsokën Dios ë jëë, jats nitukeyë pëpën tsoken myëtj Dios këxm jetëkyiexjektë jats jixee Dios. ⁸ Ja'ay máaty tsoken kyame'etj ke Dios jixëë. Tikex ku Dios tsokënë. ⁹ Natsë Dios tsyoken ën ye'ektaniixeyeentë, ku Dios tëtjpäkëx kyo'opj unkj naxwinkex jats ën jukjëyën yëe këxm. ¹⁰ Ya'at këxmjë tsokën jëëjë, kë jats ën tëntsokyen Dios, ën textsokyën kut pakëx jünkj jats na'at tyekjtu'uny tso'om wintseken ën takonykyexm. ¹¹ Mukukjtejktë, ku ëntë Dios xtsokyën nätsë xpa'ateyën tu'ukj a ni tu'ukj nyamyayen. ¹² Nipen nitukën Dios tetix. Pen en ayamyayën tu'ujk ani tu'ujk jë ën Dios xme'etityen jatsë tsyoken nyike ëxjëkj ën këxm. ¹³ Natsë niawjëyën kujem me'etityen jats jen ë xme'etityen, tikex ku te yaawam xmayëën. ¹⁴ Naynyamë, të jen ja wen jats te ka'apxnäxa'an yäwäyu'ukj ku nite'ety tëtpakex jünkj jats naxwinetja'ay tyekmaataktj. ¹⁵ Opyenë pënpën jixkääpy ku Jesus Dios junkjë, jëm jä Dios myetityë jats Dios më'ëtity. ¹⁶ Naynya niawëyën jä jats të teyawjëyën jë tsoken ma'aty Dios myë'ëtj mëët ën. Dios tsokën jä, tukëyë pën tsoken kexm irpë, Dios jë myetipy jäts jäm Dios tyaityë. ¹⁷ Tikëxëm ya'at tsoken te tu'ukj anitu'ukj nyika'axjeky jats en më'ëtëyën mëtakën ja xë'ëw ma'am wyënë tyënë, na tso'om ja meet ity tye'ejt nats ja me'et'itën ya naxwinkex. ¹⁸ Kë ty tsëkën tsokën këxm. Tikëx ku tëy tsyokën jakëm pëktaky tsekën, tikëx ku tsëkën kipxja meet ayoon. Penpen tsëkje'epy ke'tsë tey tsyoken me'ete. ¹⁹ Ëtëm tsokën më'ëtëyë'ëm, tikex ku Dios jawin tëx tsokyën. ²⁰ Ku pën wyanty: Tsö'okpye ëts Dios, jats myuampekpyë myuku'ukj, ëmpëjë. Pënpën myuku'ukj kyatsöpy, maty ja ixp, këë tsoktj Dios, ma'aty ni ju'una kyaixpy. ²¹ Ya'atsä pawa'an ma'aty me'etëyäya'am: Pënpën Dios tsykpye naynyats ja myukukj tsokty.