¹ Njite sanbalat, Tobia, Gesen jliaji Árabe tairri njite njaji paana pja wacoema njemi cádanaco wataitaca ferretaca jliaji yacaare Jerosalen iwai njite wamatsieta pjiomi napeeco cawape pia jliwao, mitsa korri piacatoa werroeta nja lripananoma. ² Sanbalat njite Gesem imeenaca norso paperra, naaco niini: ''Pinioatsa, waoketaaca carroatsa malritsi coa lrico Ono rico.'' Mitsa naoma catja nanaitjaca norso maatsi ³ Njite nomeenaca naderse paana ideecape yaacoti narso, noaco narso cayoji: ''Aima toa nodenjicalre niini korritoa notaita noaca iderse. Ima noá cadantja iderse icaamitsantja yaami catoa wadenjica, njite korrin notaita nomacacan.'' ⁴ Njite njaa minitsa yaacoti nameenaca norso coatro walria, njite cayo minitsa nodietaca narso yaacoti nameenaca-ca ikoam norso yaacoti. ⁵ Njite dalri Sanbalat imeenaca norso yaacoti cinco walria shopena lrirsodalri iinai, lrino noicjaolre papje paerra lrimecondena iapiya lricaapi rico. ⁶ Cayo pia lridanaca lri paperran lrico: ''Cayo nacaiteca pinaco njaji inaiki pacoa nacope jiipai iofaawa, njite Gesem icaite tsacja cayo, ima pjia naapiya njaji judionai iwaopia pjinicó carro wacjoete, cayoshopa jireeta tsenacja Jerosalen iwai. Njite jliaji yacoti lricaite, pjiaca pidaotsa natalricanaa. ⁷ Njite picadenina tsacja profeta nacaite carro pinaco Jerosalen lrico, cayoji: ''Niniina talricanaati Judá lrico.'' Njite pianjintsa matsia talricanaati Artajerjes jimicaotsa nanaco njaji yacoti nacaiterri pinaco. Niini, pjiepena faa caacó carro warsowaaca.'' ⁸ Njite nodieta lrirso yaacoti cayoji: ''Korrin pacapa pada yacoti ajadalri nanacjoite njaji yacoti picaiterri, ima pjia catsa inaitja nja yacoti picaolre lricjoite.'' ⁹ Ima naoma piacatja nafietaca faa, ima naaco cayoji: ''Yaami carroatsa nadenjica, njite korri natsaotsa nataitá carroca nadenjicalre.'' Mitsa, panaya Dio, picjaidata njoa pínaiwa. ¹⁰ Njite noawa Semaia iipana lricojle, Delaia irri, Mehetabel irri ima njaji cakonadalripe korri pia nacadaa lrimotocawa lriipana lrikjoite. Niini lriako norso: ''Warsa wa wawacaacawa Dio iipan lriko, fewaotsa lri rikoda njite waitakaotsa njaji lri pananoma, ima nano caotsa nainó carro pjia. Deepiotsa náno naino pjia.'' ¹¹ Njite noako lrirso: ''Pada atsia caidalriji nokayosho kotsa ipitocadaca, korrin tsacja jliewa catja Dio iipana lriko yoomje carrotsani. Kotsa noá carro piinai.'' ¹² Njite noajii korri catsa Dioca jliaji caakolri lrirso, icaamitsa caaconi lriwaopiakje shotsa nokjoete. Ima idenjicadaca Sanbalat njite Tobia irso. ¹³ Nainaini lrifieta carro njoa lriako sho, nonaitjá carro cayoji lricaite capisho njitenantja lrima nonaitjaca maatsi njoewa capoa nodawaacawa Dio iipana lrico, nininantja nacaitepe maatsi nonako napaimanietá carro njoa. ¹⁴ Piwaada nanaco njaji nanaitjalri norso njaji Sanbalat njite Tobia tsacja, no Diote. Piwaada tsacja ronako rsoaji inoparrotacada Noadia njite nja paana inoparrocape iomacapepia ifietaca njoa. ¹⁵ Wataita pia ferretaca jliaji yacaalre iwai venticinco nako jalredaoca lrinakopi jliaji keerri Elul, cincoenta y do jalredaoca shapodami. ¹⁶ Pjiomi njaji wakoema, njemi cádanako wataitaca wa denjicalre, pjiomi njaji pakoa nakope yofacape tsoomi wayacalre iwaida naco icaamitsa nafiocawa, njite najiacacawa korri capishoetsa nataita wakjoete. Nají capoa Dio catsa ikitsindata faa wataitá carro wadejicalre. ¹⁷ Jliawajli, njaji cakonadalripe Judá lrikope nameenaca aima paperra Tobia irso, njite Tobia imeenaca tsacja narso. ¹⁸ Ima aima njaji Judá lricope icaite capepia Tobia irso yakoti ajádalri sho korricaotsa namacá carrocani, ima Secania itsimarrecani, Ara irri. Njite lrirri Johanan jita pia lrinoa Mesulam iito, Berequia irri. ¹⁹ Nacaitepe norso Tobia inaitja piaca tsacja narso matsia njite nacaite tsacja lrirso koanca noako. Tobia imeenaca pia norso paperra lrifietá carro njoa.