¹ Njite pjiomi njaji Iraelitanai nawacaacawa Silo ricó. Njerrá naplasticon niini njetá carró nayadao jliaji jiipai. ² Níini piatoa siete poco nanacjoite njaji Iraelitanai currirrí piatoa naa isho jiipai. ³ Josué iaco naso njaji Iraelitanai: ''¿Cosho pja toatsa iwapaca jipá carró jliaji jiipai iMinalri Diu icadaalri jinirrinaipem isho oopi?'' ⁴ Iniwana madalrida atsianai inacjoite poco icuanaa. Nomeenacá carroatsa naanacapa jliaji jiipai yenonshecawa jle njite tjewacajle she tsacja. Nadanawatsa lricapacanaa jliaji jiipai ishowalrepe, njite nanowatsa nacaite njoa. ⁵ Njenitawatsa jliaji jiipai siete wajle. njite njaji Judá poco curriotsa naa carroca njepaite iuya, njite cayo tsacja njaji José poco, corriotsa naa carroca njepaite iuya. ⁶ Jieniitaca yaami jliaji jiipai siete wajle nacó, idee nosho nocapá carró cuandalrica jliaji jiipai. Njiteotsa nopecoatsa inaco panjiishopa lricapatsa jliaji wa Minalri Diu. ⁷ Mitsa njaji Levitanai curriotsa nashó carroca iinai jiipai, ima sacerdote calrica jliaji nadenjicalre, icatsa Diu icadaalrica nasho. Njite njaji Gad poco, Rubén poco njite njaji Manasé poco iitem nasho njepaite Jordán pemajle. Licadacaawatsa nasho jliaji Diu ishodalri Moisé.'' ⁸ Niini njenico naawa njaji aatsianai. Josué icaite nasho njaji aatsianai nadaná carró cuanca njeniitaca nasowao jliaji jiipai lrípolrico nacjoite atée lripocoda nacojle, njite nadaná cuanca lrinaco jliaji jiipai, njité dalri nasotsa nadiaca Josué icjaore lripeeco carró nanaco panjeshopa Diu icapatsa. ⁹ Níini njaji aatsianai naa nacapa pjiomi jliaji jiipai, njite njeniita njaji yacaalre siete poco iicaoya, nadana paperra ricó jliaji nanaitjalri. Njitedalri nadiawa Josué icjaolre Siló ricó. ¹⁰ Níini Josué ipeco lrianjishopa nanaco Siló rico Diu icapatsa. Icapiatsa Josué icadaa nasowaaca jliaji jiipai nasho njaji Iraelitanai, lricadaa nasho nacoanaa. ¹¹ Nasho njaji Benjamin poco currí napeco nanacó jliaji paperra panjishopa, niini nacadaca nasho njepaitewa Judá poco njite José poco jipaitenaa ricotsa, mitsa naaca njepaitewa nacoanaa njanirrinaipem iipitana nacó. ¹² Njepaite iniitawa Jordán ricjoite inarroemjete jeerri isho. Njite lrimaimataacawa Jericó icjaolre inarroemjete jeerri isho, jliyapacatsao awacadacaawa ricó jiipai jeerri jiewalri icjaolre, njite lrimotowa jalrapocolri Bet-Avén dalri nacó. ¹³ Njiédalri njepaite jinaana jiyapawa atsia jliemjete jeerri isho Luz icjaolre, jliaminitsa Betel. Njitédalri lriorrocowa Atarot-Adar nacojle, awacadacawa Bet-Horon dalri atsiajliemjete jeerri isho. ¹⁴ Njitédalri njepaite inumapi iawa jeerri jiewa cawa icjaolre njite lriorrocowa atsia jliemajle jeerri isho, awacada Bet-Horón icoemjete. Lria lriwayacawa Quiriat-Baal, jliaminitsa Quiriat-jearim, jliaji yacaalre nayadampia njaji Judá poco. Icatsa njepaite iocawa jeerri jiewalri icjaolre. ¹⁵ Njite atsiajliemjete jeerri isho lriinitawa Quiriat-Jearim pemajle. Njitédalri njepaite inomapi iawa Efrón icjaolre, talritaapji Neftoa dalri. ¹⁶ Lriorrocoa njite awacada inomapiana nacó, jiipai pacuacaitacawa Ben-Hinom dalri idanamshe, teeco lriuya jliaji jiipai pacuacaitacawa Refaím dalri inarroemjete jeerri isho. Njitédalri lriorrocowa jiipai pacuacaitacawa Hinom dalri, atsiajliemjete jeerri isho tjewacajlre cawa jiipai Jebuseonai iyada, lriorroco pja njiteo En-Rogel icjaolre. ¹⁷ Njitédalri ljirrawa Ensemes icjaolre, inarroemjete jeerri isho, njitédalri lriawa Geliot icjaolre, lridanam she lrisho jliaji jiipana Adumín dalri. Lriorroco njite jiipada Bohan dalri icjaolre, jliaji Rubén irrí. ¹⁸ Jliyapa njite tjewacajle cawa jle Bet-arabá dalri inarroemjete jeerri isho, njite lriorrocowa Arabá nacojle. ¹⁹ Njepaite inomapi jiyapawa tjewacajlre cawa Bet-hogla dalri inarroemjete jeerri isho. Njite njepaite iwayacawa jlienacaita ricó lrisho jliaji Macapawan Piwádalri inarroemjete jeerri isho, teeco Jordán isho itsia jliemjete jeerri ishó. Icapiatsa njepaite jinaaca atsiajliemjete jeerri isho. ²⁰ Njite jeerri imoto kemjete njepaite iawa Jordán ricó. Icapiatsa njepaiteca njaji Benjamín poco, nacadaa nasho nacoanaa njanirrinaipe iipitana nacó. ²¹ Icatsa nayacalré iipitanaca njaji Benjamin poco, nacoanaa njaji njanirrinaipem iipitana nacó: Jericó, Bete Hogla, Emec Casis, ²² Bet Arabá, Zemaraím, ²³ Avim, Pará, Ofra, ²⁴ Quefar, Haamoni, Ofni njite Geba tsacja. Doce namaimaca njaji nayacalre, njite njaji yacalrewape nacodapiperri. ²⁵ Nja tsacja yacaalreca njaji Gabaón ricópe: Ramá, Beerot, ²⁶ Mizpa, Cafira, Mozah, ²⁷ Requem, Irpelel, Tarala, ²⁸ Zela, Elef, Jebús jliaminitsa Jerusalén, Guibeá njite Quiriat. Catorce pia njaji yacaalre, njite njaji yacalrewape nacodapiperri. Icatsa njepaiteca njaji Benjamin poco, nacoanaa njaji njanirrinaipem iipitana nacó