¹ Njite yamapiashopa napeecoca jliaji paperrapjai panjishopa, jliwa Simeón poco nacó njite nacoanaa njaji njanirrinaipem ipanjeta. Nacadaa njepaitewa nainaitsa njaji Judá poco. ² Icapiatsa nayacalreca njaji, Berseba, Seba, Molad, ³ Hazar, Sual, Bala, Ezem, ⁴ Eltolad, Betul njite Horma. ⁵ Nacadaa pia tsacja Simeón isho jliaji Silcag, Bet-marcabot, ⁶ Bet-lebaot, njite Saruhén tsacja. Trece pia nyacalre imaimaca, njite pja njaji yacalrewape nacodapiperri. ⁷ Simeón iyada pia tsacja jliaji yacaalre Ain, Remón, Eter, Asán tsacja. Cuatro coa namaimaca njite njaji yacalrewape nacodapiperri. ⁸ Njaji yacaalre njite njaji yacalrewape nacodapiperri njenaa iucawa Baalat-beer, jliaminitsa Ramat Neguev ricó. Icapiatsa nayadaca njaji Simeón poco nacoanaa njaji njanirrinaipem iipaneeta. ⁹ Nacadaa njepaitewa njaji Simeón poco Judá poco iyaada ricotsa. Macaite capoa njepaite njaji Judá poco niini lrinacjoitetsa nacadaa nyadao njaji Simeón poco. ¹⁰ Madalripia shopa napeecoca jliaji paperrapjai nanjishopa, jliwa nanacó njaji Zabulón poco, njite nacadaa njepaitewa coshoca namaimaca njaji njanirrinaipem iipaneeta. Níini njepaite inomapi iocapiawa Sarid nacojle. ¹¹ Njite jeerri jiewa kemajle, njepaite iocawa Marala nacojle, Debeset icodapi, lriocawa onipaocja naco Jocneam icomjetédalri. ¹² Sadrid nacjoite njepaite jinaa idía icabocoa jeerri imoto kemjetewa, Quislot Tobar jipaitena iucacawao. Njitédalri Deberat icjaolre, Deberat nacjoite lriawa Jafía nacojle. ¹³ Jafía nacjoite jliyapacatsao Garat Jefer icjaolre jeerri imoto kemjeteo, njitédalri lriawa Ita-Cazin icjaolre; Ita-Cazin nacjoite Rimón nacojle, njite lriyofía catsao Nea icjaolre. ¹⁴ Njitédalri njepaite jinaa icaboco Hanatón idanamshe inarroemjete jeerri isho, lría lriwayacao pacuacaitacawa Jefte dalri naco. ¹⁵ Icatsa neepitanaca njaji yacaalre nerricoda dalri jiipaica: Katat, Naalal, Simron, Idala njite Belén. Doce yacaalre namaimaca, njite njaji yacalrewape nacodapiperri. ¹⁶ Icapiatsa njepaiteca njaji Zabulón poco njite njaji yacalrewape nacodapi perri, nacadanda nasho njanirrinaipem iipaneta isho icoanaa. ¹⁷ Njite cuatro walria napecoca jliaji paprrepjai nanjishopa jliwao nanaco njaji Isacar poco, niini naaca tsacja njepaitewa njanirrinaipem iipaneeta isho. ¹⁸ Icatsa njaji yacaalre njepaite ricope: Jezreel, Quesulot, Sunem, ¹⁹ Hafaraim, Sihón, Anaharat. ²⁰ Njite pja Rabit tsacja, Quisón, Abez, ²¹ Remet, en Ganin, En Hada njite Bet Pases tsacja. ²² njite njepaite inumapi ia pjawa Tabor naco, Sahazima, Bet Semes, lria lriwayacawa Jordán nacojle. Diecisei yacalre pjiomi njite njaji yacalrewape nacodapíperri. ²³ Icapiatsa njepaiteca njaji Isacar poco, nanda njanirrinaipem iipaneeta icoanaa, njaji yacaalre njite njaji yacalrewape nacodapiperri. ²⁴ Njite cinco shopa napeecoca jliaji paperrapjai naanjishopa jliwao Aser poco nacó, niini naaca tsacja njepaitewa njanirrinaipem iipaneeta isho. ²⁵ Icapiatsa njepaite iacawa Helcat ricó, Halí, Beten, Acsaf, ²⁶ Alamelec, Amad njite Miseal tsacja. Lrimacaitetaacawa jeerri jiewa kemajle Awacada Carmelo icjaolre njite Sihor Libnat icjaolre tsacja. ²⁷ Njitédalri lricabocowa jeerri imoto kemjeteo Bet Dagon isho, teeco lriocawa Zabulón poco jipaitena inomapi iocacawa nacojle, njitédalri pacuacaitacawa Jefte dalri icjaolre. Njite inarroemjete jeerri isho lriocawa Bet Emec nacojlle njite Neiel nacojle tsacja. ²⁸ Lria pjawa Cabul nacojle, inarroemjete Jeerri isho. Njitédalri lriawa Hebrón icjaolre, Rehob, Hamón, Caná, lriocawa Sidón nacojle. ²⁹ Njepaite jinaa itsikjiwa Ramá nacojle, njite lriawa lrricjaolre jliaji yacaalre Tiro, nanaitjanda taimidalri idaana. Lridia lritsikiwa njiteo Hosa nacojle njite lria lriwayacawa macapawan nacojle, Aczib jipaitena nacojle, ³⁰ Uma tsacja, Afec, njite Rehob tsacja. niini pia venticuatro yacaalre njite njaji yacalrewape lricodapiperri. ³¹ Icapiatsa njepaiteca njaji Aser poco, nanda njanirrinaipe iipaneta isho, njaji yacaalre njite njaji yacalrewape nacodapíperri. ³² Njite sei shopa napeecoca jliaji paperrapjai naanjishopa jliwa nanaco njaji Neftalí poco, niini nacadaca njepaitewa njanirrinaipem iipaneta isho. ³³ Icapiatsa njepaite jinaa iacawa Helef nacjoite, Alón Saamananim, Adami Neceb Jabneel nacojle, teeco lriocawa Lacum nacojle; lria lriwayacawa Jordán nacojle. ³⁴ Njite lricabocowa jeerri jiewa kemajle Aznot Tobar isho, lriocawa Hucoc nacojle; tsoomi njepaite iuya njaji Zabulón poco, atsiemjete jeerri isho. Jeerri jiewa kemajle Aser poco isho, njite jeerri imoto kemjeteo nasho njaji Judá poco isho, Jordán naco. ³⁵ Icapiatsa njaji yacaalre taimí perri idaana: Sidim, Zer, Hamat, Racat, Cineret, ³⁶ Adama, RAmá, Hazor, ³⁷ Cades, Edrei, njite En Hazor. ³⁸ Njite Iron tsacja, Migdal El, Bet, Anat, Bet Semes tsacja. Diecinueve pia njaji yacaalre njite njaji yacalrewape nacodapiperri. ³⁹ Icapiatsa njepaiteca njaji Neftalí poco, nacadaa nasho njaji yacaalre, njite pjomi njaji yacalrewape nacodapíperri tsacja njanirrinaipem iipaneta isho. ⁴⁰ Njite siete shopa napeecoca paperrapjai nanjishopa, jliwa nanaco njaji Dan poco, niini nacadaca njanirrinaipe iipaneta isho. ⁴¹ Niini icapiatsa njaji yacaalre njepaite ricó: Zora, Estaol, Irsemes, ⁴² Saalabín, Ajalón, Jetla tsacja. ⁴³ Njite Elón tsacja, Timnat, Ecrón, ⁴⁴ Elteque, Gibetón, Baalat, ⁴⁵ Jehud, Bene Berac, Gat Rimón, ⁴⁶ Mejacrón, Racón tsacja, njite pjiomi jliaji jiipai iacada Jope icoemjete. ⁴⁷ Njite canacai pja piatoa jiipai nasho njaji Dan poco; niini nanaitja oowi nacjoete njaji Lesem perri njepá carró nasowao. Níini nainocana pjiomi matseeta sho, njépa nashowao jliaji yacaalre naofá carró niini. Teecojlenacja nacadaaca lrripitanawa jliaji yacaalre Lesem, nacadaa nacja lriipitanawa Dan, cayoji njanirrim iipitana sho pia. ⁴⁸ Icapiatsa njepaiteca njaji Dan poco, nacadaa nasho njaji yacalre, njite pjiomi njaji yacalrewape nacodapiperri, nacadaa nacoanaa njaji njanirrinaipem iipaneta ishó. ⁴⁹ Nataita-cayami njepaca njepaitewa njaji Iraelitanai, naa tsacja njepaite iujietetsa Josué isho, jlaji Nun irrí. ⁵⁰ Diu inaacalre, lritatjá naoya jliaji yacaalre Timnat Sera, awacadacawa Efraín jipaitena ricó. Josué inaitja lriyacalrewa lriofá carró niinio. ⁵¹ Cayo pia sacerdote Eleazar, Josué Nun irrí njite naapiyawanai njaji Iraelitanai poco nacadaaca njepaitewa njaji inaiki iraelitanai. Napeeco pia paperrapjai nanjíishopa naacarró njaji jiipai Silo ricó, lripananoma ricó jliaji nawacaacacawao njaji inaiki, Diu icapátsa. Cayopiatsa nawayakeetaca naaca nashowaca jliaji jiipai.