¹ Njaji filisteonai nañaito nadee jliaji Dio iarcan, nadeen Ebenezer ricjoite Asdod ricojle. ² Nadee njeeta jliaji Dio iarcan lripana lrico jliaji nadiute Dagón, Dagón icodapitsa. ³ Tjewaijle, na nacafia cadanaco piyompinacotoa njaji inaiki Asdod ricope, nacapa Dagón jiwa ioshoao lriecoa sho jiipai rico lripeyajle jliaji Dio iarcan. Njite njerretani nacadaa carro tsenacja lriofa lriofacawa naco. ⁴ Njite tjewaijle cayo tsenacja, nacapa, Dagón jiwa ioshoao lriecoa sho jiipai rico lripeyajle jliaji Dio iarcan. Njite tsopjam Dagón jiwida njite nja lricaapi tsacja naoshoawa papocotsao jiipai ricó, pjeewa cawa ricó. lriwarrodalrimitsa iofaawa. ⁵ Cayo shopa panajiete, njaji Dagón isacerdotenai, njite pjiomi njaji iacaperri jiewa Dagón iipana ricó, cotsa napjoá carroca njeewacawa Dagón iipana ricó Asdod ricó. ⁶ Mitsa Dio jirrapiteta cjaida njaji Asdod ricope. Lriwayaketana njite lricadaa icolronti imotoca nanaco. Cayo minitsa lricada pjiomi njaji iufaacape Asdod ricó njite pjiomi jlipaitena rico tsacja. ⁷ Niini njaji inaiki Asdod ricope nanjicadanaco coadaca cayona, naaco: ''Cotsa wataita wacadaaca wainaiwa jliaji iarca na Diote iyada njaji Iraelnai, ima lrinaitja maatsi washo njite lrisho tsacja jliaji wadiute Dagón.'' ⁸ Niini nanaa nawacaacawa pjiomi njaji iwapacape njepaite njaji filisteonai, naaco nasho: ''¿Cuan wanaitjaca lriapiya jliaji arca na Diote iyada njaji Iraelnai?'' Njite njeepana: Washa wameenaca jliaji arca na Diote iyada njaji Iraelnai Gat ricojle.'' Niini nadeeca jliaji arca na Diote iyada njaji Iraelnai. ⁹ Mitsa nadeecayam Gat nirse jliaji arca na Diote iyada njaji Iraelnai, Dio iema cjaida nacjoete njaji Gat ricope iufaawa. Lricadaa icolronti imoto nanaco pjomi njaji tsooperri njite pekipenai tsacja, niini nafiocawa pekirritsa. ¹⁰ Niini nameenaca jliaji Dio iarcan Ecrón ricojle. Mitsa jliewa cádanaco icjoetetsa jliaji Dio iarcan Ecrón ricó, naaco njaji Ecrón ricope cjaida sho: ''Opina idee waicjaolre jliaji arca na Diote iyada njaji Iraelnai lriinó carro pjiomi fáa.'' ¹¹ Niini nanaa nawacaacacawa pjiomi njaji iwapacape njepaite njaji filisteonai; naaco nasho: ''Washa idee jaite jliaji arca na Diote iyada njaji Iraelnai, idietani acjaiteca ideepiani, wadee lriinoca fa njite pjiomi njaji waofacaweenai.''Nafietaacao pekirritsa pjiomi njaji inaiki iofaacape niini; ima cjaidáa piaca Dio jirrapiteeta pia niini. ¹² Njaji inaiki corriperri mayami, jlirrapitetana icolronti sho, njite jliaji iiyacjeti nanacjoité dalri njaji inaiki jirrapitacape jlirracawa eenolricojle.