¹ Mutayɨ ketsutsi ɨxatsikakt tiwa ɨkɨtɨatɨ mɨkɨ paɨ kaniuta yɨni xeitɨ tewi haraweri kaniuka eni, kana tetsatɨyani auriena. Uva pɨname, paɨna muta nierenikɨ atewame kaniuta wewieni nai tiɨ nɨka kaneyani tewapaitɨ hipame warɨ nɨtɨaka. ² Maye a ikwaki mutixuxuawetsie yɨ nɨ ari ka niutanɨ ani te hɨwemete wa hatsia ikwaxi repitɨarienikekaikɨ. ³ Mɨkɨta me i wiyaka meniti waxɨani yumawimeta menenɨ ani. ⁴ Tarieka xeime yɨnɨ ari kaniuka nɨ ani mɨkɨta meteni kwinitɨani mu'uyatsie, waɨkawa meni nanaimani. ⁵ Kiekame xeime tarieka kanenɨani ikɨ mekaniu mieni, waɨkawa hipame mɨkɨ yaxeikɨa meteniwaru nanaimani, hipame mewati hutsunatɨ, hipame maxi mewaru kwi. ⁶ Wa hatsia ka hetanɨawekai xeime kuxi, yu niwe waɨ kawa maunake'erie kanenɨani naitɨ me axɨku paɨ haɨtɨ ne niwe mɨkɨ me'manu enieni. ⁷ Mɨkɨ te hɨwemete meteniuyuta hɨawe ikɨ pini naitɨ hetsiena ti mieme, hanu tepi mieni ikɨ pinieya ta pini rakɨnekɨ. ⁸ Merikɨtsɨ mikɨ mei wiyaka meni mieni, haraweri warie meneika hɨani. ⁹ Merikɨtsi haraweri kutsiyarieya ketiyurieni? Kaninuamɨkɨ haraweri hɨwemete kani watayuniyamɨkɨ hipameta kaniwa nɨtɨamɨkɨ. ¹⁰ Niukɨ xekate hakateriwawe ipaɨmaine. Ikɨ tete ixumawamete memana yehɨa me'i xane'enietɨ. Tete hixɨata kaniuta kerieni. ¹¹ Ta ukiyari paɨtiunɨ aku yakatiniɨyɨni, ta hɨxi hepaɨsta chimu katiniyuxexeiyana. ¹² Ketsutsi mɨkɨ meniwiyakekaɨtɨni me enɨtahɨanike, yu naime teuteri meniwaruti texieni yamete amaitɨ kename mɨkɨ wa etsie timiemekɨ tiuta xa ɨxatsikakɨ. Mɨkɨ me utimamaka me iku eirieka mekane kɨne. ¹³ fariseos y herodianios, me kani warenɨ ani hatsɨana niukieyatsie memita inɨatakɨ. ¹⁴ Ipaɨ metenita hɨawe kepauku memuta axɨa hatsiana. tiɨkitame teteha mate tsepa kememaitɨka tsipeka tiyɨkɨ hɨawe, xeime xeikɨa hepaɨtsita chipekatiyɨkɨ hɨawe. Ekɨ yurikɨ kakaɨyari huyeya pemɨ ɨkita. Aɨmɨ aixɨ tiane cesar impuesto tete pitɨani o hawaikɨ. ¹⁵ Ke haxa meteyɨkɨ hɨawekai yu iyaritsie ketsutsi ka niwa maikaitɨni. Ipaɨ tiniwaruta hɨawe: titakɨta xenete inɨatatɨwe? Xeime denario xenene ɨirieyu nemi xeiya kɨ ne. ¹⁶ ketsutsi: xeime mɨkɨ mekane ɨirieni. Mɨkɨta paɨ tiniwaruta hɨawe: ke ane ikɨ utsikaya pɨhɨkɨ ti waku iwawiya? Cesar mikɨ meniuti yuani. ¹⁷ Paɨ kaniuta yɨni ketsutsi: tita Cesar mɨkɨti pinieya. Cesar xeke teneku pitɨwani, titata kakaɨyari muti pinieya. kakaɨyari xeteneku pitɨwani. Mɨkɨ meni hɨxiyakaitɨni ketiwaruta eikɨ. ¹⁸ saduceos tsixita hatsiana mekaniuta axɨani. Mɨkɨ lasuni mekate eriekai Kename mɨkɨte meka anuka uitɨarieni. Menita iwawiya mɨkɨ paɨ me uti yuati. ¹⁹ Ti ɨktame tame Moisés tatiu utsiri: xɨka waniv uki iwaya ɨmɨni yu ɨya uku hayewa ka niwekame kuxi, mɨkɨ uki iwaya ɨyaya kaniku witɨmɨkɨ yuti nuarienikɨ yu iwatsie miemekɨ. ²⁰ Ta huta ukɨtsi mekani hɨkɨtɨkaitɨni; manuye haitɨa kai meri uka kaniuku witini, kanɨu mɨnita kayuti nuariwetɨ kuxi. Ka heka niwekai kuxi ²¹ Mɨkɨta hutarieka iwaya yu matsika ɨyaya kaniuku witɨni, kayuti nuariwetɨ mɨkɨ tsiere kaniɨ mɨni. ²² Mɨkɨ meyu tahuta ukitsi mekwa uyuti nuari. Mɨkɨta ukaratsi tsiere kaniu mɨni. ²³ Ke ane ɨyaya pa yani mɨkɨ ukuratsi? Kepauka mɨkɨ tarieka memanuku uitɨarienitsie. Merikɨtsi mɨkɨ meyu naitɨ iwamarixi yɨ ɨta mene yeitɨana. ²⁴ Ketsutsi paɨ tiwaruta hɨawixɨ. Ikɨ ya uniemeyarikɨ xemem xekate hauye xɨrɨwe. Xeme xeka imatekɨ kakaɨyari kemuti tɨrɨkaɨye, paɨna utsikaya xeka mate. ²⁵ Mɨke kepauku memanuku uitɨarienitsie mɨkɨte watsata, ana me kwaye. Tuiwani metineɨkekɨ, patna tsiere me kwayuku witɨkɨni; pɨta kepaɨ kakayari nɨ arimana yuawitsie memaka u, paɨ meni anenekuni. ²⁶ Merikɨtsɨ mɨkite kemete hanuku uitɨarienitsie timieme Moisés kemutiu utɨatsie xekate haka terɨwawe, mana iteɨri hepaɨsta kemɨtiu utia. Kepauku kakaɨyari mɨkɨ tita xatɨa paɨre hɨawetɨ: ne nemɨ hɨkɨ abraham, Isaac, Jacob kakaɨxariexa nekani hɨkɨtɨni? ²⁷ Mɨkɨ mɨkɨte kawa kakaɨyari, Pɨta memaye niniere kaniwa kakaɨyaritɨni. Xeme waɨkawa xeka neuye xɨrɨweni ²⁸ Kani nuani xeitɨ escriba kaniu ena mɨkɨ kemeteku xatakai; kaniu niere mɨkɨ kepau ketsutsi aixɨ mɨkɨ tiwaru ei. Mɨkɨ paɨ katini iwawiya: haitɨ nɨari maka uxa ke ane waɨkawa maxi panɨ xɨne? ²⁹ Tita ei ketsutsi: ke ane waɨkawa manɨyɨne ikɨ kani hɨkɨtɨni: keneu ena, Israel; ta ukiyari, ta kakaɨyari kani hɨkɨtɨni, ta ukiyari kaniyu xewini. ³⁰ Xe ukiyari kakaɨyari xeni nake eriekamɨkɨ yu ixarikɨ naime, naime yu kɨpɨrikɨ, naime kexeteku eriwakɨ yu tɨrɨkariyakɨ naime. ³¹ Hutarieka ikɨ nɨ ari ipaɨ kanaineni: xeni nake erieka mɨkɨ xe hapaɨ aneme kepaɨ xeme xete hauyunake erie; nɨ ari kwaxuawe, kwa aka uxa ikɨ hapaɨ ranu tɨrɨkaretɨ waɨkawa. ³² Mɨkɨ ti utɨwame niutayɨni: ti ɨkitame aixv peniu ta yɨni, yurikɨ peniuta yɨni kename kakaɨyari yu xewi, xeitɨ hawai kahewe hapaɨna titɨrɨ kaɨyetɨ ³³ Temi nake erieka naime ta iyarikɨ, paɨna kepaɨ teteheti enatɨkɨkakɨ naime, paɨna naime ta tɨrɨkariyakɨ, paɨna ta hapaɨ aneme temei nake erieka, kepaɨ tetehauyunake erie, waɨkawa mɨkɨ maxi panɨtɨrɨkare kakaiyari hepaɨsta. Kepauka muxa memumieni, memita taixa kakaɨyari mi nakekɨ, mɨkɨ maci huta nɨ arite maxi waɨkawa kakaɨyari pinake. ³⁴ Kepauku ketsutsi munierixɨ aixɨ anɨyɨnemekɨ muta eiyarie ipaɨ tinita hɨawe: tewa pekwa heyeika kakaɨyari kiekarieyatsie pemeuta hanikɨ. Yatiu xataku xeitɨ maxi kwa ita iwawiyaxɨ ³⁵ Tɨki amupata Jerusalén meweta kepauti ɨkitakai ketsusi niwaruta eiya, ipaɨ tiniwaruta hɨawe: titakɨta ti utiwamete kename Cristo David niweya mete haitɨka aɨmɨ? ³⁶ Yɨ kɨma David Espíritu Santo tsie kawietɨ mɨkɨ mutayɨ: ta ukiyari ne ukiyari katiniuta hɨawe: ne tserieta kena kani, pe ikwewatɨ kepauka a ɨkatɨa newaka xɨrieni ke ane haxa me ate kɨhɨawe. ³⁷ Yɨ kɨma mɨkɨ David ne uyiyari Cristo katini hɨaweni tita kɨta xeme xete haitɨka kename Cristo David niweya? naitɨ mamemuta makakai meyu mɨiretɨ me hauyu temamawietɨ menita eniekaitɨni. ³⁸ Ketsutsi kepauka ti ɨkitakai ipaɨ niuta yɨni: xeneyɨ ɨwiyani mɨkɨ te utɨwamete kemete úhu, mɨkɨ chimete hauyucu niɨtɨatɨkaitɨ menaka uwani aixɨ meteku xaxatsiwanikɨ kewa memanu hu. ³⁹ Paɨna tɨkita ɨpari manuye haitɨtɨatsie mematiya tsarienikɨ, ipaɨ tsiere kewa rati kwaiwatsie. Memanuye haitɨtɨani. ⁴⁰ Ikɨmexi wiuratsixi wakita timieme mekani kwaka. Kepauka paɨna memuyuti nenewiwa meneye tɨtɨriyani teuteri memuwa xeiyakɨ, mɨkɨmexi waikawa metenita kwewiyariemɨkɨ. ⁴¹ merikɨtsɨ kewa ofrendas mauka xɨriwakai hɨxie kanayarɨ ketsutsi tɨkɨ ampa manuwe aurie; mɨkɨ kaniwa xeiyakaitɨnɨ kepauka teuteri tumini memauka xɨrɨwakai puti anuka nakametsie. Ke pane waɨkawa tumini meme xeiyakai waɨkawa mepauka xɨrɨwakai tumini. ⁴² Wiura yu mawitɨ kaninuani huta tuminiyari kaneu xɨrieni, xeime, centavoyari mɨireme ⁴³ Yɨ nɨ arima waruta hɨaweka ketsutsi ipaɨ katini waruta hɨawe: lasunikɨ nexera hɨawe xeme, waɨkawa maxi ikɨ wiura kaneuka xɨrieni putitsie. ⁴⁴ Mɨkɨ hipatɨ meneika xɨrienɨ waɨkawa mete hexeiyatɨ inɨari mɨmɨireme. Ikɨ maxi wiura tixaɨ kare xeiyatɨ yu mawitɨ naime yu tumini mana kaneɨ xɨrieni.