¹ kepauka Jerusalén memeyekɨ yetémuritsie Olivos tsata hauta hurakaku Betfagé paɨna Betania, Jesús ta yu tɨriyama kan wareta nɨani. ² Tiwar ta hɨawixɨ: ''kiekaripa ma huratsie rene hu. Ya peuka rehuta haxɨame, puritu tsimarunime xeme neka xeiyamɨkɨ. Xe ekɨ xɨname Xenetsa hanirieni. ³ Xɨka xewitɨ xera hɨaweni titakɨ ya xete yurie?, reme remetiyuani: ta ukiyari kaneiye hɨaka, ya pauka pe tuamie'' ⁴ Mɨkɨ meme kí, puritu mene kaxeiya huyeta a kuwiekame ituparitsie. Me nekɨ xɨna. ⁵ Hipatɨ teuteri ma memuka nierekai me ten war ta hɨawe: ''kereteyurietɨ xe yɨa puritu xe aka xɨnatɨ?'' ⁶ Ya meniuti yuani Jesús ketiwar ɨkitɨakai, tuteri tá yu huyeta men ware pitɨani. ⁷ yu hutatɨ nɨ aritsixi Jesús puritu meneta atɨirieni yu kutunite me nenti weririeni mauti yerɨkɨ. ⁸ Waɨkatɨ teuteri yu kutunite me niuka ita huyeta, hipapatɨ ta xama yauta me haka pika ma meneiku ita. ⁹ Ke pai me anyetetɨ meme hukai paɨna kepai memei weiyakai me a hiwatɨkaitɨ. !Ho sanna! AIXɨ KANI ITɨARIEKA KE ANE TA UKIYARI TSIEMIEME KtYtANE; ¹⁰ Aixɨ kani ɨ tɨarieka ta papa David uximaya tsikaya! Ho sanna mautitewatsie! ¹¹ Hauta haka Jesús Jerusalén, yutsi niukieya matixaxatsiwatsie ka neuta hani yu aurie kana nieretɨyani u taikaika'kaku Betania kane yani tamata huta wara witɨtɨ. ¹² Uxa'arieka, Betania me akunuaxɨaka, ka niu hakamɨni. ¹³ Ya tewa xapa iteɨriyari ka niu xeiya xawarieya ka neikakai, mɨkɨta kaneku niere xɨka ikwaxi mu hauye kateitɨni hetsiena. Iteɨri aurie heta aka, xawari xei puka xei, xapa muti xuxuawire tsie kwa hɨkɨtɨkai. ¹⁴ Iteɨri katiniuta xatɨani: ''Xewitɨ tarieka a ikwaxi kwati kwani. Tɨriyamama me nei enieni ke muta yɨ. ¹⁵ me he axiaka Jerusalén, mɨkɨta tɨkita hauta haka te tuayamete paɨna tinawemete kan ware waye xɨrieni takwapai. Tumini memu patakai wa mesa ta aurie kana xɨrien?, kepai kukuruxime ware tuakai wa ɨpari tsiere pɨ kane yurieni. ¹⁶ Tariekari xeime kwa u pitɨa tɨkita ti tuakakɨ. ¹⁷ mɨkɨ ti warta ɨkitɨa tiwara hɨawetɨ: ''karaka uxa:ne ki titateware, memayutinenewiwatsie Naiti kiekarite wa hepɨsta? Xemeta ti nawawayamete wa texɨta xe mayeitɨa''. ¹⁸ Sacerdote tsi wa ukiyarima paɨna te utɨwamete meka ni enieni ke muta yɨ, me kani wautɨwekaitɨni kepaɨ metei mien'i. Meneu mamakaitɨni, teuteri naitɨ ɨkitɨarikaya aixɨ mekɨyɨnekaikɨ wa hepaɨtsita. ¹⁹ Meku tɨkarikɨrekai tsie Jesús yu tɨriyama wamatɨa kiekari me niuku é'eriwa kaitɨni. ²⁰ mu me kau hutɨ ximeri xapa ɨteɨriyari yɨname mene xeiya yu nanatsie uka atɨ kaime. ²¹ Pedro ya katiniu eirieni, muta yɨ: ti ɨkitame, xapa iteɨxiyari haxapekeɨyɨni pere hɨawekai. Neuxeiya kani wakini. ²² Jesús kani warta eiya: yasuni xeketene erieka yutsi tsie ²³ la suni nexerahɨawe, xewitɨ xɨka yetemuri tiuta hɨawe: Neunku keka haramaratsie neu a hɨwa, xɨkata mɨkɨ yu iyaritsie kati tawe erietɨ ya utayɨni, yutsi ya putiyurieni. ²⁴ Yaumiemekɨ: nexerahɨawe: tita ren te wawa paɨna titakɨrenteyu nenewie, retene erieka ke reteaunpini, re haɨri kana yeimɨkɨ. ²⁵ Ke paɨka xe manku uwe paɨna xe muyuti nenewiwatsie, xɨka rete akawieka tixatɨ xeime tsiemieme, reketeneuye hɨwiri, paɨta xepapa yuawitsie makawe ya xeikɨa xe reuye hɨwirienikɨ re xɨrikiya. ²⁶ Xɨkata xeme xekate warauye hɨwirieni paɨna siere xe papa yuawitsie ma kaka kwa rereuye hɨwirieni ta xɨrikiyatsie. ²⁷ Mɨkɨ tarieka mene axɨani Jerusalén mexi Jesús yutsiniukieya mati xaxatsiwatsie he yakai, sacerdotes tsixi wa ukiyarima, te utɨwamete, paɨna ukirawitsixi, haysɨana men wa kɨne. ²⁸ Mɨkɨ memetiyɨ: ke pai ta ekɨ pepi hɨkɨ yapetiyuriene? ke pai aran pitɨirieku ya petiyuriene? ²⁹ Jesús ti warta hɨawixɨ: Ne nexesta iwawiya ya reneteneuta hɨawi, neta yanexetitahɨawe kepai netse anpitɨaku ya neti yuriene. ³⁰ Juan warka ɨyaxɨ,: yuawitsie pu, mieme nɨsɨ ukitsi puti wa pini. Ya reneutiyɨki''. ³¹ yɨ hɨkɨate me teniuyu ti xatɨani ipaɨ me niutiyɨni: ''xɨka te utiyɨni yuawi tsie mieme; mɨkɨta ta yɨni: titakɨta ya xekateita eriri? ³² Xɨka ukitsi putiwapini te utiyɨni? Mɨkɨ teuteri men warau texiekaitɨni, mɨkɨnaitɨ yame te eirekai kename Juan yutsi niukieya tuayame hɨkɨtɨkai ³³ Jetsutsi metene eiya, mete'e hɨawetɨ: ''Tame tekate amate'' Jesús katini warta hɨawe netsɨere ya nekaxetitahɨawe ke pai nes pitiakakaku yaneti yuriene.