¹ Ili Yesu atatikile ukusambilisha mufishimiko. Kalabila,''Umuntu aliilimine ibal lywa fisepo, eli ayibi ke ulupungu kushingulusha, alitulile necilinda umwakufinina ifisepo. Eli ayibike uluypungu nekupela alipele ilibla kubalimi. Eli aiile palwendo. ² Pampindi iyelelwe, alitumine umupyungishi kwibala lya fisepo mukupoka kulibo ifisepo. ³ Balimu pintile, nokumupuma, eli bamutamfishe ukwa kubula ukumupela nelu kamo. ⁴ Nakabili alitumine kulibo naumbi umupyungishi, bali musomeshe kumutwe nekumumfwisha isoni. ⁵ Katuma nakabili naumbi, pano uyu balimwipeye. Bambi balibacitile fyenka, uku bapuma bambi ne bambi nabo baliibepeye. ⁶ Alikwete kabili naumbi uwa kutuma, umwana wakwe uo atemenwe. uwakupelako ukutuma kulibo. nekulabila ati, 'Bakachindika umwana wanji.' ⁷ ''Pano abalimi bafisepoi kabalabila umo nemubyakwe, 'Uyu nipyani. Twise, tumwipaye, nebupyani bukaba bwesu.' ⁸ Balimwikete, nekumwipaya, nekymuposa kunse ye bala lya fisepo. ⁹ Nifisa, ifiumwine webala angacita? Ali ne kwisa nokubonaula abalimi bafisepo nekupela ibala bambi. ¹⁰ Kanshi tamunga penda aya malembo? 'Ibwe ili abakwibaka bakene lya libele libwe lya pacifutu. ¹¹ Ici califumine kuli bashikulu, kabili chakukankamusha mumenso wesu.''' ¹² Panuma yafifi intangishi sha ba Yuda balifwaile inshila iya kumwikatilamo Yesu pakuti balyumfwile ukweba ati ali kulabila mufishimiko palibo. Pano balitinine bumba ili bafuminepo ne kumusha. ¹³ Eli batumine bambi aba faliseyo nebena Herodi kuli ye ukumwikata mumashiwi. ¹⁴ Ili baishile kabalabila kuli ye, ''We musambishi, tausakamanapo ukulanguluka kwa muntu kabili taulangishapo umusalulula pakati kabantu. Icine ulasambilisha icebo chakwe Lesa. kani chefunde uku sonka kuli Caesale nangu yo? Kani twinga pela nangu yo?'' ¹⁵ Sombi Yesu alishibile ukutumpaika kwabo. Kalabila kulibo, ''Nindo muli kunjesesha mundetele ikobili ndibone.'' ¹⁶ Nabo baliletele ikobili. kalabila kulibo, ''ngeci cipasho ne filembelwepo fyabo nani? ''Balilabile ati, ''Caesale'' ¹⁷ Yesu alilabile, ''Peleni ifya kwa Caesale kuli Caesale, nakuli Lesa ifyakwa Lesa. ''Kabapa papali ye. ¹⁸ Pano abasaduke, abalabila ati takupo ukubuka, baisile kuli ye. Balimwipwishe, ukulabila ati, ¹⁹ ''Mwebasambishi, Mose katule mbela, 'Nikusha umukwabo umuntu afwa nokusha umukashi kunuma yakwe, ukwakubula umwana, umukwabo alingile ukupinta muka mukwabo, neku kwatamo abana. ''Aba mu kwabo.' ²⁰ Bali abana bankashi basanu na babili, uwakutanga kumuupa pano kafwa, ukwakubula ukushamo abana. ²¹ Ne wa cibili kamupa nao kafwa ukwakubula ukushamo abana, ne wa chitatu mushilaintu imo. ²² Basanu nababili tabashilemo umwana. napampelo, nao umwanakashi kafwa. ²³ Mukubuka ili bakabuka nakabili aba basano nababili akaba mukashi wa bani? Pakuti bonse basanu nababili abana bankashi balimupelepo.'' ²⁴ Eli bayesu balabile, ''Bushe uyu temulandu walufyanya, pantu tamwishipo amalembo neli amaka yaba Lesa?'' ²⁵ Ili kukaba ukubuka, kwabafwile, takukabapo ukuupa neli ukupelwa mu cupo, pakuti bakalokuli koti bangeli ba mumiulu. ²⁶ Sombi pamulandu wabaafwile abo b kabuka, mwebo tamungabelenga mwibuku lya kwa Mose. Mukulekelesha pamulandu wapanga, ifi Lesa alabile kuliye ati nebo nine Lesa wakwe Abrahamu na Lesa wakwe Issaki na Lesa wakwe Yakobo'? ²⁷ Tapo ni Lesa wabo fwile, sombi abalabi, mwebo mwaliluba.'' ²⁸ Umo uwapaba lembeshi ashile nekumfwa ifi; Balu kwambala, alibwene ati Yesu abasuka bwino. kamwipusha, ''Lisa ifunde ili kulu paliu onse?'' ²⁹ Yesu kaasuka, ''Ilikulu nilili 'Umfwa, Isreali, bashikulu balesa wesa, bashikulu baamo. ³⁰ Ulingilo ukutemwa bashikuklu balesa obe nemutima obe onse, ne mweo obe, onse nekalangokobe konse, kabili ne makosa obe onse.' ³¹ Ne funde lyacibili nili,'Ulingile ukutemwa umupalamishi obe koti niwe wemwine.' takupo nalimbi ifunde ilikulu ukucila pali aya.'' ³² Umulembeshi kalabila, ''Mwebasambishi, abaweme! Mwalabila icacine ati baLesa bamo, ne kweba ati tapalipo naumbi pakabeya kakwe. ³³ Ukumutemwa ne mutima onse nemukumfwa konse ne makosa onse, ne kutemwa umupalamishi obe koti niwemwene ico cacilapo napa malambo aya kocha nefya mabupe. ³⁴ ''Ili Yesu abwene ati apela ubwasuko ubwamano, kalabila kuli ye ati, ''Webo taulipo ukutali ne bufumu bwaba Lesa.''Panuma yafyefyo, tapali nelyo umo uwaeseshe ukwipusha Yesu na fimbi ifipusho. ³⁵ Ili Yesu alsambisha mulubansa lweitempuli, kalabila, ''Nindo abalembeshi balabilila ati Kristu mwana wakwa Davidi? ³⁶ Davidi umwine, mumupashi uuswetele, kalabili, 'Ikala kukuboko kwanji ukwa lwine. Mpaka inkalengeshe abalwani bobe baba pamshi ya makasa yobe. ³⁷ Davidi umwine alamwita ati shikulu, palififyo nga Yesu engaba mwan wakwe Davidi shani?'' ibumba ilikulu lyali sangalele mukwasuka kwakwe. ³⁸ Uku sambisha kwakwe Yesu kalabila, ''Mucenjele neba lembeshi,abatemwa ukwenda mumingila itali ne kubasekela mufisakene, ³⁹ balekala pafipuna ifyapeulu mu masina Goge ne fifulo ifya mu chinshi mufitenge. ⁴⁰ Kabili balonaula namayanda yabamukamfwilwa' kabili bola tembela namatembelo yatali ukwebati abantu bababone. Aba bantu bakapoka ukusekwa ukukulu.'' ⁴¹ Yesu kaikala panshi mupepi na kobokoshi kabupe mwetepuli; alelolesha abantu ifyo balebi kamo indalama shobomu kabokoshi. Abengi abantu abanoshi, balukuposamo indalama ishikulu. ⁴² Eli mwanakashi umupengele kaisa nekuposamo utundalama tubili utwa kulinga peni. ⁴³ Kaita abasambile bakwe kalabila kulibo, ''Muchine nde labila kuli mwebo, uyu mwanakashi mukamfwalwa aposamo ukuchila bonse ababikilemo ubupe mukabokoshi. ⁴⁴ Pakuti bonse aba balepele ukufuma pafingi. Sombi uyu mukamfwilwa, ukufumya fye pa kupenga kwakwe, kabika mo shponse indalama isho ali kwikalilamo.''