¹ Pano ili ba fikile ku Yerusalem mu, balipalemine naku Betafage naku Betani palupili lwama Olife, ² kabili ba Yesu kabatuma abasambile babo babili kabili ne kubaba ati, " kamuyeni mushi uutuloleshene naoo. Penkapo pakwingila mu mushi, mwa kusanga umwana wa mbongolo uutabanganinapo. Mumukakululule nekumuleta kuli nebo. ³ Kani umuntu alabila kuli mwebo, mulikucitila ifi? Mulabile ukweba ati, "bashikulu balecifwaya kabili tulecituma bukumo lukoso." ⁴ Ili baiile nekusanga umwana wa mbongolo alikakwilwe pa mulyango pesonde pa nshila, eliba mukakwile. ⁵ Bambi abantu balimanene nekulabila kulibo, "mulukucita ukukakula umwana wa mbongolo?" ⁶ Balilabile kulibo ifi ba Yesu babebele, sombi eli abantu babasuminishe ukuya. ⁷ Balilete imbongolo kuli ba Yesu ne kuposa ifwakufyala fyabo pa mbongolo, eli aikelepo. ⁸ Abenji abantu balyashikile ifyakufwala fyabo pa musebo, ne bambi nabo abantu balyashikile ifinsokela ifi baputwile mu mubala yabo. ⁹ Abo abatangile kutanshi yakwe nababo abakonkelepo balibilikishe, "Osana! uishikule niuyo uwisa mwishina lya bashikulu. ¹⁰ Bushukile ubomfumu ubu lukwisa ubwaba wishfwe ba Dafidi! Osana kwiulu kwa nchimbwe!" ¹¹ Eli ba yesu baingile mu Yelusalemu eni aingile mwitempuli ne kulolesha ukushungulusha uukulolesha. Iili impindi yashile, eni baile ku Betani ne basambile ukumi nababili. ¹² Akasuba kakonkelepo ili bali palwendo lwakuya ku Betani, alyunfwile insala. ¹³ Ali abwene icitgi icha mukuyu ichali nemabula, eli aileko mukubona ukweba ati pambi angasangako ifisabo ifya kulya, pano alifikileko alisangile ifisabo takuupo yenka amabula, talipo ni mpindi ya fisabo. ¹⁴ Kalabila kuli cho, " tapakapo ukulya ifisepo kuli webo na kabili," Eli baumfwile abasambile bakwe. ¹⁵ Elibaishile ku Yelusalemu, eli aingile mwi tempuli natatika ukubatanfisha panse abalikukabushana nebali kushita mwitempuli. Alipilibwile amatebulo yaba kubusha ababoni nefya kwikalapo abali kukuboshanya lukunda. ¹⁶ Tasuminishepo neli umo ukupinta incintu icili Chonse ukupinta ukufumya mwitempuli muku kabusha. ¹⁷ Eli basambilishe ukweba ati, " Bushe tafyalebelwepo , " ukweba ati inanda yandi ikalikwitwa inanda ya matembele kwi sonde,' Sombi mwebo mwayaluila iicengo lyabang'o." ¹⁸ Pano abapatilisi abakulu neba lembeshi balyumfwile ifyo alabile, eli bafwailishe inshila ya kumwuipailamo. Nipakuti balimutinine pakuti lyonse ibumba lyapapile imisambilishisho yakwe. ¹⁹ Pano ili cafikkile icungulo, balifumine mu mushi. ²⁰ Pano balimukwenda mu mpindi ya lucelo, eli ba bwene umukuyu ukufika na kunshi ulyumine. ²¹ Petro alyanukile kalabila ati, " Mwebasambishi boneni! Umukuyu uumwa mwatipile ulyumine," ²² Eli ba Yesu ba basukile, " Kwateni icicetekelo muli ba Lesa. ²³ Mucine ndukumweba ati kani umuntu aeba ulu ulupili, 'fuma pano uipose mucishiba,' kani tali kutwishikapo mu mutima kani ali cetekele ifi alabila fikacitwa, ifi efi ba Lesa bakacita. ²⁴ Ndu kulabila kuli mwebo: Ifyp fyonse ifyo mwatembela nekulomba, cetekeleni ukweba atimwalapokelela , kabili cikaba cenu. ²⁵ Ili mwaimakana ne kutembela, mulingile uku fitulaka pa fintu fyonse igilubene pakati ne muntu onse, ukweba at bawishinweni abali mu mwaulu bamu fitolukileni ifya kubifya fyenu. ²⁶ Kani mwebo tamufitulukilapo, namwe bawishinweni aba mu maulu taba kamu fitulukilenipo. ²⁷ Kabesa nakabili ku Yelusalemu. Ili Yesu ali kupita mwitempuli, ba cipupila aba kulu, neba lembeshi, ne bakulu kabesa kuli ye. ²⁸ Kabalabila kuli ye, "Ati niesa makosa mu citilamo ifif fintu, mbo uwamupelqaa aya makosa aya cita ifi, ifi muluku cita?" ²⁹ Yesu kalabila kulibo ati, " Nde mwipusheni icipusho cimo. Mungebe nanebo nde mwebeni ukufumya amakosa awombofya ukucita ifi ifintu. ³⁰ Ulubatisho lwakwa Yohane, lwali fumine kwi ulu neli ku banto? Ngasukeni!" ³¹ Balyambawile pakati kabo nekupikisha ne kulabila ati, " Kani tulabile ati, 'kufuma kwiulu,' ye alukulabila ati, Nindo tamwa cetekele muli ye?" ³² Sombi kani tulebila at, " Kufuma ku bantu,'... . " Balitinine abantu, pantu bonse balishi bwino ati Yohane ali ni kasesema. ³³ Ili bamwasukile Yesu ne kulaabila ati, " Tabatwishipo." Eli Yesu alabile kulibo, " Nanebo teti mwebenipo ukumfumya aya mmakosa mbofya pakuti cita ifi fintu."