1
Henai Helonen de' Ja'et Nihi le ba'da kehenai Tuhan ilu, Yesus Kristus ngen bue e tai fahantemong ilu ngen ezo, mie nyet ta eham cenganak-cenganak,
2
bi'i kam ta'un sangkit ali le tai fehaven dalem hemet kam ngen talu tavai bue kam tai ngene'en bue rau Tuhan eno tene a'bie, te'a sen Roh.
3
Obe fele ru nai felingu eham jo be mumpin disie' e. jo, tau ze ta'un kenai hena un de tai fu'bud, ngen helonen de' ja'et du he bada ji'i e anak kebinasaan,
4
de' kelaven ngen de' empau hemet ta'un do tunok te Allah; mueng de du tunok e'o he ala duhue' bait Allah ngen ba'da e'o tengen te Allah.
5
Ta'un kam tesen tasa kie' femong ngen eham de' lepek tene kie ba'da e mong maha eham?
6
Nihi kam tesen inu de' ngeteng ezo po e tai a'bie' duhue ru heba'da ezo.
7
Jo, fozen de ja'et nihi du peza'gen, beng zo le nihi ngeteng ngen le ngeteng po ru he me'bieng ezo.
8
o'o i'ie, helonen ja'et de' du ba'da jo Tuhan Allah ke matai zo men hepo 'pa 'e ngen ke beta'un zo ta henai je.
9
Henai helonen ja'et je have' ngen ja'gen iblis, femong ngen ha'du na'en kuasa, terane'-terane' de le vehaven, ngen kuasa de' falo;
10
ngen mong kuasa de' ja'et anun do hetai ta'un jo do nyemeka pahalesau ngen ta'un ho'be' bo se keteneng abie' du selamatkan.
11
Ho'en mehe, Allah nai hemet lingu maha e'o bi'i do ngelen de falo,
12
e'o mong du hakimi, mong do de' ta'un ngelen je' teneng ngen ho'be' ozen je' ja'et. Ihue' Du Milie' Aven Cue' Slamat
13
Cenganak-cenganak de' kie' lesau dalem Tuhan Allah, amie' ngelanue' bersyukur fala Allah maha eham. Jo, oben Allah lepek milie' eham seen pena'dieng aven cam slamat ho'en kempuie' ngen Roh ngen pengelen dalem keteneng.
14
Di'i fu'un Tuhan Allah nepai eham sen Injil de' mie ba'da bi'i kam pesong fene'a Tuhan ilu, Yesus Kristus.
15
Ba'en e, cenganak-cenganak pebere'jeng ne ta'eng le men katok-katok de' o'ben du fehalai eham te'a de' du ngelai ngen de' mie nyoret.
16
Nihi, baliu Tuhan Allah ilu, Yesus Kristus, ngen Allah Amai ilu de' o'ben lesau ilu ngen nai penyaie' ceng ka'jen ngen tempelum de' te'a sen hempoang e,
17
fesalau hemet le ngen femoet atai le dalem sengket ja'gen isiu de' te'a.