Henue maha eham de' un kelepue' Tesalonika ¹ Henue' sen Paulus, Silwanus, ngen Timotius maha eham de' un ka Tesalonika dalem Amai le, ngen Tuhan Yesus Kristus. ² Empoang ngen damai de' sen Amai ngen Tuhan Yesus Kristus. ³ Amie beng saie' le te Allah maha eham. Cenganak-cenganak, ngen mehe ne de' atek elen. Jo vengelen cam tai nafit engen sangen ngen fengelesau de kam un sengket eham, ta eham ta fenco bezu. ⁴ Ba'en bo mehe amie tengen fahalei ngen bangen ba'da eham teno ru de' ngelen Allah. Jo kam dene' ngen fengelen cam, jo ho'en kam dene' te fengelen, kam dalem penosa de' un. Allah Ba'da Teneng ngen Sale' ⁵ Ji'i ne terane' mumpin disie' Allah Ba'da de' teneng ngen sale' bo eham lepek mu'dip dalem tosa, eham ne 'un Kerajaan Allah. ⁶ Nihi o Allah he mefa fozen, ozen du de' ozen eham tosa, ⁷ jo nei fene'a e maha eham tasa kam mehe dalem tosa, mi'i te amie tasa Yesus nei sen Sorga ngen malaikat e, ⁸ dalem afui de' reket, ke meva maha e'o de' taun tesen Allah ngen tau tunok te Injil* Tuhan ilu. ⁹ E'o du hukum fesalai, jo te teno Tuhan ngen fene'a de bezu ¹⁰ tasa ezo nei bi'ie, helonen-helonen buie' ke fempou ezo, ngen salam te ezo tangen emuong kelonen elen -- jo isiu mie te ihue' kue' elen. ¹¹ ba'ane bo mehe, amie' sembazang maha ihue', bi'i Allah hengelen te tepai kue' ngen de' henai sengket pengobe' ozen te'a ngen ja'gen fengelen men kuasa e, ¹² bi'i nga'den Tuhan Yesus ilu ba'en pengelesou Allah ilu, ngen Tuhan Yesus Kristus.