¹ Палал далкесте диклом, тай аке, путердо вудар ко небес; тай о предишно гласос, ковато шунгиомас те хоратинел манца сар тръба, пенгяс: Качине тут ате тай ка покажинав туке кавка, ковао требе те ачол после. ² Ко сахати араклилом андо Духос, тай аке, ко небес сине поставиме престоли, тай ко престоли бешелас Иек. ³ Тай о Бешло препелас баресте яспис тай сардис; исине около о престоли дъга, наглед сар смарагди. ⁴ Тай около о престоли сине бишуштар престола, тай ко престола бешенас бишуштар старейшинес, урявде анде парне шехиенде, тай ко шере ленге златна венци. ⁵ Тай таро престоли иклонас светкавицес, гласовя тай гърмежия. Тай англал о престоли таблонас ефта ягакере светила, колато си о ефта Божия духовя. ⁶ Тай англал о престоли сине варесо сар стъклено морес, подобно кристалесте, а машкар о престоли тай около лесте - штар жива същества, перда якенца англалда, палалда. ⁷ О първо живдо същество препелас лъвосте, о второ препелас телцосте, о трето сине лес муи манушескоро тай о четвърто същество препелас летящоне орелесте. ⁸ Тай о штар жива същества, сине лен по шов крила, уле перда якенца около песте тай андрал; тай он на престанинен о диес тай ират те пенен: Свято, свято, свято о Дел Всемогъщо, Ковато уло, тай Ковато си, тай Ковато ка овел! ⁹ Тай като о живде същества принесинен слава, почит тай благодарение Калкеске, Ковато бешел ко престоли тай живинел жи ко вечна вековя, ¹⁰ дешуштар старейшинес перен англал о Бешло ко престоли, тай кланинен пес Колкеске, Ковато живинел жи ко вечна вековя, тай положинен пе венци англал о престоли, като пенен: ¹¹ Достоино синян, Господи тай Девла амаро, те приеминес слава, почит тай сила; соскето Ту създинян всичко, тай по Тери воля всичко съществувинел тай уло създиме.