1
А о Исус, пердо Святоне Духоса, като ирисало таро Йордан, уло водиме таро Духос ки пустиния саранда диеса,
2
кате уло изкушиме таро бенг. Тай нана халас нищо презал далке диесенде; тай като накле пес он, Ов бокалило.
3
Тай о бенг пенгяс Леске: Ако синян Божие Чаво, заповедине калке бареске те ачол маро.
4
А о Исус отговорингяс леске: Пишиме си: " Ма само мареса ка живинел о мануш ,но всеконе Божие словоса".
5
Тогава, като ингалгяс Лес иеке планинате учипнасте тай покажингяс Леске саворе тагарипнадес ,е вселенакере андо иек мигос време, о бенг пенгяс Леске:
6
Туке ка дав савори власт тай слава калке тагарипнаске соскето манге си предиме, тай ме дав ла, каске мангав.
7
Тай чука, ако поклонинес тут манге, всичко ка овел Торо.
8
А о Исус в отговор пенгяс леске*: Пишиме си: " Е Девлеске, торо Дел, те кланинес тут, тай само Леске те служинес".
9
Тогава ингалгяс Лес андо Ерусалим, поставингяс Лес ко крило е храмиеске тай пенгяс Леске: Ако синян Божие Чаво, чив тут атар теле ;
10
соскето си пишиме: " Ка заповединел Пе ангеленге за Туке те пазинен Тут;
11
тай вастенде ка вазден Тут, тена чалавес анде баресте те пире".
12
А о Исус в отговор пенгяс леске: Пендо си: " Тена изпитвинес е Девлес, торо Дел."
13
Тай като изчерпингяс всеко изкушение, о бенг оттеглисало Лестар жи десаво време.
14
А о Исус ирисало анди Галилея е силаса е Духоскири; тай слухи разнесисало за Леске ки цело околност.
15
Тай Ов поучинелас ко синагогес ленге; тай саворе прославиненас Лес.
16
Тай ало андо Назарет, кате ухло отхраниме, тай по Пере обичаиесте диняс анди синагога иек съботно диес, тай ухтинило те четинел.
17
Тай подине Леске и книга е пророкиескири о Исая; тай Ов, като путергяс и книга, араклас о тан, кате уло пишиме:
18
" О Духос е Девлескоро си упрал Манде, соскето помажингяс Ман те благовестинав е сиромасиенге; бичалгяс Ман* те прогласинав освобождение е пленникиенге, тай проглеждане е коренге, те мукав на свобода е угнетонен,
19
те прогласинав о благоприятно Господно бреш."
20
Тай като панлас и книга, ирингяс ла е служителеске тай бешло; а о яка саворенгере анди синагога уле впита анде Лесте.
21
Тай почнингяс те пенел ленге: Авдиес изпълнисало давка писание анде тумаре каненде.
22
Тай саворе засвидетелствинде Леске, тай чудиненас пес е благодатноне думенге, колато иклонас Лескере мостар. Тай пененас: Кавка нанай ли о Йосифово чаво?
23
Тай Ов пенгяс ленге: Без това ка пенен Манге кайка поговорка: Лекарю, изцерине тут; ковато шунгям, кай ачолас андо Капернаум, кер лес атеда анде Тере родинате.
24
Тай пак пенгяс: Истина пенав туменге, кай нисаво пророки нанай приемиме ан пе родинате.
25
А пенав туменге наистина: Бут вдовицес сине андо Израил ко диеса е Илияске, като панлило о небес трине брешенге тай шове масекиенге, тай ачили бари бок ки цело пув;
26
тай нито паш иекате лендар нана уло бичалдо о Илия, а само иеке вдовоцате андо Сарепта Сидонска.
27
Чука също бут прокажена сине андо Израил андо време е пророкиеске о Елисей; но никой лендар на сине очистиме, а само о сириицос о Нееман.
28
Като шунде давка, саворе, колато уле анди синагога, пердиле с гняв
29
тай, като ухтиниле, икалде Лес аври таро градос, тай ингалде Лес ки стръмнина е хълмиеске, колесте ленгоро градос сине съградиме, за те чивен Лес теле.
30
Но Ов накло машкар ленде тай гело песке.
31
Тай ухлило андо галилейско градос Капернаум, тай поучинелас лен андо съботно диес;
32
тай удивиненас пес Лескере учениеске, соскето Лескоро словос сине с власт.
33
Тай анди синагога сине мануш, долдо таро духос нечистоне бесостар; тай ов пищингяс силноне гласоса:
34
Ех, со иси Тут аменца, Исусе Назарянине? Нима алан те погубинес амен? Пенджарав Тут Кова синян- о Свято Божие.
35
Но о Исус смъмрингяс лес, тай пенгяс: Млъкнин тай икли лестар. Тай о бесос, като повалингяс лес англал саворенде, иклило лестар, без нисар те поврединел лес.
36
Тай саворе смаинде пес, тай хоратиненас машкар песте, тай пенде: Саво ди давка словос, кай Ов с власт тай сила заповедингяс е нечистоне духовиенге, тай он икльон?
37
Тай слухи разнесисало за Леске ко саворе околна тана.
38
Тай като ухтинило, тай иклило тари синагога, диняс андо Симоново кер. А и Симоново сасуи ули долди тари силно треска: тай молиненас Лес за лаке.
39
Тай Ов, като зачило упрал лате, смъмрингяс и треска, тай и треска муклас ла; тай ко сахати ой ухтинили тай прислужвинелас ленге.
40
Тай като залезинелас о кам, саворе, колато сине лен насвале таро разна болестия, анде лен паш Лесте; а Ов, като положингяс васта всеконе иекеске лендар, изцелингяс лен.
41
Още бесовя да пищенца иклонас таро мнозина, тай пененас: Ту синян о Божие чаво. А Ов смъмринелас лен тай нана мукелас лен те хоратинен, понеже жаненас, кай си Помазаники
42
Тай като дислило, Ов иклило тай гело андо уединено тан; а о народос роделас Лес, авелас паш Лесте тай мангелас те задържинел Лес, за тена жал песке лендар.
43
Но Ов пенгяс ленге: Околе градовиенге да требе те благовестинав о Божие тагарипе, понеже далкеске синиом бичалдо.
44
Тай проповединелас андо галилейска синагогес.