Шеро 24
1
А андо първо диес е куркескоро, андиавин рано, о жувля але ко мимори, аненас о ароматия, колато приготвиндесас.
2
Тай аракле о бар отвалиме таро мимори.
3
Тай като дине, нана аракле о телос е Девлескоро е Исусескоро.
4
Тай като сине андо недоумение далкеске, аке, зачиле англал ленде дуи мруша ослепителноне облеклоса.
5
Тай обзета даратар, он навединде пе муя жи ки пув; а о мруша пенде ленге: Соске роден е живдес машкар о муле?
6
Нанайстало ате, но възкръснингяс. Ден тумен годи со хоратинелас туменге, като сине още анди Галилея,
7
като пенелас, кай о Човешко Чаво требе те овел предиме андо васта грешноне манушенге, те овел разпниме тай ко трето диес те възкръснинел.
8
Тай дине пес годи Лескере думес.
9
Тай като ирисале таро мимори, известинде всичко давка е дешуиекенге тай саворенге околенге.
10
А он сине и Магдалина Мария тай и Йоана, тай и Мария, и Яково дай, тай окола жувля ленца, колато пенде далка букя е апостоленге.
11
А калка думес дикле пес ленге чуче приказкес, тай нана верувинде.
12
А о Петър ухтинило тай прастанило ко мимори, тай като надникнингяс, диклас само о саваня; тай гело пе кересте, тай чудинелас пес со ачило.
13
Тай аке, андо също диес дуи лендар жанас анде иеке гавесте ко алав Емаус, шовдеш стадиес дуре таро Ерусалим.
14
Тай он хоратиненас песке машкар песте всичконаске ковка, ковато ачилосас.
15
Тай като хоратиненас тай разисквиненас, коркоро о Исус приближисало тай пирелас ленца;
16
но ленгере яка удържисале тена пенджарен Лес.
17
Тай пенгяс ленге: Саве си далка думес, колато разменинен машкар туменде, като пътувинен? Тай он спирисале натъжиме.
18
Тай иек лендар, ко алав Клеопа, в отговор пенгяс Леске: Само Ту ли синян пришълеци андо Ерусалим тай на жанес со ачило оте калка диеса?
19
Тай пенгяс ленге: Кова? А он пенде Леске: Со ачило е Исусеса о Назаряни, Ковато сине пророки, силно андо делос тай андо словос англал о Дел, тай англал саворе люденде;
20
тай сар амаре главна свещеникия тай началникия предине Лес те овел осъдиме мерибнасте, тай разпнинде Лес.
21
А аме надявеинасас амен, кай Ов си Ковка, Ковато ка изкупинел о Израил. Тай освен всичко давка, вече си трето диес, от сар ачило давка.
22
Паш далкесте десаве жувля машкар аменде смаинде амен, колато, като геле андиавин ко мимори
23
тай нана аракле Лескоро телос, але тай пенде, кай дикле видение ангеленгоро, колато пенде, кай Ов уло живдо.
24
Тай десаве колкендар, колато сине аменца, геле ко мимори, тай аракле чука, сарто пенде о жувля; а Лес нана дикле.
25
Тай Ов пенгяс ленге: О, немислена тай мудна ко сърцес те верувинен всичко, ковато хоратинде о пророкия!
26
Нана требеше ли о Помазаники те пострадинел чука тай те дел ан Пе славате?
27
Тай като почнингяс таро Мойсей тай саворе пророкиендар, ълкувинелас ленге о пишиме за Леске андо саворе писания.
28
Тай приближинде о гав, анде колесте жанас; а Ов икерелас пес, сар кай жал по-дуре.
29
Но он подканиненас Лес, тай пенен: Ачов аменца, соскето си привечер, тай о диес вече превалингяс. Тай Ов диняс те ачол ленца.
30
Тай като бешло ленца ки софра, лилас о маро тай благословингяс, пагляс тай диняс лен.
31
Тай ленгере яка путердиле, тай пенджарде Лес; а Ов ачило невидимо за ленге.
32
Тай пенде машкар песте: На таблолас ли анде аменде о сърцес, като хоратинелас аменге ко дром, като тълкувинелас о Писания?
33
Тай андо също сахати ухтиниле тай ирисале андо Ерусалим, кате аракле кидиме е дешуиекен тай калкен, колато сине ленца,
34
колато пенде: О Дел наистина възкръснингяс тай явисало е Симонеске.
35
Он па разправиненас со ачило ко дром тай сар пенджарде Лес, като пагелас о маро.
36
Тай като хоратиненас за далкеске, коркоро о Исус зачило машкар ленде тай пенгяс ленге: Мир вам!
37
А он стреснисале тай дараниле, като мислиненас, кай дикен духос.
38
Тай Ов пенгяс ленге: Соске смутинен тумен? Тай соске породинен пес салка мислес анде тумаре сърценде?
39
Дикен Ме васта тай Ме пире, кай синиом Ме о също; пипинен Ман тай дикен, соскето духос нанай маса тай кокала, сарто дикен, кай Ман иси.
40
Тай като пенгяс давка, покажингяс ленге Пе васта тай Пе пире.
41
Но понеже он лошалатар още нана верувиненас тай чудиненас пес, Ов пенгяс: Иси ли тумен ате варесо хабнаске?
42
Тай дине лес час таро пеко мачо( тай парчес медено пита).
43
Тай лилас, тай халас англал ленде.
44
Тай пенгяс ленге: Калка си о думес, колато хоратинавас туменге, като улом още туменца, кай требе те изпълнингиол всичко, ковато си пишиме Манге андо Мойсеево закони, таро пророкия тай андо псалмес.
45
Тогава путергяс ленгири годи, за те ахалон о писания.
46
Тай пенгяс ленге: Чука си пишиме, кай о Помазаники требе те страдинел тай те възкръснинел таро муле андо трето диес,
47
тай кай требе те проповединел пес анде Лескере алавесте покаяние тай опрощение е безехенге машкар саворе народосте, като почнинел пес таро Ерусалим.
48
Туме синиен свидетеля далкеске.
49
Тай аке, Ме бичалав упрал туменде о обещано таро Отца Моро; а туме бешен андо градос (Ерусалим), жи кай урявен тумен силаса упрал.
50
Тай ингалгяс лен жи иеке танесте мамуял и Витания; тай ваздингяс Пе васта те благословинел лен.
51
Тай като благословинелас лен, отделисало лендар, тай възнесисало андо небес.
52
Тай он поклонисале Леске, тай ирисале андо Ерусалим баре лошаласа;
53
тай уле постоянно андо храми, (хвалеща тай) благославяща е Девлес. ( Амин)