¹ Ашал далкеске, нека мукас о първоначално учение е Христаске, тай нека стреминас амен карик и зрялост, като на положинас пак основаке пак о покаяние таро муле дела, и вяра андо Дел, ² о учение е кръщениенге, за о ръкополагане, за о възкресение е муленгоро тай е вечноне съдоске. ³ Тай давка ка керас, ако о Дел позволинел. ⁴ Соскето колка, колато иеквар уле просветиме тай вкусинде таро небесно дари, тай ачиле причастна е Святоне Духоске, ⁵ тай вкусинде таро лачо Божие словос тай таро велика дела е бъдещоне векоскере, ⁶ а отпеле, невъзможно си пак те овен обновиме тай анде андо покаяние, жи кай разпнинен второ дром анде песте е Девлескере Чавес тай опозоринен Лес. ⁷ Соскето и пув, която поинелас пес таро бришим, ковато перел често лате, тай която биянел чар, полезно калкенге, за коленге обработвинел пес, получинел благословение таро Дел; ⁸ но ако биянел каре тай репея, ои си непотребно тай паше жи ко проклятие, тай и сетнина лакири си те овел тарди. ⁹ Обаче, те хоратинасда чука, надявинас амен относно туменге, любезна, за варесоске по-лачо, ковато ингалел жи ко спасение. ¹⁰ Соскето о Дел нанай неправедно, тай те бистрел тумаро делос, тай и любов, която покажингиен карик Лескере алавесте, като послужингиен тай още служинен е светиенге. ¹¹ Тай мангас секой тумендар те покажинел о също усърдие за пълно увереност анди надежда жи ко крайос; ¹² тена овен ленива, а те подражавинен колкенге, колато чрез и вяра тай дълготърпение наслединен о обещания. ¹³ Соскето, като о Дел делас обещания е Авраамес, понеже на сине никой по-баро, анде колесте те халсовел, халас совел упрал Песте, като пенгяс: ¹⁴ "Наистина ка благословинав тут пребут, тай ка умножинав тут тай преумножинав". ¹⁵ Тай чука, о Авраам дълготърпениеса получингяс о обещание. ¹⁶ Соскето сар о мануша хан совел упрала декасте, по-баро лендар, тай и совел, денди андо потвърждение, товел крайос секоне спориесте машкар ленде. ¹⁷ Далкеске о Дел, като мангелас те покажинел по-ясно е наследникиенге е обещаниескере, кай Лескоро намерение си неизменно, послужингяс песке клетваса, ¹⁸ тай чрез дуие неизменноне букиенде, анде коленде нанай възможно о Дел те хохавел, те овел амен баро насърчение амен, колато прибегнингям те икерас амен ки предстоящо надежда; ¹⁹ която за амаре душаке си сар зорали тай непоклатимо котва, тай която прониквинел анде далкесте, ковато си палал и завеса; ²⁰ кате о Исус, като предчетингяс диняс аменге, тай ачило Първосвещеники жи ко векос според о Мелхиседеково чини.