¹ Тай като избавингям амен, ахалилам, кай о острови наречинел пес Малта. ² А о местна жителя покажинде аменге маобикновено човеколюбие; соскето приеминде саворе амен тай понеже делас бришим тай сине шил, накладинде яг. ³ Тай като о Павел натрупингияс иек купос храстия, тай чивкяс лес анди яг, иек островно сап иклило таро татипе тай залеписало лескере вастесте. ⁴ А о туземция, като дикле сар о сап висинел лескере вастесте, пененас машкар песте: Без съмнение кавка мануш ка овел убийцос, ковато, ако те избавингяс пес таро морес, пак о правосъдие нана мукел лес те живинел. ⁵ Но ов трескингяс е сапес анди яг тай на почувствингяс нисаво зло. ⁶ А он очаквиненас, кай ка отечинел, или внезапно ка перел муло; но като жаренас бут време тай дикенас, кай нана ачол леске нисаво зло, променинде по мнение тай хоратиненас, кай си дел. ⁷ А около далке танесте араклонас о имения е първенциеске е островиескоро, каскоро алав сине Поплий, ковато приемингяс амен тай гощингяс приятелски трин диес. ⁸ Тай случисало о Поплиево дад те пашлол насвало трескатар тай от дизентерия; а о Павел диняс паш лесте тай като молисало, положингяс васта лесте тай изцелингяс лес. ⁹ Като ачило давка, околада таро острови, колато сине лен болестя, авенас тай изцелиненас пес; ¹⁰ като покажиненас аменге бут почестя, тай като тръгнингям, товде андо кораби о потребно амаре нужденге. ¹¹ Тай чука, палал о трин масек отплавингям иеке алексанрдийсконе корабиеса, ковато презимувингясас ко острови, тай ковато сине лес знакиеске о Близнакия*. ¹² Тай като реслам андо Сиракуза, побешлам оте трин диес. ¹³ Тай отар, като лъкатушинасас, реслам анди Ригия; так палал иек диес, като повеингяс южно балвал, ко второ диес алам андо Потиоли, ¹⁴ кате арааклам прален, колато замолинде амен те бешас ленде ефта диес. Чука алам андо Рим, ¹⁵ катар о прала, като шунде аменге, алесас жи ко Апиево тържище тай жи ко Трин кръчмес те посрещнинен амен; тай о Павел, като диклас лен, благодарингяс е Девлеске тай ободрисало. ¹⁶ А като диням андо Рим, о стотники прединяс о запрения е началникиеске е стражакоро*; а позволисало е Павелеске те живинел отделно е войникиеса, ковато пазинелас лес. ¹⁷ Тай палал о трин диес ов свикингяс е по-първонен таро юдея тай като кидисале, пенгяс ленге: Пралален, без те кергиом ме варесо против о народос амаро или против амаре бащиноне обичаиенде, пак таро Ерусалим предине ман панло андо васта е римлияниенге; ¹⁸ колато, като изпитинде ман, ка мукенас ман, соскето анде манде нана сине нищо достойно мерибнаске. ¹⁹ Но понеже о юдея възпротивисале далкесте, принудингиоман те отнесинаман жи ко кесари, а ма кай сине ман те обвининав варесосте ме народос. ²⁰ Тай чука, по даика причина викингиом тумен, за те дикав тумен тай те хоратинав туменге; соскето ашал далкеске, за колеске о Израил надявинел пес, синиом панло калке веригаса. ²¹ А он пенде леске: Нито получингиам аме писма таро Юдея за туке, нито ало декой таро прала те известинел аменге или те пенел аменге варесо канило за туке. ²² Но мангас те шунас тутар со мислинес; соскето си аменге известно, кай навсекъде хоратинен против каика секта*. ²³ Тай като определинде леске диес, мнозина лендар але паш лесте оте, кате живинелас; тай от андиавин жи ират ов излагинелас ленге доказателствоненца е Девлескоро тагарипе тай уверинелас лен е Исусеске тай е Мойсеевоне закониеске, тай таро пророкия. ²⁴ Тай иек повервинде давка, ковато хоратинелас, а авер на верувиненас. ²⁵ Тай он, несъгласна машкар песте, лиле те жан песке, след като о Павел пенгяс ленге калка думес: Лачес хоратинелас о Свято Духос чрез о пророк Исая амаре даденге, като пенгяс: ²⁶ " Жа пен народоске: Каненца ка шунен, но нисар нанай те схванинен; тай якенца ка дикен, но нисар нанай те ахалон; ²⁷ соскето затлъстингяс о сърцес калке люденгоро, тай о кана ленгере натегнинде ленге, тай пе яка панле, да не би те дикен пе якенца, тай те шунен пе каненца, тай те ахалон пе сърцеса, тай те иринен пес, тай те изцелинав лен." ²⁸ Тай чука, те жанен, кай давка Божие спасение бичалгяс пес е езичникиенге; он ка шунен. ²⁹ Тай като пенгяс давка, о юдея геле песке, препираща се машкар песте. ³⁰ А о Павел побешло цела дуи бреша отделноне кересте под наем, кате приеминелас саворен, колато авенас паш лесте, ³¹ като проповединелас в Девлескоро тагарипе тай пердо с дързост поучинелас за е Девлеске Исуса Христа, без те забранинел леске никой.