¹ И първо повест пишингиом, о, Теофиле, за всичко, ковато о Исус керелас тай учинелас, от сар почнингяс ² жи ко диес, като възнесисало, след като диняс чрез о Святи Дух заповедя е апостолен, колен избирингясас; ³ коленге представингяс Пес живдо палал Пе страданиесте буте верноне доказателствоненца, като явинелас пес ленге през саранда диеса тай хоратинелас ленге за о Божие тагарипе. ⁴ Тай като киделас пес ленца, пенгяс ленге тена напуснинен о Ерусалим, но те жарен о обещано таро Отца, за колеске, пенгяс Ов, шунгиен Мандар. ⁵ Соскето о Йоан кръстинелас паниеса, а туме ка овен кръстиме е Святоне Духоса не след бут диеса. ⁶ Тай чука, иеквар, като кидисале, он пучле Лес, тай пенде: Господи, акана ли ка иринес о тагарипе е Израилескоро? ⁷ А Ов пенгяс ленге: Нанай туменге те жанен бреша или времена, колато о Отец положингяс Пе Собственоне властияте; ⁸ но ка приеминен сила, като ка авел упрал туменде о Свято Духос, тай ка овен свидетеля за Манге сарто андо Ерусалим, чука анди цело Юдея тай Самария, тай жи ко крайос е пувякоро. ⁹ Тай като пенгяс давка, тай он дикенас Лес, Ов възнесисало, тай облаки приемингяс Лес таро погледя ленге. ¹⁰ Тай като дикенас карик о небес, като възлизинелас, аке дуи мануша парне шехиенца зачиле паш ленде, ¹¹ колато пенде да: Галилеяни, соске бешен тай дикен карик о небес? Кавка Исус, Ковато възнесисало тумендар ко небес, чука ка авел,сарто диклен Лес те жал ко небес. ¹² Тогава ирисале андо Ерусалим таро хълми, наречиме Елеонски, ковато си паше жи ко Ерусалим, на разстояние иек съботно диес дром. ¹³ Тай като дине андо градос, качисале ки упруни стая, кате живиненас, о Петър тай Йоан, о Яков тай о Андрей, о Филип тай о Тома, о Вартоломей тай о Матей, о Яков Алфеев тай о Симон Зилот, тай о Юда Яковов. ¹⁴ Саворе калка единодушно сине в постоянно молитва (тай моление) десаве ромниенца тай и Мария, и дай е Исусескири, тай Лескере праленца. ¹⁵ Презал калке диесенде о Петър ухтинило машкар о прала( а сине кидиме множество около шел тай биш жене) тай пенгяс: ¹⁶ Пралален, требваше те изпълнингиол о пишиме, ковато о Свято Духос предскажингяс чрез о Давидово муи за Юда, ковато ачило водители калкенге, колато долде е Исусес. ¹⁷ Соскето ов числинелас пес машкар аменде тай получингяс дяли анде далке служениесте. ¹⁸ Тай чука, ов придобингяс, нива тари заплата пере неправдатар; тай като пело стремглаво, парило ко машкар, тай лескере саворе поря чордиле. ¹⁹ Тай давка ачило известно саворе ерусалимсконе жителенге, чука че дайка нива наименувисали ленгере чибате Акелдама, демек, Кръвно нива. ²⁰ Соскето си пишиме анди книга е Псалменге: " Лескоро жилище те пустонел, тай тена овел кой те живинел лесте"; тай : " Авер нека те лел мо чинос." ²¹ Тай чука, таро мануша, колато дружиненас аменца презало саворо време, като о Господ Исус делас тай иклолас машкар аменде, ²² като почнингяс таро време, като о Йоан кръстинелас, тай следвинел жи ко диес, като възнесисало амендар, иек лендар требва те ачол свидетели аменца ко възкресение Леске. ²³ Тай чука, поставинде дуиен: О Йосиф, наречиме Варсава, колескоро презиме сине Юст, тай о Матия. ²⁴ Тай молинде пес, тай пенде: Ту, Господи, сърцевидецо саворенге, покажине колкес таро калка о дуи, колес избирингян ²⁵ те лел о тан анде калке служениесте тай апостолство, колестар отстъпингяс о Юдас, за те жал пере танесте. ²⁶ Тай чивте жребий за ленге, тай о жребий пело ко Матия; тай ов причислисало карик о дешуиек апостола.