¹ Заръчинав туке англал о Дел тай англал о Христа Исуса, Ковато ка съдинел е живден тай е мулен паш Пе явимнасте тай Пе царувимнасте: ² проповедине о словос, настоявине ко време тай без време, изобличине, порицавине, увещине, пердоне търпениеса тай непрестано поучаване. ³ Соскето ка авел време, като нанай те търпинен о зорало учение; но понеже манген те шунен новостя, ка киден песке учителен пере страстиенде, за те гъделичкинен ленгоро слухи* , ⁴ тай като иринен пе кана тари истина, ка иринен пес карик о баснес. ⁵ Но ту ов разбрано андо всичко, понесине страдание, извършине о делос благовестителескоро, изпълнине жи ко крайос то служение. ⁶ Соскето ме вече ачовав жертва, тай о време ме жаибнаске ачол. ⁷ Ме подвизисалом андо лачо войнстване, о дром свършингиом, и вяра опазингиом; ⁸ от акана наоте пазине тут за манге о венеци е правдакоро, ковато о Дел, о праведно Съдияс, ка въздел манге анде колке диесесте; тай ма само манге, но тай саворенге, колато дехинде Лескоро явяване. ⁹ Постараине тут те авес сиго паш манде; ¹⁰ Соскето о Димас муклас ман, като дехингяс о светос акана; ов гело андо Солун, Крискент* - анди Галатия, а о Тит анди Далмация. ¹¹ Само о Лука си паш манде. Ле е Маркиес тай ан лес туса, соскето си манге полезно е служениеске. ¹² А о Тихик бичал андо Ефес. ¹³ Като ка авес, ан о наметалос, ковато муклом анди Троада ко Карп, тай о книгес, а особено о пергаментия. ¹⁴ О медникари о Александър кергяс манге бут зло; о Дел ка иринел леске според лескере деловиенде; ¹⁵ лестар туда пазине тут, соскето ов бут противинел пес амаре хоратенде. ¹⁶ Ки първо мери защита никой нана лилас мери риг, а саворе мукле ман; дано тена счетинел пес ленге безехаке. ¹⁷ Но о Дел уло манца тай укрепингяс ман, за те прогласинел пес напълно о послание чрез манде тай те шунен саворе езичникия; меда улом избавиме таро муи е лъвоске. ¹⁸ О Дел ка избавинел ман секоне зло делостар е лукавонеске тай ка спасинел ман, тай ингалел андо небесно Поро тагарипе; Леске те овел слава жи ко вечна векове. Амин. ¹⁹ Поздравине е Прискила тай е Акила тай о Онисифорово кер. ²⁰ О Ераст ачило андо Коринт, а е Трифомиес муклом насвало андо Милит. ²¹ Постараине тут те авес англал о евент. Поздравинен тут о Евул, Пуд, Лин, Клавдия тай саворе прала. ²² О Дел те овел тере духоса. Благодат те овел туменца. (Амин.)