¹ А давка те жанес, кай андо последна диеса ка ачон усилена времена. ² Соскето о мануша ка овен себелюбива, сребролюбива, надменна, горделива, хулителя, непокорна родителенге, неблагодарна, нечестива, ³ безсърдечна, непримирима, клеветникия, невъздържана, свирепа, неприятела е лачипнаске, ⁴ предателя, буйна, надута, по бут сластолюбива, а ма боголюбива, ⁵ като иси лен наглед благочестие, но отричаща и сила лескири. Тай салкендар да цидетут! ⁶ Соскето лендар си колка, колато вмъкнинен пес андо кера тай хохавен е обременонен безехенца жувлен, водиме различноне страстиендар, ⁷ колато все учинен пес, а нисар нащи ресен жи ко познание е истинаке. ⁸ Тай сарто Яний тай Ямврий възпротивисале е Мойсейеске, чука онда противинен пес е истинаке, мануша покварноне гогяса, извратиме анди вяра. ⁹ Но он нанай те успеинен по бут; соскето ленгоро безумие ка ачол известно саворенге, сарто ачило е безумиеса калке дуиенгоро. ¹⁰ А ту последвингян моро учение, поведение, и цел, ми вяра, о дълготърпение, и любов, о зоралипе, ¹¹ о гонения, о страдания, колато сполетинде ман анди Антиохия, анди Икония, анди Листра; саве гонения издържингиом! тай таро саворе лендар о Дел избавингяс ман. ¹² Но тай саворе, колато манген те живинен благочестиво андо Христа Исуса, ка овен гониме. ¹³ А нечестива тай хохавне мануша ка жан таро канило карик о по-канило, като хохавен тай си хохавде. ¹⁴ А ту постоянствине анде далкесте, ковато сиклилан тай за колеске улан убедиме, като жанес саве муиендар сиклилан, ¹⁵ тай кай от цикнярла жанес о свещена Писания, колато ащи умъдринен тут спасениеске чрез и вяра андо Христа Исуса. ¹⁶ Саворо Писание си боговдъхновено тай полезно поучимнаске, изобличениеске, поправлениеске, наставлениеске, анди правда; ¹⁷ за те овел о Божие мануш усъвършенствиме, съвършено приготвиме за секоне лаче делоске.