¹ А за е брешенге тай е времеске, пралален, нанай нужда те пишинел пес туменге; ² соскето туме лачес жанен, кай о Господно диес ка авел сар чор ират. ³ Като пенен: Мири тай безопасност!, тогава внезапно ка авел гибел, сарто е бянимнаскере дука камне ромнякере; тай он нанай те нашен. ⁴ Но туме, пралален, на синиен анди тъмнина, кай те изненадинел тумен давка диес сар чор. ⁵ Соскето туме саворе синиен чаве е светлинакере* тай чаве е диесескере*, на синям тари ират, нито тари тъмнина. ⁶ Тай чука, тена совас, сар околенде, а те овас жангале тай трезвена. ⁷ Соскето, колато совен, ират совен, тай колато макярен пес, ират макярен пес; ⁸ а аме, като синям таро диес, нека овас трезвена, тай нека уряс за бронен нагръдник и вяра тай и любов, тай те товас шлемиеске и надежда е спасениескири. ⁹ Соскето о Дел определингяс амен ма за гневиеске, а те получинас спасение чрез амаре Девлесте о Исус Христос, ¹⁰ Ковато муло аменге, чука кай аме, живде или муле, те живинас заедно Леса. ¹¹ Далкеске насърчинен тумен машкар туменде тай назидавинен тумен иек аверес, сарто керен. ¹² Тай молинас тумен, пралален, те признавинен калкен, колато трудинен пес машкар туменде сар тумаре настойникия андо Дел тай тумаре увещателя, ¹³ тай те почитинен лен твърде бут с любов ашал ленгоро делос. Живинен мирно машкар туменде. ¹⁴ Молинас тумен още, пралален, увещинен е безчиновиен, насърчинен е малодушнонен, поддържинен е слабонен, овен търпелива карик саворенде. ¹⁵ Внимавинен никой никаске тена иринел зло за зло; а винаги роден о лачо иек авересте тай саворенде. ¹⁶ Винаги лошанен. ¹⁷ Непрестанно молинен тумен. ¹⁸ Всичконаске благодаринен; соскето давка си и Божие воля за туменге андо Христа Исуса. ¹⁹ О духос ма угасинен. ²⁰ О пророчества ма презиринен. ²¹ Всичко изпитвинен; икерен о лачо, ²² а въздържинен тумен таро секакво зло. ²³ А Коркоро о Дел е мириескоро те осветинел тумен напълно; тай дано запазинен пес непокътната о духос, и душа тай о телос тумаро би порокиескоро, жи ко пришествие амаре Девлескоро о Исус Христос. ²⁴ Верно си Ковка, Ковато призовинел тумен, тай ка керел давка. ²⁵ Пралален, молинен тумен аменге. ²⁶ Поздравинен саворе прален святоне целувкаса. ²⁷ Дав тумен совела андо Дел те четинел пес давка послание саворе (святоне) праленге. ²⁸ И благодат амаре Девлескири о Исус Христос те овел туменца. (Амин).