¹ Дикен сави любов диняс амен о Отца, те наречинас амен Божия чада; а салкада синям. Далкеске о светос нана пенджарел амен, соскето Лес нана пенджарел. ² Любезна, акана синям Божия чада тай още нана ачило явно со ка овас; но жанас, кай като ка ачол явно, ка овас подобна Леске, соскето ка дикас Лес, сарто си. ³ Тай секой, ковато си лес дайка надежда анде Лесте, очистинел пес, сарто Ов си чисто. ⁴ Секой, ковато керел безеха, керел безаконие; соскето и безех си беззаконие; ⁵ тай жанен, кай Ов явисало, за те лел амаре безеха. Анде Лесте нанай безех. ⁶ Никой, който пребъдвинел анде Лесте, нана съгрешинел; никой, който съгрешинел, нана диклас Лес, нито пенджаргяс Лес. ⁷ Чавален, никой тена заблудинел тумен; който керел правда, си праведно, сарто о Христос си праведно. ⁸ Който керел безех, таро бенг си; соскето о бенг таро началос съгрешинел. Далкеске явисало о Божие Чаво, за те съсипинел о дела е бенгескере. ⁹ Никой, ковато си бияндо таро Дел, нана керел безех, соскето Лескоро зародиши пребъдвинел анде лесте; тай нанащи съгрешинел, соскето си бияндо таро Дел. ¹⁰ Далкестар пенджарен пес е Девлескере чада тай е бенгескере чада; който на керел правда, нанай таро Дел, също ковка, ковато нана дехел пе пралес. ¹¹ Соскето и поръчка, която шунгиен таро началос, си давка: те дехас иек аверес; ¹² тай тена овас сар о Каин, ковато уло таро лукавия тай мударгяс пе пралес. Тай соске мударгяс лес? Соскето лескере дела уле нечестива, а лескере пралескере - праведна. ¹³ Ма чудинен тумен, пралален, ако о светос мразинел тумен. ¹⁴ Аме жанас, кай пренаклам таро мериба андо животос, соскето дехас е прален. Ковато нана дехел (пе пралес), ачол андо мериба. ¹⁵ Всекой, ковато мразинел пе пралес, си убиицос манушенгоро; тай туме жанен, кай анде нисаве убиицосте манушенгоро нана пребъдвинел вечно животос. ¹⁶ Далкестар пенджарас и любов, кай Ов диняс по животос аменге. Чука амеда синям длъжна те дас амаро животос е праленге. ¹⁷ Но ако декой, колес иси в светоскере блага, дикел пе пралес анди нужда, а заключинел по сърцес лестар, сар ка пребъдвинел анде лесте е Девлескири любов? ¹⁸ Чавален, тена дехас хоратенца или чибаса, а делоса тай андо действително. ¹⁹ Далкестар ка пенджарас, кай синям тари истина, тай ка успокоинас амаро сърцес англал Лесте ²⁰ относно всичко, анде колесте амаро сърцес осъдинел амен; соскето о Дел си по-баро амаре сърцестар тай жанел всичко. ²¹ Любезна, ако амаро сърцес нана осъдинел амен, иси амен увереност спрямо о Дел; ²² тай со да те мангас, получинас Лестар, соскето пазинас Лескере заповедя тай керас давка, ковато си угодно англал Лесте. ²³ Тай Лескири заповед си давка: те верувинас андо алав Лескере Чавеске о Исуса Христа, тай те дехас иек аверес, сарто заповедингяс аменге. ²⁴ Тай който пазинел Лескере заповедя, пребъдвинел андо Дел тай о Дел- анде лесте; тай далкестар пенджарас, кай Ов пребъдвинел анде аменде- ко Духос, Ковато диняс амен.