¹ Ooh, we ohoreera, mwaaraka; ohoreera! Ottuli waya nleeso naa mentho aa ari toko ekhuntta. Ekharari tja tjiri toko nttithi no puri nikhuma Mwaako wo Gileade. ² Men'no aa ari toko ntjitji no pwittipwithi tjo kaciya phiyaaru tjikhumaka warapihiyaaya. Wakun'la yahaana nivatta naya ni khirina wariyari waya yoohikhalana nhuwo. ³ Mattere aa ari toko efiiyu yosheerya, oreera malaku aa. Ottuli waya nleeso, maramaa ari toko n'hokorokho wo romaa. ⁴ Esiko aa eri toko enupa yoorekama ya Davi, etekiye toko esaala yo kaputhi, m'mo tjiri tjothomeen'ya escuudo ekonto, escuudo tjoteene tjaa nakhotto. ⁵ Mapele aa omeeli ari toko mavatta ogazela yoolihiya mapuro ori ethutu tjoonukhela. ⁶ Wahinaya ossa ni mithuutji tjithyawaka, mi kinaarwa omwaako wp miirra ni mapuro ampahiya elumpani. ⁷ We ooreera, mwaaraka, khuurina etafaauti. ⁸ Nkaawa ni mi oLibano, mwaaraka! Owe ni mi oLibano; okuruwe wa tjulu wo Amana, wa tjulu wo Senir ni Hermon, mwinlikittini wa akharamu, m'mwaakoni wa ahavara. ⁹ We ohin'nya nrimaaka, nrokoraka, mwaaraka; we ohin'nya nrimaka, mwaha wookiweha paasi, ni ejooya yo khankaani. ¹⁰ Nifento naa noreera, nrokoraka, mwaaraka! Nifento naa noophuanela wovirikanatho eviinyu! Ni onukhela wo perfume aa wo virikanatho tjithu tjikina. ¹¹ Mattere aa, mwaaraka, am'mwaryeela oravo; oravo ni eleeti eri vathi waya nlimi, onukhela wo kuwo tjaa ori toko onukhela wo Libano. ^{12 13 14} Nrokoraka, mwaaraka, we ojardim yothukiya, ephattuwelo yowatanihiya. ¹⁵ We ori toko omitjera ejardim, ehime yo maatji ootjiva, mooloko ookhuma oLibano". Mwaavano uulumanaka awan'nyawe ¹⁶ "Evuwe ephyo yoohitto; ewe ephyo yootjulo; evekhulele ojardim waka, wo wiira eperfuume aa evavarye onukhelawa. Wo wiira awan'nyaka akele njardim waya ni alawihe mihokorokho tja we tjothanliya''.