Unowaudza nakugonekana nawo ¹ Pakupedzisira, hama dzangu mutinamatirewo,kuti fala la mambo lipinde, likudziwe, ninga zvimboitika kwenyuko. ² kuti tisugudhuliwe kuna vanhu wakuipa, thangwe lakuti hasi wese andhaira. ³ Tsono mambo ndiye wabwino, atchakusimbisai atchikutchenguetai kuna vanhu wakuipa. ⁴ Mambo, antibhatsira kuti tisamwe naimipa, kuti mukuita tchakwadhi uye mutchagala mutchiita zvese zvatidhokupfunzisai. ⁵ Nadhenzo, Mambo mbatchenese moyo yenyu mukudhanana kwa Dhedza na mukusimbikira kwa Djesu Kristu. ⁶ Tsono, hama dzangu, ndinokupfunzisai na zita la mambo Djesu Kristu, kuti muleke kugala pabhodzi na vanhu ananungo, asingatchengete mintemo yatinokupfunzisai. ⁷ Thangwe la kuti imipa patchenyu munziva kuti munfanira kutevedzara zvatinoita isupano, ndava ya kuti tiribhe kutekaira na un hu usiri wabwino pakati pa imipa. ⁸ Tiribhe kudja zvakudja zva munhu tisingapagali, asi tidhozvichandira usiku na masikati titchibhonera titchisimbikira kuti tirake kukunentsanyi. , ⁹ Nkhuleva lini kuti tiribhe ntsimba asi kuti tigale pamberi pa imipa kuti mutitevere. ¹⁰ Thangwe la kuti muntsiku yatikhagere kuna imipa, tidhokupfunzisai zvozvo, kuti pinango pana munhu anlamba kubata basa, mbaleke kudjawo. ¹¹ Ndawa ya kuti timbonzva mbiri yakuti anango pakati penyu alibhe unhu kwahwo, ana nungo andhitsa zva abhiyawo. ¹² Vanhu vadenzo tinovapfunzisa tichivakumbirira kwa imipa muna mambo Djesu Kristu, kuti abhate bhasa zvabwino atchidjawo zvawo. ¹³ Tsono imipa hama dzangu lekanyi kuneta kuita zvabwino. ¹⁴ Pamwe pana munhu asingadhe kunzva fala ledhu la tsamba iri, mumunangalitsitse munhu wakaleyo, kuti muleke kudzanganisana naye, kutu anyale. ¹⁵ Nampodhi kumuita ninga munhu wapedzi asi mumupfunzise ninga hama wenyu. ¹⁶ Tsono iye mambo mwenetchiro wa ubwino mbakupenyi ubwino ntsiku dzese namagaliro yabwino yese, mambo mbagale na imipa mwese. ¹⁷ Impano Paulo ndini ndanemba mafala yakumonisanyi na djanja langu, koku ndiko kunemba kwandinboita matsamba yangu yese, na muitiro iwowu. ¹⁸ Ntsisi dza mambo wedhu Djesu Kristu mbadzigale na imipa mwese. Amen