Kuwuya kwa kristu na asiri kristu ¹ Tsono ninkumbira kuna imipa hama dzangu pakuwuya kwa mambo wedhu Djesu na kuwungana naye pabhodzi. ² Kuti muleke kudzidzimuka na kukulumidza kunentseka kukumbuka , angagale ndzimu yayai mafala peno tsamba la kunembewa naisu, litchiti ntsiku lakuuya kwa mambo Djesu Kristu liri paduze. ³ Mbapaleke kugala pana munhu ankupunpsai na nsambo upi na upi thangwe kuti lakuti ntsiku yoyo haisvike kuphonyeka nakupatauka kusati kwasvika na munhu adhokuipa na mwana wakutaika anati wasvika. ⁴ Iye anzvita mwanakatchiro wa zvinhu zvese atchinyoza zvabwino zvintiwa na munhu kana kuti na vanhu va Dhedza . Mbhodzi bhodziyo anzvidhumbidza atchizviita ndiye Dhedza. ⁵ Mambo mbatchenese moyo yenyu mukudhanana kwa Dhedza nakusimbikira kwa Djesu Kristu . ⁶ Tsono munziva tchinolambidza, kuti adhoipayo awonesewe muntsiku yatche. ⁷ thangwe lakuti tchidhohwanda tcha vadhoipa tchire tchikutobata basa latchene, so zvintika basi kusikira anviringuiza ule wabvisiwa. ⁸ Pakalepo nyakuipa ule atchawoneka, atchibaiwa na mambo Djesu na mhuwe ya nkamwa mwatche, athipfudziwa na kuwoneka kuuya kwa Djesu. ⁹ Kuuya kuatche nyakuipayo, andzogala na ntsimba dza Sathani atchiita machula na machiripiti yakunyepa. ¹⁰ Atchipunpsa vale alibhe kutchena thangwe la kuti alibhe kutambira tchakwadhi tcha Dhedza tchikhadhikana kuti Tchivapulumutse. ¹¹ Thangwe la mirandu yoyi Dhedza atchavapasa ntsimba dzakuphonyeka kuti adhitsitse zvakuphonyekazvo. ¹² Kuti vese alibhe kubvuma tchakwadhi atonguewe . ¹³ Isupano hama dzangu thindhikana kudhaidza Dhedza ntsiku dzese , thamgwe lakuti Dhedza adhokusaludzai kubvila pakuyamba, kuti mutchirisiwe mundzimu wakutchena na kugutsikana kwatchakwadhi. ¹⁴ Ndizvo zvadhokudhanidzirai mu evhangueri yedhu, kuti muwone nbiri ya mambo Djesu. ¹⁵ Nadhelipo hama dzangu, mirai mudhosimba, mutchenguete mitemo yamudhopfunzisiwa, na fala, na tsamba ledhu. ¹⁶ Tsono, iye mambo wedhu Djesu krisitu patchatche, na Dhedza bhabha wedhu, adhotidha atchitima ntsisi dzawo, na kutsangaladziwa kwakuyenderera, munangatsiro yabwino. ¹⁷ Mbatsangaladzise moyo yenyu, akupenyi ntsimba pamabasa na pamafala yabwino.