¹ Mponya Jesu wakeenzegwa o muuya kwinka munkanda kuti akasunkwe a simuuya mubi. ² Nakaliimya kulya kwamazuba amasiku aali makumi one, wakafwa nzala. ³ Sikusunka wakasika okwamba kuli nguwe, '' Nakuti uli mwana wa Leza, ambila mabwe aya abe zinkwa.'' ⁴ Pele Jesu wakamutaba akwaamba mukuti kuliguwe, '' chili lembedwe, ' muntu takonzyi kupona kuchinkwa akulike, pele kufumbwa kujwi izwa ku mulomo wa leza! '' ⁵ Mponya simuuya mubi wakamutola mu munzi usalala okumubika atala eni ye nganda yechikombelo, ⁶ akwamba kuti, '' Na ulimwana wa leza, lisowe ansi, kambo chililembedwe, 'uyo ambila ba ngelo bakwe kuti baku kwabilile.'' ⁷ Jesu wakaamba kuti kulinguwe''Ape chililembedwe, utasunki mwami Leza wako". ⁸ Ape ,simuuya mubi wakamutola atala echelundu akumu tondezya bwami bwanyika abulemu bwazyo . ⁹ Wakaamba kuli nguwe ".Zyoonse eezi zintu ndilakupa,Na kutiwandifugamina okundikomba.'' ¹⁰ Mpoonya jesu wakaamba kulinguwe ''.Ndizwida awa Saatani ! Nkambo kulilembidwe ''.uleelede kukomba mwami leza wako ,ape ngoelede kumanina milimowe alike ¹¹ '''.Mpoonya simuuya mubi wakamusiya , pele amulange bangelo bakabola akumufutula. ¹² Mpoonyina Jesu nakamvwa kuti Joni wajatwa wakalongela kugalile. ¹³ Wakasiya Nazalate akwiinka kuyookala ku kapenaumu wakali kumbali alwizi lwegalile muzisizya zebbuluni o Naputali. ¹⁴ echi chakachitika mukuzuzulizya chakaambwa o Isaya musinsimi, ¹⁵ Cisi cha Zebbuluni a cisi cha Naputali, kukwinka kulwizi, mutala lya Jodani, Galili wamasi. ¹⁶ Bantu bakakala mumumdima bakabona mumuni mupati, oku laabo baka kala munyika oyo mweemvule wolufu, kuli mbabo mumuni wakaba munikila. ¹⁷ Kutalikila awo Jesu wakatalika kukambauka akwaaba kuti, ´´ Amwepwe, nkambo bwami bwa kujulu bwaswena afwifwi anywibo.´´ ¹⁸ ´Nakali kuya bwenda amkomwe yalwizi lwa galili, wakabona bazyalwa nyina bobile, Saimoni witwa kuti Pita, o Andulu mwenche muzyalwa nyina, kabasowa kanyanda mulwizi, nkambo bali ba zubi, ¹⁹ Jesu wakati kuli mbabo, ´´Amuze, mundi chilile, ape ape ndilamu panga basikuzula bantu.´´ ²⁰ Mponyina bakasiya tuzamba twabo akumutobela. ²¹ Mbuli Jesu nalikuya buzya alya wakabona bamwi bazylwa nyina bibile, Jemusi mwana wa Zebedi, o Joni muzyalwanyina. Bakali mubwaato o Zebedi isi wabo kabasuma tunyandi twabo. wakabaita, ²² mponya awo bakasiya bwaato abaisi akumuchilila. ²³ Jesu wakainka kweendenda chonse cisi cha Galili kaisya muzikombelo zyabo, okukambauka makani mabotu azyabwami bwaku Julu akusilika malwazi aindene onse ngibajesi. ²⁴ Impuwo yakwe yakasika omu Siliya monse, mponya makamu makamu abantu bakamwetela boonse buyo bali kuchiswa malwazi aindene azichisa, aabo bakajesi madaimona, abasizisuntu, abayuminide mibili. Jesu wakabaponya. ²⁵ Mponyina kwamuchilila makamu makamu abantu bazwa ku Galili, oku Dikaposi, Jelusalema, oku judiya omu tala lya kwinda ku Jodani.