sehluko 3
1
Ngimi lendvodza leyabona kuhlupheka nekutfukutsela kwaSimakadze.
2
Wangenta ngahamba ngephandle ebumnyameni kunasekukhanyeni.
3
Ngempela uguculele sandla sakhe ngakimi njalo njalo, lusuku lonkhe.
4
Wabolisa sikhumba sami nenyama yami; waphula nematsambo ami.
5
Ungakhele tintfo letimelene nami wangigegeletela ngebuhlungu nangelubukhuni.
6
Wangenta ngahlala etindzaweni letimnyama, njengebantfu labafa kadzeni.
7
Wakha lubondza langitungeleta futsi ngangakhoni kubaleka.
8
Wenta lukentane lwami lasindza noma bengingamemeta ngicele lusito, wavala umtsandazo wami.
9
Wavala indlela yami ngelubondza lematje lamakhulu; wagwegwisa indlela yami yangacondzi.
10
Ufana nelibhele lelifuna kungihlasela, libhubesi lelibhacile;
11
ungihudvule endleleni yami, wangishiya ngingenamsiti.
12
Ugobise umcibisholo wakhe wangenta ngaba yinkoyoyo yakhe.
13
Wangigwaza tinso ngemcibisholo ngebutjoki bakhe.
14
Ngaphendvuka inhekisa intfo yabo yekudlala lilanga lonkhe.
15
ungigcwalise ngebuhlungu wangiphocelela kutsi nginatse sinatfo lesibabako.
16
Wente ematinyo ami abhasha lukhetse, futsi wangenta ngabhubhusha emlotseni.
17
Umoya wami utsatfwe ngekutfula; ngakhohlwa nenjabulo kutsi iyini.
18
Ngako ngitsi, ''Bukhosi bami bushabalalisiwe kanjalo nelitsemba lami kuSimakadze.''
19
Khumbula kuhlupheka kwami nemicabango yami, sinatfo lesibabako nebuhlungu.
20
Ngachubeka ngakukhumbula nemoya wami uguce phansi kimi.
21
Kodvwa ngabuye ngacabanga engcondvweni yami ngakoke nginalo litsemba.
22
Kepha lutsandvo lwaSimakadze lwema lwangaphindzi lwagcina kanye nebubele bakhe nabo bangagcina,
23
bababasha njalo ekuseni; kutsembeka kwakho kukhulu.
24
''Simakadze usabelo sami,'' ngatsi, ngako ke ngiyawutsembela kuye.
25
Simakadze muhle kulabo labamlidzile, kulabo labamfunako.
26
kuhle kulindza ngekuthula insindziso yaSimakadze.
27
Kuba kuhle kutsi indvodza itfwale lijoka ebusheni bayo.
28
Akahlale yedvwa ngekuthula uma kubekwe kuye .
29
Akabeke umlomo wakhe elutfulini-lapho mhlawumbe kuyoba nekuthula.
30
Akaletse sihlatsi kuloyo lamshayako, akagcwaliswe ngekubeketela.
31
NgaNkulunkulu ngeke asilahle ingunaphakadze, noma ngabe angasibangela buhlungu,
32
kodvwa uyawubuya asentele umusa ngelutsandvo lwakhe lolumangalisako.
33
Ngobe akazange ahlupheke kusukela enhlitiyweni noma ahlukubete bantfwana bebantfu.
34
Kufihlita ngaphansi kwetinyawo tato tonkhe tiboshwa temhlaba,
35
kute kuphikwe bulungiswa bemuntfu locotfo lophakeme kakhulu,
36
kuphika bulungiswa kumuntfu- Inkhosi angeke ikuvume loko!
37
Lokhulumile futsi kwendlula, ngaphandle nakushicilelwe yiNkhosi?
38
Akuphumi emlonyeni walophakeme kakhulu kuthi onkhe emabhadi lakuphuma khona lokuhle?
39
Umuntfu lophilako angakhonona kanjani?Kungenteka kanjani umuntfu akhonone ngekujeziswa kwetono takhe?
40
Asibukisise tindlela tetfu bese siyatihlola, futsi sibuyele kuSimakadze.
41
Siphakamise tinhlitiyo tetfu netandla tetfu kuNkulunkulu losezulwini.
42
''Sonile saphindze savukela futsi awukacoli.
43
utivale ngentfukutselo futsi wasihlukubeta, wasibulala futsi wangabi nalo luvelo.
44
Utivale ngelifu khona kutobabete umtsandazo londlulako.
45
Usente safana nentfo lengcolile saphikwa emkhatsini wetive.
46
Tonkhe titsa tetfu tiyasicalekisa,
47
kwetfuka nekugcumkela kwehlele kitsi umonakalo nekubhubhisa.
48
Emehlo ami ehla umfula wetinyembeti ngoba batfu bami babhujisiwe.
49
Emehlo ami ayogobhota tinyembeti tingemi futsi ngingakhululeki,
50
kute Simakadze wasezulwini abuke phansi abone.
51
ngitingelwe njengenyoni ngulabo bebatitsa tami.
52
ngitingelwe njengenyoni ngulabo bebatitsa tami; bebangitingela ngaphandle kwesizatsu.
53
Bangifaka emgodzini base bajika litje kimi,
54
base benta emanti ageleta, ambhonya inhloko yami. Ngatsi, 'Ngijutjiwe!'
55
Ngabita ligama lakho, Simakadze, ngingekhatsi emgodzini.
56
Waliva liphimbo lami nangitsi, 'Ungavali indlebe yakho nangikhalela lusito .'
57
Wasondzela edvute ngalelilanga ngikubita; watsi, 'Ungesabi.'
58
Nkhosi, umelele licala ami, wasindzisa imphilo yami!
59
Simakadze, ubonile lokubi bebafuna kukwenta kimi; wahlulela licala lami.
60
Ukubonile kutiphindziselela kwabo, netincipho tabo ngami.
61
Uvile kuhlasela kwabo, Simakadze, nato tonke tincipho tabo ngami ngami.
62
Tindzebe temlomi kanye netinsolo tetitsa tami tita kimi lusuku lonkhe.
63
Buka kutsi tihleli njani bese tiyasukuma; banginyonga ngetingoma tabo.
64
Baphindzisele, Simakadze, ngaloko labakwentile.
65
Utakwenta tinhlitiyo tabo tibe nemahloni! Shengatsi sicalekiso sakho sehlele tikwabo!
66
Ubajezise ngentfukutselo kubo uphindze ubabhubhise ngephansi kwemazulu,Simakadze!''