¹ Simakadze umbonye indvodzakati yaseSiyoni ngaphansi kwelifu lekukwata kwakhe. Ubuphonse inkhatimulo yemaIsrayeli phansi kusuka ezulwini kuya emhlabeni. Akasikhumbuli senabelo setinyawo takhe ngelelilanga lentfukutselo yakhe. ² Simakadze ugwinyile futsi wangabaneluvelo kuwo onkhe emadolobha aJakobe. Emalangeni elulaka lwakhe wehlisela phansi emadolobha lagcinekile endvodzakati yakaJuda; ngekudzelela wehlisela phansi umbuso nebaholi bawo. ³ Ngetfukutselo leyesabekako uncamule tonkhe timphondvo taka Israyeli.Wakhokha sandla sakhe sangesekudla ngaphambi kwesitsa.Ushise Jakobe njengemlilo losivutsetse lowengama konkhe lokusedvute naye. ⁴ Njengesitsa ugobe bujopi bakhe wabubhekisa kitsi, ngesekudla ulungele kudubula. Uhlindze bonkhe lebebamujabulisa kulelithende lendvodzakati yaseSiyoni; utsele lulaka lwakhe njengemlilo. ⁵ Simakadze sewube njengesitsa. Umite Israyeli. Umite tonkhe tigodlo takhe. Ubhidlite tisekelo takhe leticinile. Wandzise kulila nekukhala kuyo indvodzakati yakaJuda. ⁶ Uhlasele lithabanekelo lakhe njenge ngendlwana yengadzi. Ubhidlite lendlu yekuhlanganyela kabuhlungu. Simakadze wente lokuhlangana kabuhlungu kanye neSabatha kutsi kukhohlwakale eSiyoni, ngoba unyanye inkhosi kanye nemphilisti ekutfukutseleni kwakhe lokukhulu. ⁷ Simakadze ulilahlise lilatheli lakhe futsi wayishiya indzawo yakhe lengcwele. Waniketwa tibondza tetigodlo takhe esandleni sesitsa. Bamemeta kakhulu endlini yaSimakadze, kwaba shengatsi ngulelilanga lelidzili lelamiswa. ⁸ Simakadze wenta sincumo sekubhidlita lubondza lelidolobha lendvodzakati yaseSiyoni. Welula lilayini lekukala wangete wasincandza sandla sakhe ekubhidliteni lolubondza. Wenta tibondza tekulila netindvonga; tonkhe taguga. ⁹ Emahheke akhe ashona emhlabatsini; wabhidlita wephula tinsimbi telihheke lakhe. Inkhosi yakhe netinkhosana takhe bakanye netive, umtsetfo sekute nebaphrofethi bakhe abawutfoli umbono lobuya kuSimakadze. ¹⁰ Labadzala balendvodzakati yaseSiyoni bahlala phansa ngekuthula. Waphonsa litfuli etinhloko tabo bafaka imphahla yelisaka. Ematjitji aseJerusalema abhekise tinhloko tawo phansi. ¹¹ Emehlo ami ahlulekile etinyembetini tabo; sisu sami sibuhlungu; lingekhatsi lami licitselwe ngaphandle emhlabatsini ngenca yekuphatamiseka kwendvodzakati yebantfu bami, bantfwana netinswane bayacaleka etitaladini telidolobha. ¹² Batsi kubomake babo, "Aphi emabele neliwayini?" basacaleka njengemadvodza lelimala etitaladini telidolobha, timphilo tabo ticitselwa etifubeni tabonina babo. ¹³ Ngingatsini kuwe, ndvodzakati yaseJerusalema? Yini lengingayifananisa nawe, kute ngitawukudvudvuta, tjitji lendvodzakati yaseSiyoni? Linceba lakho libanti njengelwandle. Ngubani longakuphilisa? ¹⁴ Baphrofethi bakho bakubonele imibono lengemanga nalengasho lutfo. Abakabuveti bubibakho kubuyisela tinhlanhla takho, kodwa kuwe baniketa tinkhulumo letingemanga naletidvukisako. ¹⁵ Bonkhe labo labendlula ngemgwaco bakushayela tandla. Bakhombisa kuphikisa baphindze bachawulane tandla tabo bavukele indvodzakati yaseJerusalema batsi, "Ngulelidolobha leli labalibita 'Buhle Lobuphelele,' 'Injabulo yawo wonkhe Umhlaba'?" ¹⁶ Tonkhe titsa takho tivula imilomo yato kuvukela wena. Banyembeta futsi babhasha ematinyo abo ngekukwata base batsi, "Simumitile yena! Leli ngulelilanga besisolo sililindzile! Siphilele kukubona kona!" ¹⁷ Simakadze ukwentile lebekakuhlelile kukwenta. Ugcwalise ligama lakhe. Ukwehlulile wena ngaphandle kweluvelo,ngoba uvumele sitsa sijabule etukwakho; uphakamisele etulu luphondvo lwetitsa takho. ¹⁸ Tinhlitiyo tabo takhala kuSimakadze, tibondza tendvodzakati yaseSiyoni! Yenta tinyembeti takho tigelete njengemfula imini nobusuku. Tinike kungakhululeki, emehlo akho angakhululeki . ¹⁹ Phakama, khala uphumisele ebusuku, ekucaleni kwekudzabuka kwebusuku! Tfulula inhlitiyo yakho njengemanti embikwebuso baSimakadze. Phakamisa tandla takho kuye ngenca yetimphilo tebantfwabakho labaculekiswa yindlala ekhoneni lasosonkhe sitaladi." ²⁰ Bona, Simakadze, futsi ukhumbule labo losebente ngabo ngalendlela. Kufanele bafati badle titselo tetibeletfo tabo, labantfwana lababanakekela? Kufanele baphilisti nebaphrofethi bahlizwe endzaweni lengcwele yaSimakadze? ²¹ Bonkhe labancane nalabadzala bacamba emanga elutfulwini letitaladi. Bafati bami labancane nemadvodza ami lamancane bawa ngenkemba; ubahlinze ngaphandle kwekubaneluvelo kubo. ²² Ubitiwe, njengoba ungabita bantfu elangeni lekudla, bantfu bami labesabekako kuwo onkhe emahlangotsi, ngelilanga lentfukutselo yaSimakadze kute lowabaleka noma wasindza; labo lengabanakekela futsi ngabakhulisa, sitsa sami sabhidlita.