¹ Simakadze watsi kuNoah, ''Wotani, wena nendlu yakho, ningene ekhatsi emkhunjini, ngoba ngibonile kutsi ulungile ebusweni bami kulesitukulwane. ² Kutotonkhe tilwane letihlobile utohamba naletiskhombisa letindvuna naletisikhombisa letinsikati. Etilwaneni letingcolile, tona wota natimbili, lesidvuna nalesisikati. ³ Nasetinyonini telizulu, ngena naletisikhombisa letindvuna naletisikhombisa letinsikati, kutigcina tisesekhona kuwo wonkhe umhlaba. ⁴ Ngoba ngemuva kwemalanga lasikhombisa letako ngitokwenta litulu line emhlabeni emalanga lengemashumi lamane nebusuku bakhona. Ngitobhidlita konkhe lokuphilako lokukhona emhlabeni lengikudalile.'' ⁵ Noah wakwenta konkhe loku bekakutjelwe nguSimakadze. ⁶ Noah bekaneminyaka lengemakhulu lasitfupha budzala nakufika sikhukhula emhlabeni. ⁷ Noah, emadvodzana akhe, umkakhe, nebafati bemadvodzana akhe bangena emkhunjini ngenca yemanti esikhulukhulu. ⁸ Tilwane letihlobile naletingcolile, tinyoni , nakonkhe lokuhamba tikwemhlaba. ⁹ ngakubili ngakubili, lokudvuna nalokusikati, kweta kuNoah kwangena emkhunjini, njengoba bekusho Nkulunkulu kuNoah. ¹⁰ Kwenteka ngemuva kwemalanga lasikhombisa, emanti esikhukhula efika emhlabeni. ¹¹ Emnyakeni wemakhulu lasitfupha emphilweni yaNoah, enyangeni yesibili, elangeni lesikhombisa enyangeni, ngalelo langa, yonkhe imitfombo yelwandle yachuma yavuleka, futsi emafasitelo elizulu avuleka. ¹² Litulu lacala kuna lanetsa emalanga lamashumi lamane imini nebusuku bakhona. ¹³ Futsi ngalelo langa linye Noah nemaadvodzana akhe, Shem, Ham, naJapheth, nemka Noah, nebafati labatsatfu bemadvodzana akhe kanye kanye, bangena emkhunjini. ¹⁴ Bangena kanye kanye nesilwane sasendle ngeluhlobo lwaso, nemfuyo bayicondzisa ngeluhlobo lwayo, nesilwane lesishoshako emhlabatsini ngeluhlobo lwaso, nalolonkhe luhlobo lwenyoni ngeluhlobo lwayo, luhlobo ngalunye lesiswane lesinetimphiko. ¹⁵ Ngatimbili kutotonkhe tilwane letiphilako teta kuNoah tangena emkhunjini. ¹⁶ Letilwane letangena bekungulesidvuna nalesisikati talolonkhe luhlobo; tangena njengoba Nkulunkulu bekashito kuNoah. Wabese Simakadze uvala umnyango emvakwato. ¹⁷ Sabese sikhukhula siyefika emhlabeni emalanga langemashumi lamane , emanti angeteka aphakamisa lomkhumbi awuphakamisela ngetulu kwemhlaba. ¹⁸ Emanti bekagcwele umhlaba wonkhe, nemkhumbi wandanda etikwemanti. ¹⁹ Emanti aphakama kakhulu emhlabeni kakhulu engca netintsaba letindze lebetingephasi kwesibhakabhaka tavaleka. ²⁰ Lamanti aphakama abamamitha langu 7.95 kwengca tintsaba. ²¹ Konkhe lokuphilako lobekuhamba emhlabeni kwafa- tinyoni, imfuyo, tilwane tasendle, tonkhe tilwane betihlala ngemihlambi neticuku letinengi emhlabeni, nakokonkhe lokungumuntfu. ²² Tonkhe tilwane lebetihlala emhlabeni, lebetiphefumula umoya wemphilo ngemakhala ato, tafa. ²³ Ngakoke konkhe lokuphilako tikwemhlaba kwabhujiswa, bantfu netilwane nalokushoshako kanye netinyoni tesibhakabhaka. Konkhe kwabhidlitwa emhlabeni NguNoah nalokwangena naye emkhunjini lokwasindza. ²⁴ Lamanti achubeka ahlala aphakeme emalanga lalikhulu nemashuni lasihlanu.