¹ Kwatsi lapho bantfu bacala bandza emhlabeni batala emadvodzakati, ² emadvodzana aNkulunkulu abona lamadvodzakati ebantfu atsandzeka. Atitsatsela bafati kiwo nalabanye, noma ngubaphi labekatikhetsela bona. . ³ Simakadze watsi, "Umoya wami ngeke uhlale nebantfu kube phakadze, ngoba bona bayinyama. Batewuphila iminyaka lengu 120. ⁴ Tinchwaga tatisemuhlabeni ngaleto tikhatsi, nasemuvakwa loko. Lokukwenteka ngesikhatsi emadvodza aNkulunkulu ashada emadvodzakati batala nebantfwana nabo. Lawa ngemadvodza labekanemandla neludvumo. ⁵ Simakadze wabona kutsi kona kwebantfu emhlabeni sekunengi, nekutsi konke lokusetinhlitiyeni tabo bekukubi kuchubeka. ⁶ Nkulunkulu watisola ngekwakha bantfu emhlabeni, wadvumala kakhulu enhlitiyeni yakhe. ⁷ Simakadze watsi, "Ngitawususa bantfu lengibadalile etulu kwemhlaba-bantfu netilwane, letihamba ngesisu netinyoni temazulu, ngiyatisola kutsi ngaba dala." ⁸ Kepha Nowa watfola umusa ebusweni baSimakdze. ⁹ Lona bekungumlandvo ngaNowa. Nowa bekayindvodza lelungile, lengasoleki emkhatsisini webantfu balesosikhatsi. Nowa wahamba naNkulunkulu. ¹⁰ Nowa waba nguyise walamadvodzana lamatsatfu: Shemi, Hamu, Japheth. ¹¹ Umhlaba wawukhohlakele embikwa Nkulunkulu, futsi wawugcwele budlova. ¹² Nkulunkulu wabona umhlaba; buka, wawukhohlakele, ngobe yonke inyama yayikhohlakalise indlala yabo emhlabeni. ¹³ Nkulunkulu watsi kuNowa, ''Ngiyakubona loku kutsi sesikhatsi sekubeka siphetfo enyameni, ngoba umhlaba ugcwele budlova ngenca yayo. Nembala, ngitayibhubhisa nemhlaba. ¹⁴ Takhele umkhumbi ngelipulango lelicinile.Yakha emagumbi kulomukhumbi, bese uvala ngelitiyela ngekhatsi nangephandle. ¹⁵ Nayi indlela lotoyenta ngayo; Budze balomukhumbi bube libangaba lelingu 300; bubanti balo bube ngemabanga langu 50, bese kuya etulu kuba ngeamabanga langu 30. ¹⁶ Yenta luphahla lwalomukhumbi, bese ucedzisa ngebubanti kusukela ngetulu kuya emaceleni. Yakha umnyango emhlubulweni walomkhumbi bese wakha lesibili, nalesitsatfu likamelo. ¹⁷ Lalela sengitoletsa sikhukhula semanti emhlabeni, sitobhubhisa inyama lephefumulelako ngaphansi kweLizulu. Konkhe lokusemuhlabeni kutakufa. ¹⁸ Kodvwa ngitokwakha sivumelwano nawe.Utawungena emkhunjini, wena, nemadvodzana akho nemfati wakho kanye nebafati bemadvodzana akho. ¹⁹ Kuko konkhe lokuphilako lokudalwe ngenyama, utawuletsa kubili emukhunjini, kute ukugcine kuphila kanye nawe, lokudvuna nalokusikati. ²⁰ Etinyonini ngeluhlobo lwato, netilwane ngetinhlobo tato, nako konke lokuhamba ngesisu emuhlabatsini ngeluhlobo lwato, kubili kwako kutokuta kuwe ukugcine kuphila. ²¹ Hlanganisani lonkhe luhlobo lwekudla lokudliwako nikugcine, kutoba kudla kwenu nekwato. ²² Nowa wakwenta loko. Njengoba Nkulunkulu abemutjelile, wakwenta loko.