¹ Lendvodza yalala na Eve futsi wakhulelwa wabeleka Cain. Eva watsi, ''Ngitele indvodza ngelusito lwaSimakadze.'' ² Wase utala umnakabo longuAbela. Abela wase uba ngumelusi, kodvwa Khayini walima umhlabatsi. ³ Kwenteka kutsi ekuhambeni kwesikhatsi Khayini waletsa letinye tetitselo labetilimile njengemhlatjelo kuSimakadze. ⁴ Abela yena, waletsa ematibulo etimfuyo takhe kanye nemafutsa. Simakadze wamemukela Abela kanye nemhlatjelo wakhe, ⁵ kodvwa Khayini kanye nemhlatjelo wakhe akamemukelanga. Ngako Khayini wakwata wagana lunwabu, wakhombisa nemona. ⁶ Simakadze watsi kuKhayini, ''Ukwate leni futsi unemona leni? ⁷ Umawenta lokulungile, angeke yini wemukeleke? Kepha uma ungakwenti lokulungile, sino sicocomelela emnyango sifuna kukulawula, kodvwa kufanele ubuse ngetulu kwato. ⁸ Cain wakhuluma na Abela umnakabo. Kwenteka ⁹ ngesikhatsi basemasimini, Khayini wajikela umnakabo wambulala. Simakadze wabese utsi Kukhayini, '' Uphi Abeli umnakenu?'' Watsi, ''angimati. Ngabe ngingumgcini wemnaketfu na'' ^{10 11 12} Simakadze watsi, '' Wenteni? Ingati yemnakenu isyamemeta emhlabatsini. Nyalo ucalekisiwe wena emhlabatsini, lovule umlomo wawo kumukela ingati yemnakenu etandleni takho. Nawulima umhlabatsini, kusukela nyalo ngeke asakhicita ngalokuphelele. Uyohlala ubuka emuva emhlabeni.'' ¹³ Cain watsi kuSimakadze, ''Sijeziso sami singetulu kwemandla ami. ¹⁴ Ngempela, ungicoshile namuhla kulendzawo namuhla, futsi ngitofulatseliswa ebusweni bakho. Ngitoba sikhoseli emhlabeni, nobe ngubani lotongitfola utongibulala,'' ¹⁵ Simakadze watsi kuye, ''Nangabe kukhona lobulala Cain, ngitophindzisela emahlandla lasikhombisa,'' Wabese Simakadze ubeka luphawu kuCain, kute nakutobakhona lotfola Cain, loyo muntfu ngeke amubulale Cain. ¹⁶ Ngakoke Cain wasuka ebukhoneni baSimakadze wahlala eveni lase Nod, emphumalanga ye Eden. ¹⁷ Cain walala nemkakhe futsi wakhulelwa. Watala Enoch. Wakha lidolobha waletsa libito lelifana nelendvodzana yakhe Enoch. ¹⁸ Enoch watala Irad, Irad wabanguyise waMehujael. Mehujael wabanguyise waMethushael. Methushael wabanguyise waLamech. ¹⁹ Lamech watitsatsela bafati lababili. Libito lalomunye bekungu Ada, lomunye kungu Zillah. ²⁰ Adah watala Jabal. Bekanguyise walabo lebebahlala emathendeni banemfuyo. ²¹ Libito lemnakabo bekungu Jabal. bekanguyise walabo lebebadlala umtjingo. ²² Kepha Zillah, wabeleka Tubal-Cain, lowakha kwekusebenta kwelutfusi nensimbi. Dzadze watubal-Cain bekunguNaamah. ²³ Lamech watsi kubafati bakhe, ''Ada naZillah, lalelani livi lami, lalelani lengikukhulumako. Ngoba ngibulele indvodza lengilimete, lijaha lelingihhudlile. ²⁴ Nangabe Cain aphindziselelwa emahlandla lasikhombisa, utobese naLamech uphindziselelwa emahlandla lasikhombisa,'' ²⁵ Adama walala nemkakhe phindze, futsi wabeleka lenye indvodzana. Wametsa libito watsi nguSeth futsi watsi, '' Nkulunkulu unginikete lenye indvodzana esikhundleni sa Abel, ngoba Cain wambulala.'' ²⁶ Seth bamtalela indvodzana wayetsa libito watsi ngu Enosh. Ngaleso sikhatsi bantfu bacala kubita libito laSimakadze.