¹ Manje lenyoka lebeyinebucili kwendlula tonkhe tilwane eHlane leSimakadze Nkulunkulu ayidalile, yatsi kumfati, ''vele Nkulunkulu utsite ungasidli lesihlahla langadzeni'?'' ² Lomfati watsi kulenyoka , ''sivumelekile kutsi singadla letinye titselo langadzeni, ³ kepha lokuphetselene nalesihlahla lamukhatsini engadzeni , Nkulunkulu utsite , 'singadli , singatsintsi, ngoba sitawufa. ''' ⁴ Lenyoka yatsi kulomfati , ''' ningeke nife. ⁵ Kepha Nkulunkulu uyati kutsi ngalelosuku leniyodla ngalo emehlo enu atowuvuleka, nitawufana naNkulunkulu , nati lokuhle nalokubi.'' ⁶ Kwatsi uma lomfati abone kutsi lesihlahla sikahle kutsi singadliwa, nekutsi sasibukeka sisihle emehlweni akhe , nekutsi lesihlahla sasifanele kumhlakaniphisa umuntfu , wabese letinye taletitselo taso watidla. Wase uphindze uniketa letinye indvodza yakhe lebeyinaye, yadla. ⁷ Emehlo abo bobabili avuleka babese bayati kutsi sebangcunu. Babese batfungisa emacembe emkhiwa kute batifihle. ⁸ Babese beva ngelivi la Simakadze Nkulunkulu ahamba engadzeni ngekutfokomala kwelilanga, lendvodza nemfati wayo babese bayatifihla ebukhoneni ba Simakadze Nkulunkulu ngaletihlahla tasengadzeni. ⁹ Simakadze Nkulunkulu wabese ubita lendvodza watsi kuyo, ''Ukuphi?'' ¹⁰ Lendvodza yaphendvula yatsi ''Ngikuvile engadzeni , bengesaba, ngoba bengingcunu. Ngibese ngiyatifihla.'' ¹¹ Nkulunkulu watsi, ''Ngubani lokutjele kutsi ungcunu? Sewudle lesihlahla lengikuyale kutsi ungasidli kuso?'' ¹² Lendvodza yabese itsi, ''Ngulomfati longiphe yena, lolonginike lesitselo salesihlahla , ngabese ngiyadla.'' ¹³ Simakadze waseMaZulwini watsi kulomfati, ''Yini lentfo loyentile?'' Lomfati waphendvula watsi, ''Lenyoka ingicambele emanga, ngabese ngiyadla.'' ¹⁴ Simakadze waseMaZulwini watsi kulenyoka, ''Ngoba sowente kanjena, ngicalekisa wena wedvwa kuyo yonkhe imfuyo netilwane tesiganga. Utohamba ngesisu, lutfuli yintfo lotoyidla emalanga onkhe ekuphila kwakho. ¹⁵ Ngitobeka kutondza emkhatsisini kwakho nemfati , nembewu yakho neyakhe. Utolimata inhloko yakho wena ulimate sitsendze sakhe.'' ¹⁶ Kulomfati watsi, ''Ngitokwandzisela buhlungu ngekuba nebantfwana; utokuva buhlungu uma ubeleka kubantfwana. Inshisekelo itawukuba yendvodza yakho, kephana utokuphatsa.'' ¹⁷ Ku Adam watsi, ''Ngoba sewulalele livi lemfati wakho , waphindze wadla kulesihlahla lenginiyale ngaso kutsi ningadli kuso,' ngicalekisa lomhlaba ngengca yakho; ngebuhlungu bemsebenti wakho utawukudla kuwo tinsuku tonkhe tekuphila kwakho. ¹⁸ Kutokukhicitela emanyeva netincacabutane futsi utokudla tihlahla tesiganga. ¹⁹ Ngekujuluka ebusweni bakho utowudla sinkhwa , ute ubuye emhlabatsini, ngoba uphume kuwo. Ngoba ulutfuli futsi utobuyela kulo.'' ²⁰ Lendvodza yamubita umfati wakhe ngekutsi ngu Eva ngoba wayengumake walokuphilako. ²¹ Simakadze Nkulunkulu wakela boAdam nemfati wakhe tembatfo ngesikhumba wabambatsisa. ²² Simakadze Nkulunkulu watsi, ''Ngoba lendvodza seyifana nalomunye wetfu seyati lokuhle nalokubi. Manje nyalo angeke avumeleke kutsi afinyelele ngesandleni sakhe , atsatse sihlahla sekuphila, asidle, kuze aphile inguna phakadze.'' ²³ Ngako-ke Simakadze Nkulunkulu wamukhiphela ngaphandle engadzeni yase Eden, kutsi alime lomhlaba lawutsetse. ²⁴ Ngako- ke Nkulunkulu wamucosha umuntfu engadzeni, wabeka Cherubim empumalanga yase ngadzeni e-Eden nesikhali lesivutsa emalangabi lesasijikeleta tindlela tonkhe, kute singadze lendlela leyakulesihlahla sempilo.