^{1 2} Ngakoke Inkhosi Dariyasi wayalela kutsi kube neluphenyo endlini yase musamo eBhabhiloni. Edolobheni leli biyelwe lase Ecbatana eMedia kwatfolakala umubhalo; nguloku lobeku bhalwe kuwo: ^{3 4 5} ''Emunyakeni wekucala wenkhosi Cyrus, Cyrus watfumela umulayeto ngendlu yaNkulunkulu eJerusalema: Lendlu lena ayakhiwe kabusha njenge ndzawo yemuhlatshelo, sisekelo sayo asakhiwe; ngebudze ayibe mamitha langemashumi lamabili nesikhombisa bese kuya emaceleni iba mamitha langemashumi lamabili nesikhombisa, kanye nematje lamakhulu netigogvo letinsha, beseke tindleko tayo tibhadalwe yindlu yenkhosi. Nyalo buyisani letintfo teligolide nelisiliva tendlu yankulunkulu,leta letfwa ngu Nebuchadnezzar eBhabhiloni atitsese ethempelini eJerusalema nibese nititfumela emuva ethempelini lase Jerusalema. Kufanele nitifake endlini ya Nkulunkulu. ⁶ Nyalo Tattenai, umuholi weSifundza lesewela umfula, Shethar-Bozenai, kanye nebalingani bakhe labahlala kuleSifundza lesewela umfula, nisuke kuleya ndzawo! ⁷ Yekelani imisebenti yalendlu yaNkulunkulu yodvwa. Umholi kanye nalabadzala bemaJuda bataakha indlu yaNkulunkulu kulena ndzawo ⁸ Nginiyalela kutsi nente loku nentela baholi bema Juda labakha lenandlu yaNkulunkulu:Tindleko letichamuka enkhosini tangesheya kwemufula titawu sebentiswa kubhadala lamadvodza kute engemi kwenta umusebenti wawo. ⁹ Noma ngayini ledzingekako-tinkunzi letincane, timvu, noma mazinyane emunikelo wekushiswa waNkulunkulu wase Zulwini, swayi, liwayini, noma emafutsa njenge muyalelo weba phristi eJerusalema-niketani leti tintfo kibo onkhe malanga ngaphandle kweku hluleka. ¹⁰ Yentani loku kute batoletsa umnikelo waNkulunkulu wase Zulwini bese niyangi thatazela, inkhosi kanye nemadvodzana ami, ¹¹ Uma ngabe kukhona lophula lona mtsetfo, insika yendlu yakhe ayikhishwe beseke ugwazwa ngayo. Indlu yakhe kufanele iguculwe kube yindzawo yekulahla tibi ngenca yaloku. ¹² Shengatsi Nkulunkulu lowabanga libito lakhe kutsi lihlale khona lisuse noma ngabe nguyiphi inkhosi noma bantfu labaphakamisa sandla kushintja lona mtsetfo, noma kutobhubhisa lenandlu yase Jerusalema. Mine,Darius, ngimi owakha lona mutsetfo. Mawentiwe ngekutimisela!'' ¹³ Kuselapho ngenca yalomutsetfo lowatfumelwa yinkhosi Darius,Tattenai, umuholi wesifundza sekwewelela ngeSheya Kwemufula, kanhye na Shethar-Bozenai kanye nebalingani bakhe, beta yonkhe intfo lebeyi yalelwe yinkhosi. ¹⁴ Ngakoke labadzala bema Juda bakha futsi baphumelela ngaphasi kwalona mutsetfo wa Haggai umu profethi kanye na Zechariah, situkulwane sa Iddo. Baphetsa takhiwo tabo ngeku landzela umutsetfo waNkulunkulu waka Israyeli phindze nemiyalelo ya Cyrus,Darius kanye naArtaxerxes inkhosi yase Persia. ¹⁵ Indlu yaphetfwa kwakhiwa ngelilanga lesitsatfu lenyanga ya Adar, emunyakeni wesitfupha ekubuseni kwe Nkhosi Darius. ¹⁶ Bantfu baka Israyeli, baphristi, ema Levi, kanye nabo bonkhe lebeba tfunjiwe bajabulela kunikelelwa kwendlu yaNkulunkulu ngentfokoto. ¹⁷ Banikela tinkhunzi letilikhulu, likhulu letimvu, kanye nemakhulu lamane emazinyane ekunikelela kwendlu yaNkulunkulu. Timbuti letilishumi nakubili nato tanikelwa njenge munikelo wesono waIsrayeli wonkhe, iyinye imelele sive sisinye saka Israyeli. ¹⁸ Baphindze batfuma baphristi nema Levi kutsi basebente ngeku hlukana etinkonzweni ta Nkulunkulu eJerusalema, njengobe kwabhala encwadzini yaMose. ¹⁹ Ngakoke bonkhe lebeba boshiwe bajabulela li Phaseka ngelilanga lelishumi nakune eyangeni yekucala. ²⁰ Umuphristi kanye nemu Levi batenta bamukeleka babese bahlaba imihlatjelo yeli phasika yabo bonkhe yalabeba boshiwe, kanye nabo. ²¹ Baka baka Israyeli labadla incenye yenyama yeliPhasika bekungu labo beba boshiwe futsi bebati hlukanisile ekungcoleni kwebantfu bemuhlaba babese bafuna Nkulunkulu, Nkulunkulu wema Israyeli. ²² Ngentfokoto bajabulela lona Mucimbi wesinkhwa lesingena mvubelo emalanga lasikhombisa, ngoba Simakadze bekaba letsele intfokoto waphindze wagucula nenhlitiyo yenkhosi ya Assyria kucinisa tandla tabo emusebentini wendlu yakhe, indlu ya Nkulunkulu ka Israyeli.