¹ Wase Hagayi umprofethi na Zecharia umprofethi, situkulwane sa Iddo, bapholofitha egameni laNkulunkulu waka Israyeli kuma JUda e Judiya nase Jerusalema. ² Zerubbabel indvodzana ya Shealtiel na Jeshua indvodzana ya Jozadak bavuka base bacala kwakha indlu yaNKulunkulu eJerusalema nebaprofethi lababeseka. ³ Wase Tattenai umbusi wesigodzi lesasisemfuleni, Shethar-Bozenai, ''Ngubani lowaninika umtsetfo wekwakha lendlu futsi nicedze lamabondza lawa?'' ⁴ Baphindze batsi, ''Yini emagama alamadvodza lakha lesakhiwo lesi?'' ⁵ Kodvwa liso laNkulunkulu lalikubaholi bemaJuda futsi netitsa tabo atibamisanga. Bebamele incwandzi kutsi iyiswe enkhosini futsi nemtsetfo ubuyiswe kubo macondzana naloku. ⁶ Lena ngulencwandzi ya Tattenai, umbusi wesigodzi lesasisemfuleni, na Shethar-Bozenai kanye nelibandla lakhe kulesigodzi lesasisemfuleni, lebebayitfumele enkhosini Darius. ⁷ Batfumela umbiko, babhala loku enkhosini Darius, ''Kuthula konkhe akubekwenu. ⁸ Inkhosi ayatiswe kutsi sihambile saya kaJuda kuletindlu taNkulunkulu lomkhulu. Kwakhiwe ngematje lamakhulu kanye netigodvo elubondzeni. Lomsebenti lona wentiwa kahle futsi uchubekela phambili kahle etandleni tabo. ⁹ Sabuta labadzala, 'Ngubani lowaninika umtsetfo kutsi nakhe lendlu lena kanye nalamabondza lawa?'' ¹⁰ Saphindze sababuta emagama abo kute utawati ligama langayinye indvodza lebeyibahola. ¹¹ Baphendvula batsi, 'Sitisebenti talolongu Nkulunkulu wesezulwini kanye nemhlaba, futsi sakha kabusha lendlu lena lebeyakhiwe iminyaka leminengi leyengcile laphoinkhosi yaka Israyeli yakha futsi yayicedza. ¹² Kodvwake, uma emadloti etfu akwatela loNkulunkulu wase zulwini, wabanikela etandleni ta Nebuchadnezzar inkhosi yase Babylon, umKhaledi, lowabhubhisa indlu yakhe futsi watsatsa labantfu wabatfumba eBabylon. ¹³ Nomakunjalo, emnyakeni wekucala uma Cyrus abe yinkhosi yase Babylon, Cyrus wakhokha umtsetfo kutsi kwakhiwe lendlu yaNkulunkulu. ¹⁴ Inkhosi Cyrus yaphindze yabuyisa letintfo teligolide kanye nesiliva letatitendlu yaNkulunkulu le Nebuchednezzar abetiletse atisusa ethempelini eJerusalema atiyisa kulelithempeli lelise Babylon. Wawagcwalisa ku Sheshbazzar, lobekamente umbusi. ¹⁵ Watsi kuye, ''Tsatsa letintfoleti. Hamba utibeka kulelithempeli lelise Jerusalema. Indlu yaNkulunkulu iphindze yakhiwe lapho.'' ¹⁶ Ngako lo Sheshbazzar weta wabeka sisekelo salendlu yaNkulunkulu eJerusalema; futsi iyakhiwa, kodvwa isengakapheli.' ¹⁷ 'Manje uma kujabulisa inkhosi, akuphenywe endlini yekugcina eBabylon uma sijubo senkhosi Cyrus siyaphila lapho sekwakha lendlu yaNkulunkulu eJerusalema. Ngako inkhosi ayitfumele sincumo sayo kitsi.