^{1 2} Jesus na pasa, i odja um omi ku padidu segu. 2 Si disipulus puntal: "Mestri kin ku peka pa e omi padidu segu?El o si pape?". ³ Jesus ruspundi elis:" Nim omi nim si papes ka peka, ma i sedu pa tarbadju di senhor relevadu nel. ⁴ No dibidi fasi tarbadju di kil ku mandan, nkuantu dia ten. Dinoiti na bin, ora ku ninguin ka pudi tarbadja. ⁵ Nkuantu sta na mundu, ami nsedu lus di mundu". ⁶ Dipus ku Jesus papia, i kuspi na tchon, i fasi lama ku si kuspinhu, i untal na udju di ki omi segu ki lama. ⁷ Jesus falal:" Bai bu laba udju na anki di Soloé (ku traduzidu suma kil ku mandadu')". Omi bai, i laba udju i kunsa na odja. ⁸ Visinhus di ki omi ku ta odjalba antis sintadu i pidi simola e fala?". ⁹ Alguns na fala:" I el". Utrus na fala:"Não, ma i parsi kuel". Enton omi fala:"iami" ¹⁰ E puntal:" Ma kuma ku bu udju iabri?". ¹¹ I ruspundi elis:" um omi tchomadu Jeus ku fasi lama i untan na nha udju; i falan:' bai bu laba udju na Siloé'. mbai nlaba nkunsa na odja". ¹² E puntal:" Nunde ki sta na el". I ruspundi elis:" Ami nka sibi". ¹³ E leba ki omi ku seguba dianti di Fariseus. ¹⁴ I seduba dia di diskansu, ku Jesus fasi lama i untal pa i pudi odja. ¹⁵ Fariseus torna punta ki omi utru bias ku ainda si udju iabri:"I pun lama na udju, nlabal nkusa na odja". ¹⁶ Utrus fariseu fala:"E omi ka bin di Deus, pabia i ka guarda dia di diskansu". utrus punta:" kuma ku um omi ku ta fasi pekadu pudi fasi e sinal?".E bin ten divison na se metadi. ¹⁷ E torna punta segu utru bias:"Abo ke ku fala di kil ku kurau?" I ruspundi elis:"anusiadur". ¹⁸ Ki ora, sefis di Judeus ka fiaba inda di kuma ki omi i eraba segu ku torna odja tementi e ka teneba papa ku mame di ki omi ku seguba ku torna odja. ¹⁹ E punta si mame ku si pape:"Es i ki omi bo fidju ku bo fala padidu segu? Kuma ki na odja gos?". ²⁰ Si mame ku si pape ruspundi elis:"No sibi kuma es i no fidju, ku padidu segu. ²¹ Ma kuma ki ianda i na odja no ka sibi. Abos bo puntal. Suma i alguin garandi i pudi konta bos ku si boka". ²² Si mame ku fasi pape pabia ki kusa pabia e teneba medu di Jesus ,dipus e kombinaba di kuma kualker alguin ku bin fala di kuma Jesus i kustu i dibidi serkadu na sinagoga ²³ E ku manda pape ku mame di ki omi fala elis:"El i garandi; bo puntal el propi". ²⁴ Tchoma pa sugundu bias, ki omi ku seduba e falal: konta baedadi dianti di Deus! Anos no sibi di kuma ki omi ta fasi mal". ²⁵ Omi ruspundi elis: Si fasi mal, ami nka sibi.Um kusa nsibi di kuma: Nseguba ma gos na odja". ²⁶ E torna puntal mas:"Ke ku i fasi pa bo? Kuma ki iabriu udju?". ²⁷ I ruspundi elis: Nkontabadja bos, bo ka obi! pabia ku bo misti obi utru bias? Sertamenti bo misti sedu si disipulus?". ²⁸ E kobal mal e fala:"abo ku si disipulu; anos i disipulus di Moisés. ²⁹ No sibi di kuma Deus papia ku Moisés, Ma e omi no ka sibi di nunde ki bin". ³⁰ Omi ruspundi elis, i fala:"li ku purblema sta nel!Bo ka sibi El i di nunde inda iabri nha udjus. ³¹ No sibi di kuma Deus kata obi kilis ku ta fasi mal, ma i ta obi kil ku rispital ku ta fasi si vontadi, Deus ta obil. ³² Disna di kunsada di mundu, nunka ninguin ka obi kuma alguin iabri udju di kil ku padidu segu. ³³ Se e omi ka mandaduba pa Deus, i kana pudi fasibe kusas". ³⁴ E ruspundi e fala: "bu padidu na pekadu gos bu misti nsinanu?". e serka djanan na kasa di djuntamentu. ³⁵ Jesus obi kuma e na serkal na kasa di djuntamentu. Odja i kontra ku el i falal:" Bu fia na fidju di omi?". ³⁶ I ruspundi e fala: El i kin Senhor pa nfia Nel?". ³⁷ Jesus falal: kil ku bu odjabadja, i El ku na papia ku bo". ³⁸ Omi fala:"Senhor nfia". Ki ora i adoral. ³⁹ Jesus fala:"I pa julgamentu ku nbin mundu, pa kilis ku kata odja pa e odja i pa kilis ku ta odja pa e riba segu". ⁴⁰ Alguns di fariseus ku staba la, E obil na papia ki kusa, e puntal:Anta ános tambi no segu?". ⁴¹ Jesus ruspundielis: Se bo seguba bo kata teneba pekadu. Ma, suma, bo fala:"No ta odja", el ku manda bo na fika na bo pekadu.