¹ Jesus fala na bardadi, na konta bos kuma di kuma tudu ku ka entra na porton principal, ma i bin pa porta di tras, i ladron. ² Kil ku entra na porton principal i bakiadur di karnelis. ³ porteru, ta iabril porta; karnelis ta obi si fala, i ta tchoma si karnel pa nome i ta leba elis fora. ⁴ Dipus di kaba tira tudu kilis ku pertensil, i ta bai se dianti, karnelis ta bai si tras pabia e kunsi si fala. ⁵ Ma e kata bai tras di kin ke ka kunsi; pa kontrariumr ta kurindel, pabia e ka kunsi si fala: ⁶ Jesus na kontaba elis e parabula, ma elis e ka ntindi ke ki na falaba. ⁷ I torna fala elis utru bias:"Na bardadi na bardadi na konta bos:Ami i ki porta di koral di karnel. ⁸ Tudu kilis ku bin antis di mi e sedu ladron i bandidu, ma karnel ka kudi elis. ⁹ Ami i porta. Kin ku entra na mi, i na salva; i na entra i na sai i na odja padja verdi. ¹⁰ Ladron ta bin furta, mata i dana. Ma Ami nbin pa djintis tene vida pa e tenel manga del. ¹¹ Ami i bon bakiadur. Bon bakiadur ta sta pruntu pa muri pa si karnelis. ¹² Ma kil ku ntereseru i ka bakiadur, kil ku karnel ka pertensi, ora ki odja lubu na pertu, i ta fika elis i kuri. Lubu ta padjiga elis. ¹³ I ta kuri i sedu ntereseru i ka mporta ku karnel. ¹⁴ Ami i bon bakiadur, nkunsi nha karnelis elis e kunsin. ¹⁵ Nha pape kunsin ami nkunsi nha pape tambi, na da nha vida pa nha karnel. ¹⁶ Ntene utrus karnelis ku ka sedu de koral. I pirsis tambii pa ntisi elis ndjunta, e na obi nha fala pa i sedu um koral son i un bakiadur son. ¹⁷ Nha pape aman: Pabia nsta pruntu pa da nha vida pa torna tomal. ¹⁸ Ninguin ka pudi tira nha vida, ma ami propi ku ta dal. Ntene puder pa dal e pa tornal.Nsisibi e mandamentu di nha pape". ¹⁹ I bin ten mas utru divison na metadi pabia di e palavra. ²⁰ Manga delis na fala:" I tene dimoniu, i dudu. Pabia di ke ku bo na obil. ²¹ Utrus na fala:"E palavra i ka di kin ku tene dimoniu. Um dimoniu pudi iabri udju di um segu?". ²² Na Jelusalem, i tenba un festa di dedikason. ²³ I seduba tempu di tchuba, Jesus ta iandaba na kasa di djuntamentu, na baranda di Salamon. ²⁴ Enton, um di ki Judeus bin pertu di Jesusi puntal: Te kal tempu ku bu na disanu susegadu? Si abo i kristu kontanu klaru". ²⁵ Jesus ruspundil:"Nkontaba dja bos, ma bo ka fia. Tarbadjus ku nta fasi na nomi di nha pape i ta da nha tustumunhu. ²⁶ Bo ka fia na mi pabia boka sedu nha karnel. ²⁷ Nha karnel ta obi nha fala; ami nkunsi elis i elis e ta siguin. ²⁸ Ami nda elis vida ku kata kaba; nunka mas e kana pirdi, ninguin kana tira elis na nha mon. ²⁹ Nha pape, ku dan elis, i garandi di ki tudu; ninguin ka pudi rabata elis na mon di nha pape. ³⁰ Ami ku nha pape anos i unson". ³¹ Judeus pega pedra utru bias pa fertcha Jesus ku el. ³² Jesus fala elis:"Manga di bias nfasi kusas bon bo dianti na puder di nha pape.Pa kal ku bo misti dan ku pedra?". ³³ Judeus ruspundil:"I ka pabia di tarbadju ku ta fasi ma pabia di lepsimentu, bu, sedu omi, bu fala abo i Deus". ³⁴ Jesus punta elis:" I kasta skritu na bo lei:'Ami nfala:abos i deusis?'. ³⁵ Si lei tchoma a deusis kilis ku Deus manda si palavra pa elis - skritura ka pudi mainadu -, ³⁶ kuma ku bo fala gora kuma ami, ku nha pape santifika i manda:'na lepsil', pabia nfala:'Ami i fidju di Deus?". ³⁷ Si omi nkata fasi tarbadju di nha pape, bo ka fia na mi. ³⁸ E ku manda si na fasil aainda ku bo ka fia na mi, bo fia na tarbadju, pa sibi kuma bo rikunhisi pape ku sta na mi, ami Nel" ³⁹ E tenra prindil utru bias, ma Jesus kapli na se mon. ⁴⁰ Jesus torna riba pa utru banda di riu jordon, pa kau nunde ku Djon ta batisaba djintis, i fika. ⁴¹ Manga di djintis na baiba nunde El, e na fala:" Djon, na bardadi, i ka fasi nim um sinal ma tudu kusa ki fala aserka di E omi i bardadidi". ⁴² Manga di djintis ku bai la fia Nel.