¹ N'sta na fala un erdeiru, ora ki i sedu un mininu i ka ta sedu diferenti di un katibu, ninsi i sedu dunu di kil kusa. ² pa kila, i ta sta bas di orientadur ku kuradur te tempu ku markadu pa si pape. ³ Asin tambi anos, otchanu mininu, no ta mantidu suma katibu pa kustumis di mundu. ⁴ Ma, otcha i tchiga tempu sertu, Deus manda si fidju, ku padidu di mindjer, i padidu bas di lei. ⁵ I fasi es liberta kilis ku sta bas di leis, pa no pudi risibidu i adotadu suma fidju. ⁶ I pa bia bo sedu fidju, Deus manda Spiritu di si Fidju na no korson, ku klama '' Aba, Pai''! ⁷ De manera ku bo kana sedu mas un katibu, ma un fidju. Si bu sedu un fidju, bu sedu tembe erdeiru atraves di Deus. ⁸ Ma, na ki ora, otcha ku bo ka kunsiba Deus, bo fasidu pa bo sedu katibu di kilis ki pa natureza e ka seduba deusis di nin un manera. ⁹ Ma, gosi ku bo kunsi Deus, o mindjor, gosi ku bo sedu kunsidu pa Deus, pabia i sta na riba pa frakus pobris regras? Bo misti sedu katibu di nobu? ¹⁰ Bo guada dias di lua nobu, tempu ku anus? ¹¹ N'medi pa bos, ki di algun manera, n'tarbadjaba na nada ku bos. ¹² M'pidi bos, ermons, bo sedu suma mi, pabia ami tambi na sedu suma bos. Bo ka na fasin mal. ¹³ Ma bu sibi kuma pa un duensa na nha kurpu kun konta bos palabra di Deus pa purmeru bias. ¹⁴ Nin ku nha kondison di saudi pui bos na prova bo ka na disprezan o negan. Ma ni ku kila bo risibin suma un anju di Deus, suma n'sedu nan propi Kristu Jesus. ¹⁵ Nunde ku bo sta, i ta bo alegria? Pa kila n'na fala bos kuma si pusivel, bo na tiraba bo udju bo dan. ¹⁶ N'ton, m'bida bo inimigu pabia n'konta bos bardadi? ¹⁷ Elis ku kuidadu e na buska bos, ma i ka ben. Elis e misti siparabos di mi pa bi sigui elis. ¹⁸ I bon pa bo sedu sempri kuidadozu pa bon propozitu i ka son ora ku n'sta na bo metadi. ¹⁹ Nha fidju, n'sta na sufri dur di partu pa bos di novu, ate Kristu sedu formadu na bos. ²⁰ Ami n'gosta di sta na bo metadi di gos i pa muda nha manera di papia, pabia n'sta fadigadu pabia di bos. ²¹ Bo kontan, si bo misti sta bas di lei: bo ka obi ke ku lei fala? ²² Pabia i sta skritu kuma Abron tene dus fidju, un di ki mindjer skravu ki utru i ilivri. ²³ Pa kila kil di skravu padidu sugundu karni ma ki utru padidu suma ki pirmitiduba. ²⁴ E kusas pudi sedu interpretadu suma simbulu, pabia e dus mindjeris sedu suma dus aliansa. Un di elis i di monti sinai. I padi mininu ku sedu skravu. E i Agar. ²⁵ Pa kila, Agar ta reprisenta monti Sinai na Arabia. El i ta Simbuliza gos Jeruzalem, pabia el i sta katiberasku ku si fidjus. ²⁶ Ma Jeruzalen ku sta riba i livri, el i no mame. ²⁷ Pabia i sta skritu: '' kontenti abo mindjer sebadu ku ka ta padi. Grita bo salta di kontentamentu, abo ku ta sufri dur di partu. Pabia fidjus di mindjer ku abandonadu ta sedu mas tchiu di ki kil ku tene omi''. ²⁸ Gos abos, ermons, asin suma Izaki, sedu fidju di promesa. ²⁹ Na ki tempu, kil ku padidu di akordu ku karni pirsigui kil ku padidu di akordu spiritu. Asin tambe ki sedu gos. ³⁰ Ke ku skritura fala? '' tira pa fora kil katibu ki si fidju. Pabai ki fidju di katibu na bin divdi erdansa ku fidju di mindjer livri''. ³¹ Suma ki sedu asin, ermons, no ka sedu fidjus di mindjer katibu, ma di mindjer livri.