¹ Otcha ki pasa katorzi anos; m'bai mas pa Jeruzalem ku Barnabe, n'leba Titu djuntu ku mi. ² m'bai pabia di un revalason n'splika elis e bon noba ku n'sta na konta na metadi di kilis ku ka sedu jintius. M'papia aparti ku kilis ku ta parsi kuma e mas tene djiresa; pa e fia kuma n'ka kuri o n'kuriba amonton. ³ Ma nin Titu ku staba ku mi, ku sedu gregu, i pudu a forsa pa i sirkunsidadu. ⁴ Es situason bin pabia di falsus ermons ku bin sukundidu pa sibi di liberdadi ku no tene na kristu Jesus. E mistiba punu pa no sedu skravus. ⁵ Ma anos no ka disa elis e kubrinu nun fika bas di elis nin m'bokadu, pa bardadi di bon noba kontinua sin muda pa bos. ⁶ Ma, kilis ku ta fala elis e garandi e ka djudan na nada. N'ka m'porta pa mi ku puzison ke tene. Deus ka ta julga pa fora. ⁷ Na kontrariu, e bin fiansadu na mi pa n'konta bon noba pa kilis ku ka sedu sirkunsidadu, asin suma ku Pedru staba pa konta bon noba pa kilis ku sirkunsidadu. ⁸ Pabia Deus, ku ta tarbadja na Pedru pa apostoladu pa kilis ku sedu sirkunsidadu. Tambi i tarbadja na mi pa jintius. ⁹ Otcha Tiagu, Sefas ku Djon, elis ku kunsiduba suma kilis ku sedu firkidjas di igreja; e rapada pa fabur ku e dadu; e distindi mon direta pa Barnabe ku mi. E fasiba es pa no pudi bai pa jintius pa e pudi sedu sirkunsidadu. ¹⁰ Elis tambi e mistiba pa no lembraba di koitadis. Ami tambi n'teneba vontadi pa fasil. ¹¹ Pabia, otcha Sefas bin pa Antiokia, ami n;rizisti tchiu, pabia i teneba garandi kulpa. ¹² Anti di bin utrus omis di ladu di Tiagu, Sefas ta kumeba djuntu ku jintius. Ma, otcha e omis bin, el i tchiga di lundju di jintus pabia i tenaba medu di kilis ku ka ta igigi sirkunsison. ¹³ Tambi utrus judeus e djuntaba ku Sefas na es findjimentu. ruzultadu sedu kuma te Barnabe i disa i lebadu pa findjimentu di elis. ¹⁴ Ma, otcha ami n'ghodja kuma elis e ka sigui bardadi di konta bon noba n'fala pa Sefas dianti di tudu. Si abos i judeus, ma bo sta na vivi na manera di jintius ki ka suma judeus, kuma ku bo pudi pui elis a forsa pa e vivi suma judeus? ¹⁵ Anos no padidu na judeus anos i ka pekaduris jintius; ¹⁶ No sibi kuma ninguin i justu pa fasi obra di lei ma i pa fe na Kristu Jesus. No bin di fe di Kristu pa no pudi sedu julgadu pa fa Nel i ka pa no fasi obra di lei. Pabia, pa obra di lei nin un alguin ka na sedu justifikadu. ¹⁷ Ma, si no buska sedu justifikadu na Kristu, no ta otchadu tambi pekaduris, asin Kristu na torna suma ministru di pekadu? Na bardadi nao! ¹⁸ Pabia si ami n'kumpu ki kusa ku n'dana ba dja ami na fasi un kebradur di lei. ¹⁹ Ami tambi, dianti di lei, n'sta mortu pa lei, pa m'pudi vivi pa lei. ²⁰ Ami n'krusifikadu ku Kristu asin i ka mi ku na vivi mas, ma Kristu ku na vivi na mi. Vida ku n'na vivi gosi na karni na vivil pa fe na fidju di Deus, ku aman i da si vida pa mi. ²¹ N'ka pudi nega fabur di Deus, pabia justifikason ten pabia di lei, n'ton Kristu muri suma nada.