¹ Nmisti pa bo sedu kuma ki garandi e luta ku nfrenta pa bos , pa ermons di laodiceia ku tudu kitis ku ka kunsin ² pa bo korson sedu nkorejadu kumunhun, na amor ku na rikesa di garandesa di intindimentu ku kunhisimentu di deus , ku sedu kristu ³ ma el sta sukundidu tudu rikesa di sabedoria ku ntindimentu . ⁴ Nfala bos e kusa pa ka ni un son di bos sedu nganadu ku palavras . ⁵ Apesar di ami nka sta djuntu ku bos na karni , nbora nsta na spiritu, nkontenti na odja orden ku firmesa na kristu . ⁶ Asin suma ku bo risibi kristu ki sinhor, bo ianda nel, ⁷ i bo firma tesu nel , bo firmanta bo vida na fe suma ku bo nsinadu , i bo intchi bo korson ku bondadi ku gardisimentu. ⁸ Bo koida pa ka ninguin fasi bos katibu ku nsinamentu falsu ndjitadu , di akordu ku US ku kustumi di omi konfoi leis di mundu, ma ika di kristu . ⁹ Pabia na si kurpu i ta sta tudu garandesa di naturesa di deus ¹⁰ Na el, ku bo lebadu kompletamenti, pabia el ku kabesa di tudu puder otridadi. ¹¹ Pa meiu del tambi bo botadu, i ka ku fanadu ku fasidu pa mon di omi na tira padas di bo karni, pa meiu dii fanadu di cristo. ¹² Bo n'teradu ku el na batismu i na el bo lantandadu di mortu pa fé na puder di Deus ku lantandal di mortu. ¹³ Odja ku bo sta mortu na bo pekadus i sin fana na bo kurpu, i da vida, djuntadu ku el, i purda tudu no maldadi; [Nota:Alhuns versons mas antigu e tisi:" i purda bos di tudu bo maldadi."] ¹⁴ El i kala ku tudu dibida ku skribidu kontra nos na si mandamentus. I tiranu tudu kila i bai pindral na cruz. ¹⁵ El i disarma gubernus ku otridadis i pui elis na publiku, i n'ganha elis na cruz. ¹⁶ Pa kila, ninguin ka na julga bos pabia di kume o bibi o pabia di dia festa o di lua nobre o pa salbadus. ¹⁷ Tudu e kusas i sombra di kusas ku na bin sedu, ma cristo ki sedu bardadi. ¹⁸ Ka bo disa ninguin n'djuti bos pabia di kilis ku findji baxa se kabesa ku ta adora anjus. E djintis e ta baxa na visons, intchadu ku n'djatansa di se pensamentu karnel, ¹⁹ i e ka ta djuda na kabesa . I na kabesa ku tudu kurpu sta ligadu nel na si forti union, i ta risibi sustentu i kirsimentu ku dadu pa Deus. ²⁰ Suma ku bo muri djuntu ku cristo pa kusas di mundu, pabia di ke ku bo na vivi suma kilis ku inda sta bas di obrigason di lei di us ku kustumi di mundu, suma esis: ²¹ "Kabo pega es o kila ka bo kume es o kil utru, ka bo toka na es o na kil utru"? ²² Tudu es leis ku n'sinamentus di omis e sta dja na pirdi pabia di se us. ²³ E regras ta parsi suma djiresa, ku falsu dedikason, ku falsu umildadi ku seredadi pa kurpu; ma ku ka ten kualkel balur na kombati di disidjus di karni.