¹ Ma lembra kuma: Na ultimus tempus i na bin dias difisil. ² Pabia omis na sedu iguistas, avarentu, orguliosus saberbos faladuris di mal, e na disobidisi se pape ku se mame, ingratus, ku ka importa ku Deus, ³ ku ka ten amor pa ninguin, di korson risu, kontaduris di mintida, pa utrus brabus, violentus, ki ka ten amor pa kil ki bon, ⁴ traiduris, ntemus, arogantis, te pa e ama Deus e na ama sabura des mundu. ⁵ E na parsi suma e tene pena, ma e na nega si puder. Lundjusi des djintes. ⁶ Pabia aguns delis e sedu omis ku ta entra na kusas di djintis pa panha mindjeris di kabesa lebi, ku intchi di se pekadus i e ta lebadu pa tudu koldadi diseju. ⁷ E mindjeris e sta sempri na aprindi, ma nunka e ka ta tchiga di ten intindimentu di bardadi. ⁸ Di mesmu manera ku Janes ku Jambres risisti Moisés, asin tambi ku e falsus mestris ta purfia bardadi; e pirdi intindimentu e reprova na fé. ⁹ Ma e ka ta bai lundju, pabia tudu djintis na rapara se tulesa, suma tulesa di kil dus omis. ¹⁰ Ma abo bu sigui nha insinamentus, manera di sedu, sintidu ku nten, fé firmesa, amor, pasiensa, ¹¹ pirsiguison, sufimentus ku npasa na Antiokia, Ikônio i lista. Nsuporta pirsiguison, i senhor librandi tudu es. ¹² Tudu alguin ku misti vivi un vida puru na kristu Jesus ten ku pasa pa pirsiguison. ¹³ MA inpusturis i djintis mau, ta torna inda mas mau, e ta ngana i e ta nganadu tambi. ¹⁴ Ma abo, kontinua na kil kusas ku aprendi i ku bu fia nel; i bu lembra di kin ku Nsinau. ¹⁵ Disna di mininesa bu kunsi palabra di Deus, ku pudi fasiu djiru pa salvason pa fé ku sta na kristu Jesus. ¹⁶ Tudu palabra di Deus, i Deus ku inspiral i ten purbitu pa insina, pa rapriendil, pa kurigi, i pa mostra manera di ianda diritu; ¹⁷ Pa omi di Deus pudi sta kompletu, trenadu pa tudu bon obra.