¹ Abo, nha fidju sedu forti na grasa ku no ten na kristu Jesus. ² Kil ku bu obi di nim, dianti de manga di tustumunhu, da kil insinamentu pa pomis fiel ku sedu kapas tambi di insina pa utrus. ³ Sufri djuntu ku mi, suma un soldadu di kristu Jesus. ⁴ Nin un soldadu, ku sta na sirvis militar ka ta mbaransa ku afazeris des mundu pa i pudi afrada si xef. ⁵ Di mesmu manera, alguin ku sta na kompeti suma ateleta i ka ta risibi premiu si i luta diritu. ⁶ I pirsis ki labradur ku na tarbadja duru dibi di sedu purmeru ku na toma frutu di si tarbadju. ⁷ kuda na kil ku n' sta ku falau, sinhor ta dau intindimentu na tudu kusas. ⁸ Lembra di Jesus kristu di djorson di Davi, kil ku lantandadu na metadi di mortus, suma bon noba ku nta kontra, ⁹ pabia di e bon noba ku na sufri toku nta pudu korenti suma un kriminosu. ma palabra di Deus kasta maradu. ¹⁰ Asin nta suporta tudu kusa dipa kilis ku Deus kudji, pa e pudi ten tambi salvason ku sta na kristu Jesus, ku gloria ku ka ta kaba. ¹¹ Es palabra li i di konfiansa:"Si no murri ku El, tambi no na vivi ku el. ¹² Si no fika firmi, tambi no na reina ku el. si no megal El tambi i na neganu. ¹³ Se no ka sedu fiel, El i na kontinua sedu fiel, pabia i ka pudi nega si kabesa". ¹⁴ Ba ta lembranta elis sempri di es kusas. Avisa elis dianti di Deus pa é para diskuti e palabra, pabia i ka na djuda na nada ma i ta dana kilis ku na obi. ¹⁵ Buska sta dianti di Deus sin kulpa, suma un tarbadjadur ku ka tene nada ku ta pul pa i burgunho, ku sibi tarbadja diritu ku palabra di bardadi. ¹⁶ Ivita di maus konbrsa di djintis ku ta leba ka da bias pa kaminhu mau. ¹⁷ Palabra de djintis ta lastra suma canser. Na se metadi sta himeneu i fileto, ¹⁸ Omis ku disvia di bardadi. E fala resureison pasa dja i e kunfundi fé di aguns. ¹⁹ Purtantu alisersu fundamental di Deus na kontinua firmi ku selu di palavra:"Sinhor kunsi kilis ki di sil",i,"tudu kil ku ta tchoma nomi di sinhor dibidi lundjusi di fasi mal" ²⁰ Na un kasa i ka ta ten son vazus di uru ku di prata, mas i ta ten tambi di madera ku di lama; alguns pa usa na lugar di onra i utrus na lugares di disonra. ²¹ Asin, si alguin purifika si kabesa des kusas maus i ta sedu suma kil vasu di lugar di onra, siparadu, util pa Mestri, i purparadu pa tudu bon tarbadjadu. ²² Fugi di prazeres di juventudi buska ainda diritu, ku fe ku amor i ku pas djuntu ku kilis ku ta tchoma nomi di sinhor ku korson puru. ²³ Lundjusi di diskutisons di tulesa i di kilis ku ka sibi nada bu sibi i ta tisi son konfuzon. ²⁴ Servu du sinhor ka dibi di sta na konfuzon. I dibidi sedu mansu ku tudu djintis, pruntu pa insina i ku pasensa. ²⁵ I dibidi kurigi ku mansesa kilis ku sta kontra el. Talves Deus ta da elis aripindimentu pa e kunsi bardadi. ²⁶ Asin e pudi torna bem di nobu i e fika livri di armadilias di diabu, ku prindi elis pa fasi si vontadi.