¹ Pano, mwakurwange, muturaperere,podigho nando dhaFumu dhitambuke no kudhitungeka, ² thika di yidi yikare nene, no pamwe kutushutura kughurodhi no ghuhayidena,kadi wahe hakara no matawero. ³ Ene Nyambi ne ghakara no makurupero,ghoyu ghakukutenda we no kukukunga we kwanyathi. ⁴ Tudi no ngcamu mwaFumu kuhatera we, eshi mwahe kurughana no nanyi mutwikere kurughana yinu yi tuna kuraghura. ⁵ Ninge Fumu ghakuneghedhe yo mitjima dhenu kuruhakitho rwaNyambi no mughuwa ghaKristsi. ⁶ Pano tuna murawera, mwakurwange, mudina dya Fumu Jesusi Kristusi, eshi mushwene keheyu mukurwa ghakupara yipara yoghukashu no mbadi ghakupara kukutha thitjo thi twawanine kukwenu. ⁷ Kukwenu mwe mwathinda mwadimuka ishi thiwana mukutemununa twe, yoyishi mbadi twemanine apa twakarire ne nu. ⁸ Mbadi twadire yidya yakeheyuno twahana kuyifuta, ene twarughanine ghuthiku no mutenya mughukukutu ghoyirughana no ghukukutu, no kadi twakukara twaghukukutu kwakeheyu. ⁹ Twarughanine yi mbadi shi kadi twakarire no ngcamu, ene twarughanine yi podigho eshi tukare twathitamenedhi kukwenu, podigho eshi mututemunune. ¹⁰ Apa twakarire nenu, twamuraghure,''Oyu ghakudhira kushana kurughana mbadighakona kudya.'' ¹¹ Atwe twayuva eshi mwamwe mukatjikenu kuyenda wimana, kadi wakurughana payirughana, ene yirama yokurughana kehepano. ¹² Kowa hokengeyo kuwaraghura nokuwatapa kwa Fumu Jesusi Kristusi, hakone kurughana noghuporothi no kudya yidya yagho. ¹³ Ene mwe, mwakurwange, mwaghaya kutenda ghuwa. ¹⁴ Ngeshi ghumwe kadi ghana kukutha nando dhetu dho mumbapira, mwakona kumunongonona no mwakupakerera nendi,podigho ghakufe honyi. ¹⁵ Ene mwamushimba eshi munyathi wenu, ene mumuyapithe thika minenu. ¹⁶ Pano ninge Fumu gho thiraro yithinda ghamupe thiraro kehe ruvedhe kehedhino ndhira. Fumu ghakare nenu mwahe. ¹⁷ Ame, Paghulusi, nakutjanga yi no nyara dhange, othi tho thinedhedhitho mukehe mbapira na tjanga. ¹⁸ Thinyeke tha Fumu Jesusi Kristusi thikare nenu. Amen.