¹ Pane kuhatera kumwiyero wafumu JesusiKristusi no makarero ghutu ghopofoti mukukara nendi tuna kumukumbera mwayendha, ² mbadi mboyikara ghuredhu mukumunyunga muyighayara yenu end mumaghukukutu, ndi mwamupepo, ndi mbudhi, ndi yitjanga eyi yinakumoneka yira kukwetu yina kutundera, kuyitundamo yodiyuwa dyaFumu ne yeya kare. ³ Mbadi mwakona kutawedhera ghumweya ghamwangereke mundhira dhi. Mbadi yakwiya kate munyima dhomawithero ghakwiye, no katughuru ghokushwen muragho hamuhokore, mwana ghomahanyawero. ⁴ Oyu ne yoyu ghemananyenine no ghakuyeyure thinda mukwimananyena waheya awa ghethire Nyambi ndi oyu hakughure. Thika yitundamo, ghahungumanine mungirishe dhaNyambi no ghakunedhire thinda yira Nyambi. ⁵ Mbadi muna kuvuruka eshi ghopa nakarire nenu namutongwere yinu yi? ⁶ Pano muna dimuka eshi nye yamuhutha munyima, podiyoshi mboha muhokore paruvedhe roruhunga. ⁷ Ghudhindo ghowa hashwena muragho ne watameka kurughana, poghadi ghumweya ghamuhutha munyima kate mbahamushwaghithe mundhira. ⁸ Ndani oyu ghashwena muragho mbana muhokora,oyu mbogha pagha Jesusi Kristusi no kutotha kukanwa nokumureta kukutha kuyihokora yomwiyero wendi. ⁹ Mwiyero gho mukakupira muragho pithagho pamurandu ghoyirughana yaSatan no mangcamu, yineghedha, no yitetukitha yombudhi, ¹⁰ no kehe yino yinu yoyimango yo kwangereka wa hanakuyongara, yoyishi hashwenine kuhaka ghushemwa no kuwakunga. ¹¹ Pamurandu ghoyi Nyambi kuna kutuma eyi hapira kutawa podigho hatawe ghumbango ¹² ndani podigho hakuwa wethe awa hadhira kutawa ghushemwa ene hahaka ghuyi. ¹³ Ene twakona kutapa ndangi kwaNyambi kukoye, mwakurwange ghamuhaka Fumu, yoishi Nyambi ghamutorora eshi amwe mwambuyo dhokutanga ghadhikunge kupitera mumupepo no matawero mughushemwa. ¹⁴ Ghamwithire koyi kupitra mumbudhi, podigho shi muwane mangcamu ghaFumu Jesusi Kristusi. ¹⁵ Podigho keho, mwakurwange, mwimane ndjikiti no mukwaterere ku thitjo thi hamuhonga, yikare shi panando endi mumbapira dhetu. ¹⁶ Opano ninge Fumu Jesusi Kristusi yithinda na Nyambi ghoWihetu, oyu ghatuhaka no ghatupa ghuturo ghoghuwa no maghayaroghomawa kupitera muthinyeke, ¹⁷ ghuwa ndani tende mitjima dhenu mukehe yirughana yoyiwa no nando.